സാം​ക്ര​മി​കേ​ത​ര രോ​ഗ​ങ്ങ​ളു​ടെ ദേ​ശീ​യ സ​ർ​വേ​ക്ക് ഇ​ന്ന് തു​ട​ക്കം

മ​സ്ക​ത്ത്: ദേ​ശീ​യ സാം​ക്ര​മി​കേ​ത​ര രോ​ഗ​ങ്ങ​ളു​ടെ (എ​ൻ.​സി.​ഡി) ദേ​ശീ​യ സ​ർ​വേ​ക്ക് ഞാ​യ​റാ​ഴ്ച മു​ത​ൽ തു​ട​ക്ക​മാ​കും. ര​ണ്ട് ഘ​ട്ട​ങ്ങ​ളി​ലാ​യാ​ണ് ന​ട​പ്പാ​ക്കു​ക​യെ​ന്ന് ആ​രോ​ഗ്യ മ​ന്ത്രാ​ല​യം അ​റി​യി​ച്ചു. സാം​ക്ര​മി​കേ​ത​ര രോ​ഗ​ങ്ങ​ളു​ടെ അ​പ​ക​ട​സാ​ധ്യ​ത കു​റ​ക്കു​ന്ന​തി​നും രോ​ഗ പ​രി​പാ​ല​നം മെ​ച്ച​പ്പെ​ടു​ത്തു​ന്ന​തി​നും ഉ​യ​ർ​ന്ന നി​ല​വാ​ര​മു​ള്ള ആ​രോ​ഗ്യ സേ​വ​ന​ങ്ങ​ൾ ല​ഭ്യ​മാ​ക്കു​ന്ന​തി​നും ല​ക്ഷ്യ​മി​ട്ടാ​ണ് സ​ർ​വേ ന​ട​ത്തു​ന്ന​ത്.

15വ​യ​സ്സി​ന് മു​ക​ളി​ലു​ള്ള എ​ല്ലാ പൗ​ര​ന്മാ​രും താ​മ​സ​ക്കാ​രും ഫീ​ൽ​ഡ് വ​ർ​ക്ക് ടീ​മു​ക​ളു​മാ​യി പൂ​ർ​ണ്ണ​മാ​യി സ​ഹ​ക​രി​ക്ക​മെ​ന്ന് ആ​രോ​ഗ്യ മ​ന്ത്രാ​ല​യം അ​ധി​കൃ​ത​ർ അ​ഭ്യാ​ർ​ഥി​ച്ചു.

ദേ​ശീ​യ​ത​ല​ത്തി​ലും ആ​ഗോ​ള​ത​ല​ത്തി​ലും ആ​രോ​ഗ്യ​മേ​ഖ​ല​ക​ൾ​ക്ക് വെ​ല്ലു​വി​ളി​യാ​യി തു​ട​രു​ന്ന​തും കാ​ര്യ​മാ​യ സ്വാ​ധീ​നം ചെ​ലു​ത്തു​ന്ന​തു​മാ​യ പ്ര​മേ​ഹം, ഹൃ​ദ​യ സം​ബ​ന്ധ​മാ​യ അ​സു​ഖ​ങ്ങ​ൾ, വി​ട്ടു​മാ​റാ​ത്ത ശ്വാ​സ​കോ​ശ രോ​ഗ​ങ്ങ​ൾ, അ​ർ​ബു​ദം എ​ന്നി​വ​യു​ൾ​പ്പെ​ടെ​യു​ള്ള രോ​ഗ​ങ്ങ​ളു​ടെ വ്യാ​പ​ന​ത്തെ​ക്കു​റി​ച്ചും അ​വ​യു​മാ​യി ബ​ന്ധ​പ്പെ​ട്ട അ​പ​ക​ട ഘ​ട​ക​ങ്ങ​ളെ​ക്കു​റി​ച്ചും കൃ​ത്യ​വും സ​മ​ഗ്ര​വു​മാ​യ വി​വ​ര​ങ്ങ​ൾ ശേ​ഖ​രി​ക്കാ​നാ​ണ് സ​ർ​വേ ശ്ര​മി​ക്കു​ന്ന​ത്.

ഈ ​പ​ദ്ധ​തി​യി​ലൂ​ടെ നി​ല​വി​ലെ ആ​രോ​ഗ്യ​സ്ഥി​തി കൃ​ത്യ​മാ​യി വി​ല​യി​രു​ത്താ​നും മു​ൻ​ഗ​ണ​ന​ക​ൾ നി​ശ്ച​യി​ക്കാ​നും ക​ഴി​യു​മെ​ന്ന് ആ​രോ​ഗ്യ​മ​ന്ത്രി പ്ര​സ്താ​വ​ന​യി​ൽ പ​റ​ഞ്ഞു.

എ​ൻ.​സി.​ഡി​ക​ൾ ത​ട​യു​ന്ന​തി​നും അ​വ​യു​മാ​യി ബ​ന്ധ​പ്പെ​ട്ട ആ​രോ​ഗ്യ-​സാ​മ്പ​ത്തി​ക ബാ​ധ്യ​ത​ക​ൾ കു​റ​ക്കു​ന്ന​തി​നും ല​ക്ഷ്യ​മി​ട്ടു​ള്ള നൂ​ത​ന ആ​രോ​ഗ്യ ന​യ​ങ്ങ​ളും പ​രി​പാ​ടി​ക​ളും വി​ക​സി​പ്പി​ക്കു​ന്ന​തി​നു​ള്ള അ​ടി​സ്ഥാ​ന​മാ​യി ഈ ​ഡാ​റ്റ ഉ​പ​യോ​ഗി​ക്കും. ഓ​രോ പ​ങ്കാ​ളി​ത്ത​വും നി​ല​വി​ലെ​യും ഭാ​വി​യി​ലെ​യും ത​ല​മു​റ​ക​ളു​ടെ ജീ​വി​ത​നി​ല​വാ​രം മെ​ച്ച​പ്പെ​ടു​ത്തു​ന്ന​തി​നും ഒ​മാ​ന്‍റെ ഭാ​വി കാ​ഴ്ച​പ്പാ​ട് കൈ​വ​രി​ക്കു​ന്ന​തി​ന് പൊ​തു​ജ​നാ​രോ​ഗ്യ​ത്തി​ൽ നി​ക്ഷേ​പം വ​ർ​ധി​പ്പി​ക്കു​ന്ന​തി​നു​മു​ള്ള ചു​വ​ടു​വെ​പ്പാ​ണെ​ന്നും അ​ദ്ദേ​ഹം പ​റ​ഞ്ഞു.