എസ്.ഐ.സി ഒമാൻ മെംബർഷിപ് കാമ്പയിൻ പ്രസിഡന്റ് അൻവർ ഹാജിക്ക് ആദ്യ അംഗത്വം
നൽകി ബഷീർ ഫൈസി ദേശമംഗലം ഉദ്ഘാടനം ചെയ്യുന്നു. ശംസുദ്ദീൻ തങ്ങൾ, ശുക്കൂർ ഹാജി, മുഹമ്മദലി ഫൈസി, അഷ്റഫ് കിണവക്കൽ എന്നിവർ സമീപം
മസ്കത്ത്: സമസ്ത ഇസ്‍ലാമിക് സെന്റർ (എസ്.ഐ.സി) ഒമാൻ നാഷനൽ കമ്മിറ്റി മെംബർഷിപ് കാമ്പയിന് തുടക്കമായി. 2024-2026 വർഷത്തേക്കുള്ള പുതിയ കമ്മിറ്റിയെ തിരഞ്ഞെടുക്കുന്നതിനുള്ള മെംബർഷിപ് വിതരണത്തിന്റെ ഉദ്ഘാടനം എസ്.ഐ.സി പ്രസിഡന്റ് അൻവർ ഹാജിക്ക് ആദ്യ മെംബർഷിപ് നൽകി ബഷീർ ഫൈസി ദേശമംഗലം നിർവഹിച്ചു.
ഒക്ടോബർ മുതൽ ഏരിയകളിൽ മെംബർഷിപ് വിതരണം ആരംഭിക്കും. 20ന് മുമ്പായി ഏരിയ കമ്മിറ്റികൾ നിലവിൽ വരും. നവംബർ അഞ്ചാം തീയതിക്ക് മുമ്പായി സെൻട്രൽ കമ്മിറ്റിയും നവംബർ 20ന് മുമ്പായി നാഷനൽ കമ്മിറ്റിയും നിലവിൽ വരും.
തെരഞ്ഞെടുപ്പ് കാര്യങ്ങൾക്ക് മേഖലാ തലങ്ങളിൽ മേൽനോട്ടം വഹിക്കുന്നതിനു വേണ്ടി കോഓഡിനേറ്റർമാരെ നിശ്ചയിച്ചു. കോഓഡിനേറ്റർമാർ: ശർഖിയ-ശിഹാബ് സൂർ, ബാത്തിന-ഷുക്കൂർ ഹാജി, വസതിയ -കെ.എൻ.എസ്. മൗലവി, ആസിമ -സക്കീർ ഫൈസി ദോഫാർ.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.