അ​ല​ക്കു​ക​ട​യു​ടെ മ​റ​വി​ൽ പു​ക​യി​ല ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന​ത്​ ക​​​ണ്ടെ​ത്തി

മ​സ്ക​ത്ത്​: അ​ല​ക്കു​ക​ട​യു​ടെ മ​റ​വി​ൽ അ​ന​ധി​കൃ​ത പു​ക​യി​ല ഉ​ൽ​പ​ന്ന​ങ്ങ​ൾ വി​ൽ​ക്കു​ന്ന​ത്​ ക​ണ്ടെ​ത്തി​യ​താ​യി വ​ട​ക്ക​ൻ ബാ​തി​ന ഗ​വ​ർ​ണ​റേ​റ്റി​ലെ ഉ​പ​ഭോ​ക്​​തൃ സം​ര​ക്ഷ​ണ ജ​ന​റ​ൽ ഡ​യ​റ​ക്ട​റേ​റ്റ്​ അ​റി​യി​ച്ചു.

സു​വൈ​ഖ്​ വി​ലാ​യ​ത്തി​ലെ ക​ട​യി​ൽ​നി​ന്നാ​ണ്​ ച​വ​ക്കു​ന്ന ഇ​ന​ത്തി​ല്‍പ്പെ​ട്ട നി​രോ​ധി​ത പു​ക​യി​ല ഉ​ൽ​പ​ന്ന​ങ്ങ​ൾ പി​ടി​ച്ചെ​ടു​ത്ത​ത്. ഇ​വി​ട​ത്തെ ക​ട​ക​ളി​ൽ ന​ട​ത്തി​യ നി​രീ​ക്ഷ​ണ​ത്തി​ൽ ഈ ​അ​ല​ക്കു​ക​ട​യി​ലേ​ക്ക്​ നി​ര​ന്ത​രം ആ​ളു​ക​ൾ പോ​കു​ന്ന​ത്​ ഉ​ദ്യോ​ഗ​സ്ഥ​രു​ടെ ശ്ര​ദ്ധ​യി​ൽ​പ്പെ​ട്ട​തി​നെ തു​ട​ർ​ന്നാ​ണ്​ പ​രി​ശോ​ധ​ന ന​ട​ത്തി​യ​ത്. ച​വ​ക്കു​ന്ന ഇ​ന​ത്തി​ൽ​പ്പെ​ട്ട പു​ക​യി​ല ഉ​ൽ​പ​ന്ന​ത്തി​ന്‍റെ 44 ബാ​ഗു​ക​ൾ ഇ​വി​ടെ​നി​ന്ന്​ പി​ടി​ച്ചെ​ടു​ത്തു.

നി​യ​മ​ലം​ഘ​ക​ർ​ക്കെ​തി​രെ നി​യ​മ​ന​ട​പ​ടി എ​ടു​ത്ത​താ​യും അ​ധി​കൃ​ത​ർ അ​റി​യി​ച്ചു. ​സ​മൂ​ഹ​ത്തി​ന്‍റെ ആ​രോ​ഗ്യ​ത്തെ​യും സു​ര​ക്ഷ​യെ​യും ദോ​ഷ​ക​ര​മാ​യി ബാ​ധി​ക്കു​ന്ന നി​രോ​ധി​ച്ച പു​ക​യി​ല ഉ​ൽ​പ​ന്ന​ങ്ങ​ൾ രാ​ജ്യ​ത്ത്​ വി​ൽ​ക്കാ​ൻ അ​നു​വ​ദി​ക്കി​ല്ലെ​ന്ന്​ ഉ​പ​ഭോ​ക്​​തൃ സം​ര​ക്ഷ​ണ അ​തോ​റി​റ്റി വ്യ​ക്​​ത​മാ​ക്കി. ഇ​തി​നു​വേ​ണ്ടി​യു​ള്ള നി​രീ​ക്ഷ​ണ​വും പ​രി​ശോ​ധ​ന​യും ശ​ക്​​ത​മാ​ക്കു​മെ​ന്നും അ​ധി​കൃ​ത​ർ പ​റ​ഞ്ഞു.