പ്രതീകാത്മക ചിത്രം
ഇബ്രി: സി.ബി.എസ്.ഇ പരീക്ഷകളിൽ ഇബ്രി ഇന്ത്യൻ സ്കൂളിലെ മുഴുവൻ വിദ്യാർഥികളും ഉന്നത മാർക്ക് നേടി വിജയിച്ചു. പത്താം തരത്തിൽ ആറ് വിദ്യാർഥികളും പ്ലസ് ടുവിൽ അഞ്ച് വിദ്യാർഥികളും 90 ശതമാനത്തിൽ കൂടുതൽ മാർക്ക് നേടി. പ്ലസ്ടുവിൽ 75 ശതമാനത്തിനും 90 ശതമാനത്തിനും ഇടയിൽ പത്ത് കുട്ടികളും 60 ശതമാനത്തിനും 75 ശതമാനത്തിനും ഇടയിൽ 10 കുട്ടികളും മാർക്ക് കരസ്ഥമാക്കി. പ്ലസ്ടുവിന് 95.4 ശതമാനം മാർക്ക് നേടി മിലൻ കൃഷ്ണ ഒന്നാം സ്ഥാനത്തെത്തി. 93.2 ശതമാനം മാർക്കുമായി രൂപേഷ് ലോകനാഥൻ രണ്ടും 93 ശതമാനം മാർക്കുമായി മുഹമ്മദ് ആദിൽ മൂന്നാംസ്ഥാനത്തും എത്തി.
വിഷൽ കുമാർ ഇംഗ്ലീഷിൽ 96 ശതമാനം, മിലൻ കൃഷ്ണ ഫിസിക്സിൽ 95 ശതമാനവും കെമസ്ട്രിയിൽ 99 ശതമാനവും ബയോളജിക്ക് 98 ശതമാനവും മാർക്ക് നേടി. ഗണിതത്തിന് രൂപേഷ് ലോക നാഥൻ, ആകാക്ഷ് പൂനിയ, മിലൻ കൃഷ്ണ എന്നിവർ 95 ശതമാനം മാർക്ക് സ്വന്തമാക്കി, ശശികുമാർ കുമാരവേൽ, ആകാക്ഷ് പൂനിയ എന്നിവർ ഇൻഫർമാറ്റിക്സ് പ്രാക്ടീസസ് 99 ശതമാനവും മാർക്കുനേടി. പത്താം തരത്തിൽ 75 ശതമാനത്തിനും 90 ശതമാനത്തിനും ഇടയിൽ 19 കുട്ടികളും, 60 - 75 ശതമാനത്തിന് ഇടയിൽ 11 കുട്ടികളും മാർക്ക് കരസ്ഥമാക്കി.
ജറിഷ് ബ്ലസ്സി 92.6 ശതമാനം നേടി ഒന്നാം സ്ഥാനത്തെത്തി. സൈന ഫാത്തിമ ഫിദ മുഹമ്മദ്, ഫറ ഷംസുദ്ദീൻ എന്നിവർ 92.4 ശതമാനം മാർക്ക് നേടി രണ്ടാം സ്ഥാനം നേടി. 91.8 ശതമാമാർക്കുമായി സഫ മറിയം ആണ് മൂന്നാം സ്ഥാനത്ത് .
ഇംഗ്ലീഷിൽ 94 ശതമാനം മാർക്ക് ജെറിഷ് ബ്ലസ്സിയും ഹിന്ദിയിൽ 93 ശതമാനം പല്ലം ഹർഷിദയും മലയാളത്തിൽ 98 ശതമാനം സഫ മറിയം, റിഹാൻ താഴത്തിൽ എന്നിവരും ഗണിതത്തിൽ ഫിദ ഫാത്തിമ 98 ശതമാനവും അഫ്റ സയൻസിൽ 96 ശതമാനവും സോഷ്യൽ സയൻസിൽ മമ്താഹിൻ, ഫറ ഷംസുദ്ദീൻ എന്നിവർ 95 ശതമാനവും കരസ്ഥമാക്കി. വിദ്യാർത്ഥികൾ നേടിയ ഉജ്ജ്വലമായ വിജയം കഠിനാധ്വാനത്തിന്റെയും അർപ്പണ ബോധത്തിന്റെയും തെളിവാണ്. ഈ വിജയത്തിന് പിന്നിൽ പ്രവർത്തിച്ച വിദ്യാർഥികളെയും അധ്യാപകരെയും രക്ഷിതാക്കളെയും പ്രിൻസിപ്പലും സ്കൂൾ മാനേജ്മെന്റ് കമ്മിറ്റിയും അഭിനന്ദിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.