മു​ൻ​സീ​റ്റി​ൽ കു​ട്ടി​ക​ളെ ഇ​രു​ത്ത​ല്ലേ... മു​ന്ന​റി​യി​പ്പു​മാ​യി ആ​ഭ്യ​ന്ത​ര മ​ന്ത്രാ​ല​യം

ദോ​ഹ: ഓ​ടി​ക്കൊ​ണ്ടി​രി​ക്കു​ന്ന വാ​ഹ​ന​ങ്ങ​ളു​ടെ മു​ൻ​സീ​റ്റി​ൽ 10 വ​യ​സ്സി​ന് താ​ഴെ​യു​ള്ള കു​ട്ടി​ക​ളെ ഇ​രു​ത്തു​ന്ന​തി​നെ​തി​രെ സു​ര​ക്ഷ മു​ന്ന​റി​യി​പ്പ് ആ​വ​ർ​ത്തി​ച്ച് ആ​ഭ്യ​ന്ത​ര മ​ന്ത്രാ​ല​യം. കു​ട്ടി​ക​ളെ വാ​ഹ​ന​ങ്ങ​ളു​ടെ മു​ൻ​സീ​റ്റി​ൽ ഇ​രി​ക്കാ​ൻ അ​നു​വ​ദി​ക്ക​രു​തെ​ന്ന് ഗ​താ​ഗ​ത നി​യ​മ​ത്തി​ലെ 55ാം വ​കു​പ്പ് ഉ​ദ്ധ​രി​ച്ചു​കൊ​ണ്ട് ആ​ഭ്യ​ന്ത​ര മ​ന്ത്രാ​ല​യം എ​ക്‌​സ് പ്ലാ​റ്റ്‌​ഫോ​മി​ൽ രേ​ഖ​പ്പെ​ടു​ത്തി. കാ​ർ സീ​റ്റു​ക​ളോ ബൂ​സ്റ്റ​ർ സീ​റ്റു​ക​ളോ പോ​ലു​ള്ള ഉ​ചി​ത​മാ​യ സു​ര​ക്ഷ മാ​ർ​ഗ​ങ്ങ​ളും സം​വി​ധാ​ന​ങ്ങ​ളും ഉ​പ​യോ​ഗി​ക്കു​ന്ന​തും വാ​ഹ​ന​ത്തി​ന്റെ പി​ൻ​സീ​റ്റി​ൽ കു​ട്ടി​ക​ളെ ഇ​രു​ത്തു​ന്ന​തും അ​വ​രു​ടെ സു​ര​ക്ഷ വ​ർ​ധി​പ്പി​ക്കു​മെ​ന്നും മ​ന്ത്രാ​ല​യം വി​ശ​ദീ​ക​രി​ച്ചു. കു​ട്ടി​ക​ളു​ടെ യാ​ത്ര സു​ര​ക്ഷി​ത​മാ​ക്കാ​നു​ള്ള ദേ​ശീ​യ സം​രം​ഭ​മാ​യ ഖ​ത്ത​ർ ചൈ​ൽ​ഡ് പാ​സ​ഞ്ച​ർ സേ​ഫ്റ്റി പ്രോ​ഗ്രാം വി​വി​ധ വി​ഭാ​ഗ​ങ്ങ​ളു​മാ​യി സ​ഹ​ക​രി​ച്ച് ആ​ഭ്യ​ന്ത​ര മ​ന്ത്രാ​ല​യം സ​ജീ​വ​മാ​യി ന​ട​പ്പാ​ക്കു​ന്നു​ണ്ട്.

എ​ച്ച്.​എം.​സി​ക്ക് കീ​ഴി​ലെ ഹ​മ​ദ് ഇ​ന്റ​ർ​നാ​ഷ​ന​ൽ ട്രെ​യി​നി​ങ് സെ​ന്റ​റാ​ണ് (എ​ച്ച്.​ഐ.​ടി.​സി) ഈ ​പ​ദ്ധ​തി ന​ട​പ്പാ​ക്കു​ന്ന​ത്. പ്രോ​ഗ്രാം ന​ട​പ്പാ​ക്കു​ന്ന​തി​ന് പൊ​തു​ജ​നാ​രോ​ഗ്യ മ​ന്ത്രാ​ല​യം, വി​ദ്യാ​ഭ്യാ​സ മ​ന്ത്രാ​ല​യം, ഗ​താ​ഗ​ത വ​കു​പ്പ്, റോ​ഡ് സു​ര​ക്ഷ​സ​മി​തി, എ​ച്ച്.​എം.​സി, സി​ദ്‌​റ മെ​ഡി​സി​ൻ, പ്രൈ​മ​റി ഹെ​ൽ​ത്ത് കെ​യ​ർ കോ​ർ​പ​റേ​ഷ​ൻ, കൊ​ണോ​കോ ഫി​ലി​പ്‌​സ്, ഖ​ത്ത​ർ സ​ർ​വ​ക​ലാ​ശാ​ല Pൾ​പ്പെ​ടെ ഏ​ജ​ൻ​സി​ക​ളി​ൽ​നി​ന്നു​മു​ള്ള വി​ദ​ഗ്ധ സം​ഘം പ്ര​വ​ർ​ത്തി​ക്കു​ന്നു.പ്ര​സ്തു​ത സം​രം​ഭ​ത്തി​ന്റെ ഭാ​ഗ​മാ​യി കാ​ർ സീ​റ്റു​ക​ൾ പ​രി​ശോ​ധി​ക്കു​ന്ന​തി​ന് എ​ച്ച്.​ഐ.​ടി.​സി ‘ഗ​ലാ​യ്’ എ​ന്ന പേ​രി​ൽ ഒ​രു ചെ​ക്ക് സ്റ്റേ​ഷ​നും സ്ഥാ​പി​ച്ചു.

നി​ല​വി​ൽ വി​മ​ൻ​സ് വെ​ൽ​ന​സ് ആ​ൻ​ഡ് റി​സ​ർ​ച് സെ​ന്റ​റി​ലും, സി​ദ്‌​റ മെ​ഡി​സി​നി​ലു​മാ​ണ് ഇ​ത് ല​ഭ്യ​മാ​ക്കി​യി​രി​ക്കു​ന്ന​ത്. റോ​ഡ് അ​പ​ക​ട​ങ്ങ​ളി​ൽ കു​ട്ടി​ക​ൾ​ക്ക് പ​രി​ക്കും മ​ര​ണ​വും സം​ഭ​വി​ക്കു​ന്ന​തി​ന് മു​ൻ​സീ​റ്റു​ക​ളി​ലെ യാ​ത്ര​ക​ളും, വേ​ണ്ട സു​ര​ക്ഷ സൗ​ക​ര്യ​ങ്ങ​ളി​ല്ലാ​ത്ത സീ​റ്റ് ഒ​രു​ക്കാ​ത്ത​തും കാ​ര​ണ​മാ​കു​ന്ന​താ​യി സൂ​ചി​പ്പി​ക്കു​ന്നു.