ദോഹ: ഖത്തർ കേരള ഇസ്‌ലാഹി സെന്ററിനു (ക്യു.കെ.ഐ.സി) കീഴിൽ അബൂഹമൂർ എം.ഇ.എസ് ന്യൂ ബ്ലോക്കിൽ പ്രവർത്തിക്കുന്ന അൽമനാർ മദ്റസ 2023 -24 അധ്യയന വർഷത്തെ പ്രവേശനോത്സവം വെള്ളിയാഴ്ച നടക്കുമെന്ന് സംഘാടകർ അറിയിച്ചു.
‘തിരിച്ചറിവിെന്റ വിദ്യാഭ്യാസം ; ധാർമികതയുടേയും’ എന്ന ആശയം ഉയർത്തിപ്പിടിച്ച് നടക്കുന്ന പ്രവേശനോത്സവം ഇൻഡസ്ട്രിയൽ ഏരിയ ഏഷ്യൻ ടൗൺ - വി.ഐ.പി റിക്രിയേഷൻ ഹാൾ ക്രിക്കറ്റ് സ്റ്റേഡിയത്തിൽ ജുമുഅ നമസ്‍കാരാനന്തരം ആണ് നടക്കുക. ചടങ്ങിൽ മുജീബുറഹ്മാൻ മിശ്കാത്തി, സലാഹുദ്ധീൻ സലാഹി, ഉമ്മർ ഫൈസി എന്നിവർ പങ്കെടുക്കും. പരിപാടിയിൽ വിവിധ പരീക്ഷകളിലെ വിജയികൾക്കുള്ള അവാർഡ് ദാനം, അൽമനാർ മദ്റസ റമദാൻ ക്വിസ് മത്സര വിജയികൾക്കുള്ള സമ്മാന വിതരണം, ഇസ്‌ലാമിക ഗാനങ്ങൾ എന്നിവയും ഉണ്ടായിരിക്കും. പുസ്തക വിതരണം, രക്ഷിതാക്കൾക്കും വിദ്യാർഥികൾക്കുമുള്ള ബോധവത്കരണ ക്ലാസ് എന്നിവയും ചടങ്ങിന്റെ ഭാഗമായി നടക്കും. പുതിയ അധ്യായന വർഷത്തെ ഒന്നു മുതൽ എട്ടു വരെ ക്ലാസുകളിലേക്കുള്ള അഡ്മിഷൻ ആരംഭിച്ചതായും കൂടുതൽ വിവരങ്ങൾക്ക് 55559756, 60004486 എന്നീ നമ്പറുകളിൽ ബന്ധപ്പെടാനും മാനേജ്‌െമന്റ് അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.