വി​മാ​ന​ത്താ​വ​ള​ങ്ങ​ളി​ലൂ​ടെ​യു​ള്ള യാ​ത്ര​ക്കാ​രു​ടെ എ​ണ്ണ​ത്തി​ൽ വ​ർ​ധ​ന

മ​സ്ക​ത്ത്: ഒ​മാ​നി​ലെ വി​മാ​ന​ത്താ​വ​ള​ങ്ങ​ളി​ലൂ​ടെ യാ​ത്ര ചെ​യ്യു​ന്ന​വ​രു​ടെ എ​ണ്ണ​ത്തി​ൽ വ​ർ​ധ​ന. ജൂ​ലൈ അ​വ​സാ​ന​ത്തോ​ടെ 63,219 വി​മാ​ന​ങ്ങ​ളി​ലാ​യി 84,78,548 ആ​ളു​ക​ളാ​ണ് യാ​ത്ര ചെ​യ്ത​ത്. മു​ൻ​വ​ർ​ഷ​ങ്ങ​ളെ അ​പേ​ക്ഷി​ച്ച് യാ​ത്ര​ക്കാ​രു​ടെ എ​ണ്ണ​ത്തി​ൽ 9.3 ശ​ത​മാ​ന​ത്തി​ന്റെ വ​ർ​ധ​ന​യാ​ണ് രേ​ഖ​​പ്പെ​ടു​ത്തി​യ​ത്. 2023 ജൂ​ലൈ അ​വ​സാ​ന​ത്തോ​ടെ 59,778 വി​മാ​ന​ങ്ങ​ളി​ലാ​യി 77,57,629 യാ​ത്ര​ക്കാ​രാ​യി​രു​ന്നു ഉ​ണ്ടാ​യി​രു​ന്ന​ത്.

ദേ​ശീ​യ സ്ഥി​തി വി​വ​ര കേ​ന്ദ്ര​ത്തി​ന്റെ റി​പ്പോ​ർ​ട്ടി​ലാ​ണ് ഇ​ക്കാ​ര്യം പ​റ​യു​ന്ന​ത്. മ​സ്‌​ക​ത്ത് എ​യ​ർ​പോ​ർ​ട്ട് വ​ഴി യാ​ത്ര ചെ​യ്യു​ന്ന​വ​രു​ടെ എ​ണ്ണം 8.9 ശ​ത​മാ​നം വ​ർ​ധി​ച്ച് 7,571,148ൽ ​എ​ത്തി. 56,498 വി​മാ​ന​ങ്ങ​ളി​ലൂ​ടെ​യാ​യി​രു​ന്നു ഇ​ത്ര​യും ആ​ളു​ക​ൾ യാ​ത്ര ചെ​യ്ത​ത്. വി​മാ​ന​ങ്ങ​ളു​ടെ എ​ണ്ണ​ത്തി​ൽ 5.8 ശ​ത​മാ​ന​ത്തി​ന്റെ വ​ർ​ധ​ന​വാ​ണ് രേ​ഖ​പ്പെ​ടു​ത്തി​യി​രി​ക്കു​ന്ന​ത്.​ വ​ന്ന​തും പു​റ​പ്പെ​ട്ട​തു​മാ​യ 51,535 അ​ന്താ​രാ​ഷ്ട്ര വി​മാ​ന​ങ്ങ​ളി​ലാ​യി 6,949,193 യാ​ത്ര​ക്കാ​രെ​യും 4,963 ആ​ഭ്യ​ന്ത​ര വി​മാ​ന​ങ്ങ​ളി​ലൂ​ടെ 6,21,955 യാ​ത്ര​ക്കാ​രെ​യും മ​സ്ക​ത്ത് എ​യ​ർ​പോ​ർട്ടി​ന് ല​ഭി​ച്ചു.

2023 ജൂ​ലൈ അ​വ​സാ​ന​ത്തെ അ​പേ​ക്ഷി​ച്ച് 10.3 ശ​ത​മാ​നം വ​ർ​ധ​ന​യോ​ടെ സ​ലാ​ല വി​മാ​ന​ത്താ​വ​ള​ത്തി​ലൂ​ടെ യാ​ത്ര ചെ​യ്ത​വ​രു​ടെ എ​ണ്ണം 827,486 ആ​യി. 5,975 വി​മാ​ന​ങ്ങ​ളി​ലാ​യാ​ണ് ഇ​ത്ര​യും ആ​ളു​ക​ൾ സ​ലാ​ല​യി​ൽ എ​ത്തി​യ​ത്. ക​ഴി​ഞ്ഞ വ​ർ​ഷ​ത്തെ ഇ​ക്കാ​ല​യ​ള​വു​മാ​യി താ​ര​ത​മ്യം ചെ​യു​​​​​മ്പോ​ൾ 3.6 ശ​ത​മാ​ന​ത്തി​ന്റെ വ​ർ​ധ​ന​വാ​ണ് വി​മാ​ന​ങ്ങ​ളി​ലു​ണ്ടാ​യി​രി​ക്കു​ന്ന​ത്. 3,088 അ​ന്താ​രാ​ഷ്ട്ര വി​മാ​ന​ങ്ങ​ളി​ലാ​യി 3,088 യാ​ത്ര​ക്കാ​രെ​യും 2,887 ആ​ഭ്യ​ന്ത​ര വി​മാ​ന​ങ്ങ​ളി​ലാ​യി 4,35,388 യാ​ത്ര​ക്കാ​രു​മാ​ണ് സ​ലാ​ല വി​മാ​ന​ത്താ​വ​ള​ത്തെ ആ​ക​ർ​ഷി​ച്ച​ത്. സു​ഹാ​ർ വി​മാ​ന​ത്താ​വ​ളം വ​ഴി 384 വി​മാ​ന​ങ്ങ​ളി​ലാ​യി 45,126 യാ​ത്ര​ക്കാ​രും ദു​കം എ​യ​ർ​പോ​ർ​ട്ട് വ​ഴി 362 വി​മാ​ന​ങ്ങ​ളി​ലാ​യി 34,788 ആ​ളു​ക​ളും എ​ത്തി.

കൂ​ടു​ത​ൽ യാ​ത്ര ചെ​യ്ത​വ​രി​ൽ ഇ​ന്ത്യ​ക്കാ​രും

മ​സ്ക​ത്ത് വി​മാ​ന​ത്താ​വ​ള​ത്തി​ലൂ​ടെ ഏ​റ്റ​വും കൂ​ടു​ത​ൽ യാ​ത്ര ചെ​യ്ത​വ​രി​ൽ മ​ു​ന്നി​ൽ വ​രു​ന്ന​ത് ഒ​മാ​നി പൗ​ര​ൻ​മാ​രാ​ണ്. 216,690 ഒ​മാ​നി​ക​ൾ ആ​ണ് വി​മാ​ന​ത്താ​വ​ള​ത്തെ ആ​ശ്ര​യി​ച്ച​ത്. ഇ​തി​ൽ 100,858 സു​ൽ​ത്താ​നേ​റ്റി​ലേ​ക്ക് വ​രാ​നും 1,15,832പേ​ർ പു​റ​​​ത്തേ​ക്ക് പോ​കാ​നു​മാ​ണ് ആ​ശ്ര​യി​ച്ച​ത്. 1,82,873 ആ​ളു​ക​ളു​മാ​യി തൊ​ട്ട​ടു​ത്ത് വ​രു​ന്ന​ത് ഇ​ന്ത്യ​ക്കാ​രാ​ണ്. ഇ​തി​ൽ 99,920പേ​ർ ഇ​വി​ടേ​ക്ക് എ​ത്തി​ച്ചേ​ർ​ന്ന​വ​രാ​ണ്. 46,885 ആ​ളു​മാ​യി പാ​കിസ്താ​നാ​ണ് മൂ​ന്നാം സ്ഥാ​ന​ത്തു​ വ​രു​ന്ന​ത്.