ഖ​രീ​ഫ്: മി​ക​ച്ച മു​ന്നൊ​രു​ക്ക​വു​മാ​യി ആ​ർ.​ഒ.​പി

മ​സ്ക​ത്ത്​: ഖ​രീ​ഫ്​ സീ​സ​ണി​ലെ​ത്തു​ന്ന സ​ഞ്ചാ​രി​ക​ളു​​ടെ സു​ര​ക്ഷ ഉ​റ​പ്പാ​ക്കാ​ൻ എ​ല്ലാ​വി​ധ മു​ന്നൊ​രു​ക്ക​ങ്ങ​ളും പൂ​ർ​ത്തി​യാ​ക്കി​യ​താ​യി റോ​യ​ൽ ഒ​മാ​ൻ പൊ​ലീ​സ്​ (ആ​ർ.​ഒ.​പി) അ​റി​യി​ച്ചു. സ​ഞ്ചാ​രി​ക​ളു​ടെ സു​ര​ക്ഷ ഉ​റ​പ്പു​വ​രു​ത്തു​ന്ന​തി​നും സേ​വ​ന​ങ്ങ​ള്‍ ല​ഭ്യ​മാ​ക്കു​ന്ന​തി​നും എ​ല്ലാ​സ​മ​യ​ത്തും പൊ​ലീ​സ്​ വി​ഭാ​ഗ​ത്തി​ന്‍റെ സേ​വ​നം ല​ഭ്യ​മാ​ക്കു​മെ​ന്ന്​ ദോ​ഫാ​ർ ഗ​വ​ര്‍ണ​റേ​റ്റ് പൊ​ലീ​സ് ക​മാ​ന്‍ഡ​ര്‍ ബ്രി​ഗേ​ഡി​യ​ര്‍ സ​ഈ​ദ് ബി​ന്‍ ഹ​മ​ദ് അ​ല്‍ ബ​ലൂ​ശി പ​റ​ഞ്ഞു.

ഖ​രീ​ഫ് സീ​സ​ണി​ൽ ടൂ​റി​സ്റ്റ് സൈ​റ്റു​ക​ളി​ലെ സു​ര​ക്ഷ​ക്കും ട്രാ​ഫി​ക് ന​ട​പ​ടി​ക്ര​മ​ങ്ങ​ൾ​ക്കു​മു​ള്ള എ​ല്ലാ ആ​വ​ശ്യ​ങ്ങ​ളും നി​ർ​ണ​യി​ക്കാ​ൻ റോ​യ​ൽ ഒ​മാ​ൻ പൊ​ലീ​സി​ന്‍റെ പ്ര​ധാ​ന ക​മ്മി​റ്റി​ക​ൾ നി​ര​വ​ധി യോ​ഗ​ങ്ങ​ൾ ചേ​രു​ക​യും ഫീ​ൽ​ഡ് സ​ന്ദ​ർ​ശ​ന​ങ്ങ​ൾ ന​ട​ത്തു​ക​യും ചെ​യ്തു. സ​ന്ദ​ർ​ശ​ക​രു​ടെ സു​ര​ക്ഷ ഉ​റ​പ്പാ​ക്കു​ന്ന​തി​നും ഗ​താ​ഗ​തം സു​ഗ​മ​മാ​ക്കു​ന്ന​തി​നും ബ​ന്ധ​പ്പെ​ട്ട അ​ധി​കാ​രി​ക​ളു​മാ​യി ഏ​കോ​പി​പ്പി​ച്ച് ഈ ​സീ​സ​ണി​ൽ വി​നോ​ദ​സ​ഞ്ചാ​രി​ക​ളു​ടെ എ​ണ്ണ​ത്തി​ൽ പ്ര​തീ​ക്ഷി​ക്കു​ന്ന വ​ർ​ധ​ന​വ് നേ​രി​ടാ​ൻ പ്ര​ത്യേ​ക ന​ട​പ​ടി​ക​ൾ സ്വീ​ക​രി​ച്ചി​ട്ടു​ണ്ട്. വ​ഴി​യ​രി​കി​ല്‍ സെ​ക്യൂ​രി​റ്റി പോ​യന്റു​ക​ളും സം​വി​ധാ​നി​ച്ചി​ട്ടു​ണ്ട്.

ഗ​താ​ഗ​ത സു​ര​ക്ഷ​ക്കാ​യു​ള്ള ന​ട​പ​ടി​ക​ളും പൂ​ര്‍ത്തീ​ക​രി​ച്ചു. മു​ഴു​വ​ന്‍ ഇ​ട​ങ്ങ​ളി​ലും സി​വി​ല്‍ ഡി​ഫ​ന്‍സ് ആ​ൻ​ഡ്​ ആം​ബു​ല​ന്‍സ് പൊ​തു​വി​ഭാ​ഗ​ത്തി​ന്റെ സേ​വ​നം ല​ഭ്യ​മാ​ക്കി. ടൂ​റി​സ്റ്റ് കേ​ന്ദ്ര​ങ്ങ​ളി​ലും വ​ഴി​ക​ളി​ലും മു​ഴു​വ​ന്‍ സ​മ​യ​വും ആ​ര്‍.​ഒ.​പി സ്‌​പെ​ഷ​ല്‍ ടാ​സ്‌​ക് ഫോ​ഴ്‌​സി​ന്റെ നേ​തൃ​ത്വ​ത്തി​ല്‍ പ​ട്രോ​ളി​ങ് ന​ട​ത്തും. കോ​സ്റ്റ് ഗാ​ര്‍ഡും സേ​വ​ന സ​ന്ന​ദ്ധ​രാ​യി രം​ഗ​ത്തു​ണ്ടാ​കു​മെ​ന്ന് പൊ​ലീ​സ് വ്യ​ക്ത​മാ​ക്കി.

ദോ​ഫാ​ർ ഗ​വ​ർ​ണ​റേ​റ്റി​ലേ​ക്കു​ള്ള റോ​ഡു​ക​ളി​ലെ ഉ​പ​യോ​ക്താ​ക്ക​ളു​ടെ സു​ര​ക്ഷ ഉ​റ​പ്പു​വ​രു​ത്തു​ന്ന​തി​നും അ​ടി​യ​ന്ത​ര സാ​ഹ​ച​ര്യ​ങ്ങ​ളി​ൽ സ​ഹാ​യം ന​ൽ​കു​ന്ന​തി​നു​മാ​യി പൊ​ലീ​സ് ഉ​ദ്യോ​ഗ​സ്ഥ​രു​ടെ​ സേ​വ​നം ല​ഭ്യ​മാ​കും.

ഖ​രീ​ഫ്​ സ​മ​യ​ത്തെ ദോ​ഫാ​ർ ഗ​വ​ർ​ണ​റേ​റ്റി​ൽ​നി​ന്നു​ള്ള കാ​ഴ്ച (ഫ​യ​ൽ)

 ഖ​രീ​ഫ്​ യാ​ത്ര: ഇക്കാര്യങ്ങൾ ശ്രദ്ധിക്കാം

സു​ര​ക്ഷ നി​ർ​ദേ​ശ​ങ്ങ​ൾ പാ​ലി​ക്കാ​ൻ എ​ല്ലാ​വ​രും ത​യാ​റാ​ക​ണം

മ​സ്ക​ത്ത്​: ഖ​രീ​ഫ്​ സീ​സ​ണി​ന്‍റെ ഭാ​ഗ​മാ​യെ​ത്തു​ന്ന സ​ഞ്ചാ​രി​ക​ളെ വ​ര​വേ​ൽ​ക്കാ​നൊ​രു​ങ്ങി ദോ​ഫാ​ർ ഗ​വ​ർ​ണ​റേ​റ്റ്. നി​ല​വി​ൽ സ​ലാ​ല​യ​ട​ക്ക​മു​ള്ള ന​ഗ​ര​പ്ര​ദേ​ശ​ങ്ങ​ളി​ൽ ന​ല്ല ചൂ​ടാ​ണ്​ അ​നു​വ​പ്പെ​ടു​ന്ന​ത്. എ​ന്നാ​ൽ, ജ​ബ​ൽ പ്ര​ദേ​ശ​ങ്ങ​ളി​ൽ ദി​വ​സ​ങ്ങ​ക്ക് മു​മ്പേ മ​ഴ ല​ഭി​ക്കു​ക​യും താ​പ​നി​ല​യി​ൽ പ്ര​ക​ട​മാ​യ മാ​റ്റം വ​രു​ക​യും ചെ​യ്​​തു തു​ട​ങ്ങി. വ​രും ദി​വ​സ​ങ്ങ​ളി​ൽ ന​ഗ​ര​പ്ര​ദേ​ശ​ങ്ങ​ളി​ലും ന​നു​ത്ത മ​ഴ​യും കു​ളി​രും അ​നു​ഭ​വ​പ്പെ​ടാ​ൻ തു​ട​ങ്ങും. ഇ​​തോ​ടെ പ്ര​കൃ​തി​യു​ടെ അ​​നു​ഗ്ര​ഹീ​ത പ്ര​തി​ഭാ​സം നു​ക​രാ​നാ​യി സ്വ​ദേ​ശി​ക​ളും വി​ദേ​ശി​ക​ളും​ ദോ​ഫാ​റി​ലേ​ക്ക്​ ഒ​ഴു​കും. ഖ​രീ​ഫി​ന്‍റെ എ​ല്ലാ സൗ​ന്ദ​ര്യ​വും ആ​സ്വ​ദി​ക്കാ​നാ​യി മി​ക​ച്ച യാ​ത്ര മു​ന്നൊ​രു​ക്ക​ങ്ങ​ൾ ന​ട​ത്തേ​ണ്ട​ത്​ അ​ത്യാ​വ​ശ്യ​മാ​ണെ​ന്ന്​ ട്രാ​വ​ൽ മേ​ഖ​ല​യി​ലു​ള്ള​വ​ർ പ​റ​യു​ന്നു

സു​ര​ക്ഷ നി​ർ​ദേ​ശ​ങ്ങ​ൾ പാ​ലി​ക്കേ​ണ്ട​ത​തും പ്ര​ധാ​ന​പ്പെ​ട്ട കാ​ര്യ​മാ​ണ്. ദോ​ഫാ​ർ ഗ​വ​ർ​ണ​റേ​റ്റി​ലേ​ക്കു​ള്ള യാ​ത്ര​ക​ൾ ആ​സൂ​ത്ര​ണം ചെ​യ്യു​മ്പോ​ഴും ത​യാ​റാ​ക്കു​മ്പോ​ഴും മു​ൻ​ഗ​ണ​ന​ക​ളി​ൽ ഇ​ത് മു​ൻ​പ​ന്തി​യി​ലാ​യി​രി​ക്ക​ണം. യാ​ത്രാ​വേ​ള​യി​ൽ വി​ശ്ര​മ​സ്ഥ​ല​ങ്ങ​ളും വാ​ഹ​ന സ​ർ​വി​സ് സ്റ്റേ​ഷ​നു​ക​ളും മ​ന​സ്സി​ലാ​ക്കി​വെ​ക്കു​ക. ക്ഷീ​ണ​വും ത​ള​ർ​ച്ച​യും അ​നു​ഭ​വ​പ്പെ​ടു​ന്നു​ണ്ടെ​ങ്കി​ൽ സു​ര​ക്ഷാ നി​യ​മ​ങ്ങ​ൾ പാ​ലി​ച്ച് നീ​ങ്ങാ​നും വി​ശ്ര​മി​ക്കാ​നും അ​നു​യോ​ജ്യ​മാ​യ സ​മ​യം തി​ര​ഞ്ഞെ​ടു​ക്കു​ക.

പാ​ത​യോ​ര​ത്തെ വി​ശ്ര​മ​കേ​ന്ദ്ര​ങ്ങ​ളു​ടെ​യും ഇ​ന്ധ​ന സ്റ്റേ​ഷ​നു​ക​ളു​ടെ​യും സ്ഥാ​ന​ങ്ങ​ൾ തി​രി​ച്ച​റി​ഞ്ഞ് യാ​ത്ര​യു​ടെ റൂ​ട്ട് പ​ഠി​ക്കേ​ണ്ട​ത് ആ​വ​ശ്യ​മാ​ണ്. കൂ​ടാ​തെ, എ​മ​ർ​ജ​ൻ​സി ന​മ്പ​റു​ക​ളും സി​വി​ൽ ഡി​ഫ​ൻ​സ് അ​തോ​റി​റ്റി​യു​ടെ സ്ഥാ​ന​ങ്ങ​ളും ദോ​ഫാ​ർ ഗ​വ​ർ​ണ​റേ​റ്റി​ലേ​ക്കു​ള്ള വ​ഴി​യി​ൽ വ്യാ​പി​ച്ചു​കി​ട​ക്കു​ന്ന ആം​ബു​ല​ൻ​സ് പോ​യി​ൻ​റു​ക​ളും അ​റി​ഞ്ഞി​രി​ക്ക​ണം.

ഖ​രീ​ഫ്​ സീ​സ​ണി​ൽ ഗ​താ​ഗ​ത സു​ര​ക്ഷ വ​ള​രെ പ്ര​ധാ​ന​മാ​ണ്. ട്രാ​ഫി​ക് നി​യ​മ​ങ്ങ​ൾ എ​ല്ലാ​വ​രും പാ​ലി​ക്ക​ണം. നി​യ​മ​പ​ര​മാ​യ വേ​ഗ​ം മ​റി​ക​ട​ക്കാ​ൻ ശ്ര​മി​ക്ക​രു​ത്. വാ​ഹ​ന​മോ​ടി​ക്കു​മ്പോ​ൾ മൊ​ബൈ​ൽ ഫോ​ൺ ഉ​പ​യോ​ഗി​ക്കു​ന്ന​ത് ഒ​ഴി​വാ​ക്കു​ക.

യാ​ത്ര​ക്കി​ടെ, എ​ൻ​ജ​ൻ അ​മി​ത​മാ​യി ചൂ​ടാ​കു​ന്ന സാ​ഹ​ച​ര്യ​ത്തി​ൽ വാ​ഹ​ന​ങ്ങ​ൾ നി​ർ​ത്ത​ണം. കൂ​ടാ​തെ ഇ​ന്ധ​നം നി​റ​ക്കു​മ്പോ​ൾ എ​ൻ​ജി​ൻ ഓ​ഫ്​ ചെ​യ്യു​ന്ന​ത​ട​ക്ക​മു​ള്ള സു​ര​ക്ഷാ ന​ട​പ​ടി​ക്ര​മ​ങ്ങ​ൾ പാ​ലി​ക്കു​ക. എ​ല്ലാ യാ​ത്ര​ക്കാ​രും സീ​റ്റ് ബെ​ൽ​റ്റ് ധ​രി​ക്കു​ക. വാ​ഹ​ന​ത്തി​നു​ള്ളി​ൽ അ​നു​വ​ദി​ച്ച സു​ര​ക്ഷാ സീ​റ്റു​ക​ളി​ൽ കു​ട്ടി​ക​ളെ ഇ​രു​ത്താ​നും ശ്ര​ദ്ധി​ക്കു​ക.

യാ​ത്ര​ക്കി​ടെ പെ​ട്ടെ​ന്നു​ള്ള കാ​ലാ​വ​സ്ഥ വ്യ​തി​യാ​ന​മു​ണ്ടാ​യാ​ൽ വാ​ഹ​ന​ത്തി​ന്‍റെ​റെ വേ​ഗ​ം കു​റ​ക്കാ​നും അ​മി​ത വേ​ഗ​ത ഒ​ഴി​വാ​ക്കാ​നും ഓ​രോ റോ​ഡി​ന്‍റെ​യും വേ​ഗ​പ​രി​ധി പാ​ലി​ക്കാ​നും ശ്ര​ദ്ധി​ക്കു​ക. യാ​ത്ര​ക്കി​ടെ വാ​ഹ​നാ​പ​ക​ടം ​ഉ​ണ്ടാ​യാ​ൽ സു​ര​ക്ഷി​ത​മാ​യി നി​ങ്ങ​ളു​ടെ വ​ണ്ടി മാ​റ്റി ഇ​ടു​ക. മ​റ്റ് വാ​ഹ​ന​ങ്ങ​ൾ​ക്ക് മു​ന്ന​റി​യി​പ്പ് ന​ൽ​കു​ന്ന​തി​ന് വാ​ഹ​ന​ത്തി​ന്‍റെ ഇ​ര​ട്ട ട്രാ​ഫി​ക് ലൈ​റ്റു​ക​ൾ ഉ​പ​യോ​ഗി​ക്കു​ക. സ​ഹാ​യ​ത്തി​നാ​യി എ​മ​ർ​ജ​ൻ​സി ന​മ്പ​റി​ൽ (9999) വി​ളി​ക്കു​ക.

നി​ങ്ങ​ൾ താ​മ​സി​ക്കു​ന്ന സ്ഥ​ല​ത്ത് വാ​ത​ക ചോ​ർ​ച്ച അ​നു​ഭ​വ​പ്പെ​ടു​ക​യാ​ണെ​ങ്കി​ൽ വാ​തി​ലു​ക​ളും ജ​ന​ലു​ക​ളും തു​റ​ക്കു​ക. തീ ​പി​ടി​ക്കാ​ൻ കാ​ര​ണ​മാ​കു​ന്ന സാ​ധ​ന​ങ്ങ​ൾ ഉ​പ​യോ​ഗി​ക്കാ​തി​രി​ക്കു​ക. കു​ടും​ബാം​ഗ​ങ്ങ​ളെ പു​റ​ത്തേ​ക്ക് മാ​റ്റു​ക. സാ​ധ്യ​മെ​ങ്കി​ൽ ഗ്യാ​സ് സി​ലി​ണ്ട​ർ വാ​ൽ​വ് അ​ട​ക്കു​ക.