മീലാദ് കാമ്പയിൻ സമാപന സമ്മേളനത്തിന്റെ സ്വാഗതസംഘ കമ്മിറ്റി രൂപവത്കരണത്തിൽനിന്ന്
മസ്കത്ത്: അൽ അമറാത്ത് കെ.എം.സി.സിയും ഇസ് ലാമിക് ദഅവ സെന്ററും സംയുക്തമായി സംഘടിപ്പിക്കുന്ന മീലാദ് കാമ്പയിനിന്റെ സമാപന സമ്മേളനമായ `മദീന പാഷൻ 2024'ൽ പ്രമുഖ പ്രഭാഷകൻ സിംസാറുൽ ഹഖ് ഹുദവി പങ്കെടുക്കും. സെപ്റ്റംബർ 20ന് വൈകീട്ട് 4.30 മുതൽ അൽഅമറാത്ത് ആസ്റ്റർ മിംസിനു സമീപം അൽ ഷമീക്കാത്ത് ഹാളിൽ വെച്ചു നടക്കുന്ന പരിപാടിയിൽ കെ.എം.സി.സി , എസ്.ഐ.സി കേന്ദ്ര നേതാക്കൾ പങ്കെടുക്കും.
മൗലിദ് സദസ്സ്, വിദ്യാർഥി ഫെസ്റ്റ്, ഫ്ലവർ ഷോ, ദഫ് ആൻഡ് സ്കൗട്ട് പ്രദർശനം, ഇശൽ വിരുന്ന്, അവാർഡ് ദാനം, മീലാദ് പ്രഭാഷണം, പ്രാർഥന മജ് ലിസ് തുടങ്ങിയ പരിപാടികളും ഇതോടൊപ്പം നടക്കും. സിംസാറുൽ ഹഖ് മുഖ്യ പ്രഭാഷണം നടത്തും.
പരിപാടിയുടെ വിജയത്തിനായി മുഹമ്മദ് ബയാനി അൽഹിശാമി ചെയർമാനായും നൗഫൽ ചിറ്റാരിപ്പറമ്പ് ജനറൽ കൺവീനറായും യാസർ നാദാപുരം ട്രഷററായുമുള്ള 51 അംഗ സ്വാഗത സംഘകമ്മിറ്റി രൂപികരിച്ചിട്ടുണ്ട്. സംഘ രൂപീകരണ യോഗത്തിന് അബ്ദുറഷീദ് ബഹ, സജിദ് നാദാപുരം, ഇസ്മായിൽ മുസ്‌ലിയാർ, അബ്ബാസ് നുജൂം, അഷ്‌കർ എളമ്പാറ. റജീൽ കെ.കെ, ന്യസാം ഹനീഫ്, സുഹൈൽ, ഗഫൂർ, സമീർ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.