ഇൻബോക്സ്

പ്ര​വാ​സി​ക​ളു​ടെ യാ​ത്രാ​ദു​രി​ത​ത്തി​ന്​ അ​റു​തി വേ​ണ്ടേ?

പ്ര​വാ​സി​ക​ൾ അ​നു​ഭ​വി​ക്കു​ന്ന ഏ​റ്റ​വും വ​ലി​യ ദു​രി​തം യാ​ത്ര​യു​മാ​യി ബ​ന്ധ​പ്പെ​ട്ട​താ​ണ്. കാ​ല​ങ്ങ​ളാ​യി തു​ട​രു​ന്ന ഈ ​ദു​ര​നു​ഭ​വ​ത്തി​ൽ വേ​ണ്ട​പ്പെ​ട്ട​വ​ർ അ​ണു​മ​ണി​ത്തൂ​ക്കം പോ​ലും ശ്ര​ദ്ധ ചെ​ലു​ത്തു​ന്നി​ല്ല. കാ​ര​ണം പ​റ​യാ​തെ വി​മാ​നം വൈ​കു​ന്ന​തും റ​ദ്ദാ​ക്കു​ന്ന​തു​മാ​യു​ള്ള എ​യ​ർ ഇ​ന്ത്യ എ​ക്സ്പ്ര​സി​ന്‍റെ ‘ക​ലാ​പ​രി​പാ​ടി​ക​ൾ’ തു​ട​ർ​ന്നു​കൊ​ണ്ടേ​യി​രി​ക്കു​ന്നു. ഇ​ത് ഏ​റി​യ​പ​ങ്കും അ​നു​ഭ​വി​ക്കു​ന്ന​താ​ക​ട്ടെ ജി.​സി.​സി​യി​ലെ പ്ര​വാ​സി​ക​ളാ​ണ്. എ​ണ്ണ​പ്പെ​ട്ട അ​വ​ധി ക​ഴി​ഞ്ഞ് വ​രു​ന്ന​വ​രും അ​വ​ധി​ക്ക് പോ​കു​ന്ന​വ​രും എ​യ​ർ ഇ​ന്ത്യ​എ​ക്സ്​​പ്ര​സി​ന്റെ ഈ ​ക​ണ്ണി​ൽ ചോ​ര​യി​ല്ലാ​ത്ത ന​ട​പ​ടി​ക​ൾ​ക്ക്​ ഇ​ര​യാ​കാ​റു​ണ്ട്. അ​ത്യാ​വ​ശ്യ കാ​ര്യ​ങ്ങ​ൾ​ക്കാ​യി ര​ണ്ടു ദി​വ​സ​ത്തേ​ക്ക് യാ​ത്ര ചെ​യ്യു​ന്ന​വ​ർ അ​വ​രു​ടെ ല​ക്ഷ്യം നി​റ​വേ​റ്റാ​ൻ ക​ഴി​യാ​തെ പ്ര​യാ​സ​പ്പെ​ടു​ന്നു.

ഇ​നി​യെ​ങ്കി​ലും ഇ​തി​നൊ​രു അ​റു​തി വേ​ണ്ടേ?. കൂ​ടാ​തെ ട്രാ​വ​ൽ ഏ​ജ​ന്‍റു​മാ​ർ അ​നു​ഭ​വി​ക്കു​ന്ന പ്ര​യാ​സ​ങ്ങ​ൾ വേ​റെ. ടി​ക്ക​റ്റ് എ​ടു​ക്കാ​ൻ വ​രു​ന്ന യാ​ത്ര​ക്കാ​രു​ടെ ചോ​ദ്യ​ത്തി​ന് മ​റു​പ​ടി പ​റ​യാ​ൻ ക​ഴി​യാ​തെ വ​രു​ന്നു. വി​മാ​നം പോ​കു​മെ​ന്നോ പോ​കി​ല്ലെ​ന്നോ പ​റ​യാ​ൻ ക​ഴി​യു​ന്നി​ല്ല. ടി​ക്ക​റ്റ് എ​ടു​ത്തു​കൊ​ടു​ത്ത ഏ​ജ​ൻ​സി​യെ വി​ളി​ച്ച് ചീ​ത്ത പ​റ​യു​ന്ന​വ​രും കു​റ​വ​ല്ല.

എ​യ​ർ ഇ​ന്ത്യ എ​ക്സ്പ്ര​സി​ൽ അ​വ​ധി​ക്ക് നാ​ട്ടി​ൽ പോ​കു​ന്ന​യാ​ൾ​ക്കും വ​രു​ന്ന​യാ​ൾ​ക്കും വേ​ണ്ട​പ്പെ​ട്ട​വ​രോ​ട് യാ​ത്ര പ​റ​യു​ന്ന രീ​തി ‘ഞാ​ൻ നാ​ളെ പോ​കാ​നും പോ​കാ​തി​രി​ക്കാ​നും സാ​ധ്യ​ത​യു​ണ്ട്’ എ​ന്നാ​ക്കേ​ണ്ട ഗ​തി​കേ​ടി​ലേ​ക്കാ​ണ് കൊ​ണ്ടെ​ത്തി​ച്ചി​രി​ക്കു​ന്ന​ത്. കു​റ​ച്ച​ധി​കം നാ​ളു​ക​ളാ​യി പ്ര​വാ​സി അ​നു​ഭ​വി​ക്കു​ന്ന ഈ ​ദു​രി​തം വേ​ണ്ട​പ്പെ​ട്ട​വ​ർ അ​ത്ര​ക​ണ്ട് ഗൗ​ര​വ​ത്തി​ൽ എ​ടു​ക്കു​ന്നി​ല്ല.

ജ​മാ​ൽ ഹ​സ​ൻ

പ്ര​വാ​സി​ക​ൾ​ക്ക് ആ​ദ്യം ല​ഭി​ക്കേ​ണ്ട​ത് മാ​ന്യ​മാ​യി സ​ന്തോ​ഷ​ത്തോ​ടെ യാ​ത്ര ചെ​യ്യാ​നു​ള്ള അ​വ​സ​ര​മാ​ണ്. അ​തി​ന് യാ​തൊ​രു നീ​തി​യും ഉ​ത്ത​ര​വാ​ദ​പ്പെ​ട്ട​വ​രു​ടെ അ​ടു​ക്ക​ൽ നി​ന്ന് ല​ഭി​ക്കു​ന്നി​ല്ല. രാ​ജ്യ​ത്തി​ന് ഏ​റ്റ​വും കൂ​ടു​ത​ൽ വി​ദേ​ശ വ​രു​മാ​നം നേ​ടി​ക്കൊ​ടു​ക്കു​ന്ന പ്ര​വാ​സി സ​മൂ​ഹ​ത്തോ​ട് ഭീ​മ​മാ​യ യാ​ത്രാ​ചെ​ല​വ് വാ​ങ്ങി ചൂ​ഷ​ണം ചെ​യ്യു​ന്ന​ത് വി​മാ​ന ക​മ്പ​നി​ക​ൾ ന​ട​ത്തു​ന്ന അ​നീ​തി​യാ​ണ്.

ഗ​ൾ​ഫ് സെ​ക്ട​റി​ൽ​നി​ന്ന് കേ​ര​ള​ത്തി​ലേ​ക്കും തി​രി​ച്ചും വി​മാ​ന ടി​ക്ക​റ്റ് നി​ര​ക്ക് വ​ർ​ധി​പ്പി​ച്ച് പ്ര​വാ​സി​ക​ളെ കൊ​ള്ള​യ​ടി​ക്കു​ന്ന എ​യ​ർ​ലൈ​ൻ ക​മ്പ​നി​ക​ളു​ടെ ന​ട​പ​ടി​ക്ക് ക​ടി​ഞ്ഞാ​ണി​ടാ​ൻ കേ​ന്ദ്ര-​സം​സ്ഥാ​ന സ​ർ​ക്കാ​റു​ക​ൾ അ​ടി​യ​ന്ത​ര​മാ​യി ഇ​ട​പെ​ട്ട് ക​രു​ണ കാ​ണി​ക്ക​ണം.

അ​വ​ധി​ക്കാ​ല​ങ്ങ​ളി​ൽ കു​ത്ത​നെ വ​ർ​ധി​പ്പി​ക്കു​ന്ന ടി​ക്ക​റ്റ് നി​ര​ക്ക് കൊ​ടു​ത്തി​ട്ടാ​ണ് യാ​ത്ര​ക്കൊ​രു​ങ്ങി നി​ൽ​ക്കു​ന്ന​ത്. ഇ​തു​പോ​ലെ പ്ര​വാ​സി​ക​ളെ ഉ​പ​ദ്ര​വി​ക്കു​ന്ന​തി​ൽ സ​ന്തോ​ഷം ക​ണ്ടെ​ത്തു​ന്ന​വ​ർ​ക്കെ​തി​രെ പ്ര​തി​ഷേ​ധം ഉ​ണ്ടാ​കേ​ണ്ട​തു​ണ്ട്.