ഒമാൻ-ഉസ്ബകിസ്താൻ ബിസിനസ് ഫോറത്തിൽനിന്ന്
മസ്കത്ത്: ഒമാനിലെയും ഉസ്ബകിസ്താനിലെയും നിക്ഷേപ അവസരങ്ങളും സാധ്യതകളും കണ്ടെത്തുന്നതിനായി ബിസിനസ് ഫോറം സംഘടിപ്പിച്ചു. ഒമാൻ ചേംബർ ഓഫ് കോമേഴ്‌സ് ആൻഡ് ഇൻഡസ്ട്രിയുടെ നേതൃത്വത്തിലായിരുന്നു പരിപാടി സംഘടിപ്പിച്ചത്.
ബിസിനസ് ഫോറത്തിന്‍റെ ഭാഗമായി ഇരുരാജ്യങ്ങളിലെയും ചേംബർ ഓഫ് കോമേഴ്‌സ് ആൻഡ് ഇൻഡസ്ട്രികൾ സംയുക്ത സഹകരണം വർധിപ്പിക്കുന്നതിനായി ധാരണ പത്രത്തിൽ (എം.ഒ.യു) ഒപ്പുവെച്ചു.
ഒമാനി, ഉസ്ബെക് കമ്പനികൾ തമ്മിൽ നിരവധി ധാരണപത്രങ്ങളും ഒപ്പിട്ടു. ഫോറത്തിൽ, ഒമാനിലെ നിക്ഷേപം, ടൂറിസം, സാമ്പത്തിക ചുറ്റുപാടുകൾ എന്നിവയുടെ പ്രധാന ഘടകങ്ങളും വിവിധ മേഖലകളിലെ നിക്ഷേപകർക്ക് നൽകുന്ന സൗകര്യങ്ങളും പ്രോത്സാഹനങ്ങളെയുംകുറിച്ചുള്ള അവതരണവും നടന്നു. ഇരുരാജ്യങ്ങളിലെയും വ്യവസായികളും തമ്മിൽ നിരവധി ബി ടുബി മീറ്റിങ്ങുകളും നടന്നു.
ഒമാൻ വാണിജ്യ, വ്യവസായ, നിക്ഷേപ പ്രോത്സാഹന മന്ത്രി ഖായിസ് മുഹമ്മദ് അൽ യൂസഫും ഉസ്ബകിസ്താൻ വിദേശകാര്യ മന്ത്രി ബാക്‌സ്റ്റിയോർ സെയ്‌ദോവും കൂടിക്കാഴ്ചയും നടത്തി. ഇരു രാജ്യങ്ങളും തമ്മിലുള്ള ബിസിനസ്, നിക്ഷേപ സഹകരണം വർധിപ്പിക്കുന്നതിനുള്ള മാർഗങ്ങൾ ഈ കൂടിക്കാഴ്ചയിൽ പര്യവേക്ഷണം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.