ക​ളി വീ​ണ്ടും 974 മു​റ്റ​ത്ത്

ദോ​ഹ: 2022 ഫി​ഫ ലോ​ക​ക​പ്പ് ഫു​ട്ബാ​ൾ വേ​ദി​ക​ളി​ൽ ​ലോ​കം അ​തി​ശ​യ​ത്തോ​ടെ നോ​ക്കി​നി​ന്ന ഒ​ന്നാ​യി​രു​ന്നു ദോ​ഹ കോ​ർ​ണി​ഷി​ൽ​നി​ന്ന് വി​ളി​പ്പാ​ട​ക​ലെ​യു​ള്ള 974 സ്റ്റേ​ഡി​യം. ഖ​ത്ത​റി​ന്റെ അ​ന്താ​രാ​ഷ്ട്ര ഡ​യ​ലി​ങ് ന​മ്പ​റി​ൽ അ​റി​യ​പ്പെ​ട്ട സ്റ്റേ​ഡി​യം നി​ർ​മി​തി​യി​ലു​മൊ​രു വി​സ്മ​യ​മാ​യി​രു​ന്നു. ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ നി​ന്നെ​ത്തി​ച്ച 974 ഷി​പ്പി​ങ് ക​ണ്ടെ​യ്ന​റു​ക​ൾ​കൊ​ണ്ട് നി​ർ​മി​ച്ച ക​ളി​മു​റ്റം. 2021 ഡി​സം​ബ​റി​ൽ ന​ട​ന്ന ഫി​ഫ അ​റ​ബ് ക​പ്പ് മ​ത്സ​ര​ങ്ങ​ളോ​ടെ ആ​രാ​ധ​ക​ർ​ക്കാ​യി തു​റ​ന്നു​ന​ൽ​കി​യ സ്റ്റേ​ഡി​യം ലോ​ക​ക​പ്പ് ഫു​ട്ബാ​ളി​ൽ മെ​ക്സി​ക്കോ -പോ​ള​ണ്ട്, പോ​ർ​ചു​ഗ​ൽ -ഘാ​ന, ഫ്രാ​ൻ​സ് -ഡെ​ന്മാ​ർ​ക്, ബ്ര​സീ​ൽ -സ്വി​റ്റ്സ​ർ​ല​ൻ​ഡ്, പോ​ള​ണ്ട് -അ​ർ​ജ​ന്റീ​ന, സെ​ർ​ബി​യ -സ്വി​റ്റ്സ​ർ​ല​ൻ​ഡ്, ബ്ര​സീ​ൽ -ദ​ക്ഷി​ണ കൊ​റി​യ തു​ട​ങ്ങി​യ ഏ​ഴു മ​ത്സ​ര​ങ്ങ​ൾ​ക്കാ​ണ് വേ​ദി​യൊ​രു​ക്കി​യ​ത്.

ലോ​ക​ക​പ്പി​ന് പി​ന്നാ​ലെ പൊ​ളി​ച്ചു​മാ​റ്റു​മെ​ന്നാ​യി​രു​ന്നു ആ​ദ്യം വ​ന്ന വാ​ർ​ത്ത​ക​ൾ. എ​ന്നാ​ൽ, ര​ണ്ടു വ​ർ​ഷ​ത്തി​നി​പ്പു​റ​വും 974 സ്റ്റേ​ഡി​യം തി​ള​ക്ക​മേ​തും മ​ങ്ങാ​തെ ക​ളി​യാ​ര​വ​ങ്ങ​ളെ വ​ര​വേ​ൽ​ക്കാ​ൻ ഒ​രു​ങ്ങു​ക​യാ​ണ്. ഭാ​വി​യി​ൽ പൊ​ളി​ച്ചു​നീ​ക്കു​മ്പോ​ൾ ആ​ഫ്രി​ക്ക​ൻ രാ​ജ്യ​ങ്ങ​ൾ ഉ​ൾ​പ്പെ​ടെ ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ലെ സ്റ്റേ​ഡി​യ​ങ്ങ​ൾ​ക്കും മ​റ്റു സ്​​പോ​ർ​ട്സ് ആ​വ​ശ്യ​ങ്ങ​ൾ​ക്കു​മു​ള്ള അ​ടി​സ്ഥാ​ന​സൗ​ക​ര്യ​മാ​യി ഇ​വ​യു​ടെ ഭാ​ഗ​ങ്ങ​ൾ മാ​റ്റു​മെ​ന്ന തീ​രു​മാ​ന​ത്തോ​ടെ​യാ​ണ് 974 എ​ന്ന ക​ളി​മു​റ്റം സ​ജ്ജ​മാ​ക്കി​യ​ത്.

​സ്റ്റേ​ഡി​യം എ​ൻ​ട്രി​ക്ക് മൊ​ബൈ​ൽ ടി​ക്ക​റ്റ് നി​ർ​ബ​ന്ധം

ദോ​ഹ: ഫി​ഫ ഇ​ന്റ​ർ​കോ​ണ്ടി​നെ​ന്റ​ൽ ക​പ്പ് മ​ത്സ​ര​ങ്ങ​ൾ​ക്ക് സ്റ്റേ​ഡി​യ​ത്തി​ലേ​ക്കു​ള്ള പ്ര​വേ​ശ​ന​ത്തി​ന് മൊ​ബൈ​ൽ ടി​ക്ക​റ്റ് നി​ർ​ബ​ന്ധം. ‘ഫി​ഫ ഇ​ന്റ​ർ​കോ​ണ്ടി​നെ​ന്റ​ൽ ക​പ്പ് 2024’ എ​ന്ന ആ​പ് ​േപ്ല ​സ്റ്റോ​റി​ൽ​നി​ന്ന് ഡൗ​ൺ​ലോ​ഡ് ചെ​യ്ത ശേ​ഷം, നേ​ര​ത്തെ വാ​ങ്ങി​യ ടി​ക്ക​റ്റു​ക​ൾ ല​ഭ്യ​മാ​ക്കാ​വു​ന്ന​താ​ണ്. സ്റ്റേ​ഡി​യം ഗേ​റ്റി​ൽ ഈ ​ടി​ക്ക​റ്റ് കാ​ണി​ച്ച ശേ​ഷ​മാ​ണ് ഗാ​ല​റി​യി​ലേ​ക്ക് പ്ര​വേ​ശ​നം അ​നു​വ​ദി​ക്കു​ന്ന​ത്. ടി​ക്ക​റ്റ് ഓ​ൺ​ലൈ​ൻ വ​ഴി വാ​ങ്ങാ​ൻ ഉ​പ​യോ​ഗി​ച്ച ഇ-​മെ​യി​ൽ വ​ഴി ആ​പ് ര​ജി​സ്റ്റ​ർ ചെ​യ്യു​ന്ന​തോ​ടെ മൊ​ബൈ​ൽ ടി​ക്ക​റ്റ് ല​ഭ്യ​മാ​കും.