ദോഹ: അനിശ്ചിതത്വങ്ങളുടെ മണിക്കൂറിനൊടുവിൽ ഇന്ത്യൻ-ഖത്തർ എയർബബ്ൾ കരാർ പുതുക്കി വിമാന സർവീസ് പുനസ്ഥാപിച്ചു. ബുധനാഴ്ച അർധരാത്രിക്കു ശേഷം, മുന്നറിയിപ്പുകളൊന്നുമില്ലാതെ റദ്ദാക്കിയ വിമാന സർവീസുകൾ ഉടൻ പുനസ്ഥാപിക്കുമെന്ന് അധികൃതർ അറിയിച്ചു. ഇന്ത്യൻ വ്യോമയാന വകുപ്പും, ഖത്തറിലെ ഇന്ത്യൻ എംമ്പസി അധികൃതരും നടത്തിയ ഇടപെടലുകൾക്കു പിന്നാലെയാണ് മണിക്കൂറുകൾ നീണ്ട അനിശ്ചിതത്വം നീക്കി എയർ ബബ്ൾ കരാർ പുതുക്കിയത്. ജൂലായ് 31 വരെയാണ് പുതിയ കരാറെന്ന് ഖത്തറിലെ ഇന്ത്യൻ അംബാസിഡർ ദീപക് മിത്തൽ അറിയിച്ചു.
ജൂൺ 30 ബുധനാഴ്ച അർധരാത്രി വരെയായിരുന്നു നിലവിലെ കരാർ. എന്നാൽ ഇത് പുതുക്കാൻ വൈകിയതോടെ വ്യാഴാഴ്ച പുലർച്ചെ മുതൽ ഇന്ത്യയിലേക്കും തിരിച്ചു മുള്ള വിമാനയാത്ര തടസപ്പെട്ടു.
കണ്ണൂർ, കൊച്ചി ഉൾപ്പെടെ കേരളത്തിലേക്ക് പുറപ്പെടാനിരുന്ന ഇൻഡിഗോ, എയർ ഇന്ത്യ സർവീസുകൾ മുടങ്ങിയതോടെ നിരവധി മലയാളികളുടെ യത്രയാണ് തടസ്സപ്പെട്ടത്.
സാങ്കേതിക തടസം കാരണമാണ് കരാര്‍ പുതുക്കുന്നത് വൈകുന്നതെന്നാണ് വിവരം. കോവിഡ് നിയന്ത്രണങ്ങളുടെ ഭാഗമായുള്ള വിമാന വിലക്ക് നിലനില്‍ക്കുന്നതിനിടയിലും പ്രത്യേകാനുമതിയുള്ളവര്‍ക്ക് യാത്രാനുമതി നല്‍കുന്നതിനായാണ് ഇന്ത്യ ഖത്തറുമായി എയര്‍ ബബിള്‍ കരാര്‍ ഉണ്ടാക്കിയത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.