ദോഹ: അബൂ സംറ അതിർത്തി വഴി രാജ്യത്തിന് പുറത്തേക്കോ, അകത്തേക്കോ പ്രവേശിക്കുന്ന യാത്രക്കാർക്കുള്ള പ്രീ രജിസ്ട്രേഷൻ മെട്രാഷ് രണ്ട് ആപ് വഴി ചെയ്യാമെന്ന് ആഭ്യന്തര മന്ത്രാലയം. മെട്രാഷ് രണ്ടിലെ ‘സെലക്ട് ട്രാവൽ ഡേറ്റ് ആൻഡ് ടൈം’ എന്ന ഓപ്ഷൻ തിരഞ്ഞെടുത്തുകൊണ്ട് യാത്രചെയ്യുന്നവർക്ക് നേരത്തേ തന്നെ രജിസ്റ്റർ ചെയ്യാവുന്നതാണ്.
അതിർത്തിയിലെ യാത്രാ നടപടികൾ കൂടുതൽ എളുപ്പമാക്കാനും, വേഗത്തിൽ അതിർത്തി കടക്കാനുമുള്ള സൗകര്യമാണ് ഇതുവഴി വാഗ്ദാനം ചെയ്യുന്നത്.
മെട്രാഷിലെ ‘അബു സംറ ബോർഡർ പ്രീ രജിസ്ട്രേഷൻ’ ഓപ്ഷനിലൂടെയാണ് ഈ സേവനത്തിലേക്ക് എത്താൻ കഴിയുന്നത്. വാഹനം, ഡ്രൈവർ, യാത്രക്കാരുടെ വിവരങ്ങൾ എന്നിവ സഹിതം നൽകിയാണ് യാത്ര തീയതിയും സമയവും രജിസ്റ്റർ ചെയ്യാനുള്ള നടപടി പൂർത്തിയാക്കേണ്ടത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.