നാളെയാണ്​ കളി: അമീർ കപ്പ്​ ഫൈനലും തുമാമ സ്​റ്റേഡിയം ഉദ്​ഘാടനവും വെള്ളിയാഴ്​ച

ദോഹ: ഖത്തർ കാത്തിരുന്ന ദിനത്തിലേക്ക്​ മണിക്കൂറുകളുടെ ദൂരം മാത്രം. അമീർ കപ്പ്​ ഫൈനലും അൽ തുമാമ സ്​റ്റേഡിയത്തി​െൻറ കിക്കോഫും ഒന്നിക്കുന്ന വെള്ളിയാഴ്​ച. കാണികൾക്കായി ഒരുക്കിയ 40,000 ടിക്കറ്റുകളിൽ 90 ശതമാനവും വിറ്റുതീർന്നതായി സംഘാടകർ. ഇനിയുള്ള ഒരു ദിനത്തിനുള്ളിൽ ശേഷിക്കുന്ന ടിക്കറ്റുകളും വിറ്റുതീരുമെന്ന ഉറപ്പിലാണ്​ സംഘാടകർ. ​പന്തുരുളാനുള്ള എല്ലാ സജ്ജീകരണങ്ങളുമായി. കണ്ണഞ്ചിപ്പിക്കുന്ന വിസ്​മയത്തോടെ ലോകത്തെ വരവേൽക്കാൻ തുമാമയും ഒരുങ്ങി. ഇനി കാത്തിരിപ്പി​െൻറ മണിക്കൂറുകൾ മാത്രം. കോവിഡി​െൻറ 18 മാസത്തെ ​ദുരിതകാലത്തിൽനിന്ന്​ ആഘോഷത്തി​െൻറ നാളുകളിലേക്കുള്ള സ്വാതന്ത്ര്യപ്രഖ്യാപനമായി കാത്തിരുന്ന പോരാട്ടത്തെ മാറ്റാനുള്ള ഒരുക്കത്തിലാണ്​ സംഘാടകർ. കണ്ണുനട്ടിരിക്കുന്ന പോരാട്ടത്തിന്​ മുന്നോടിയായി അമീർ കപ്പ്​ ഫൈനലിൽ മാറ്റുരക്കുന്ന ടീമുകളുടെ പരിശീലകർ മത്സരവേദിയായ അൽ തുമാമ സ്​റ്റേഡിയം സന്ദർശിച്ചു. അൽ റയ്യാ​െൻറ കോച്ച് മുൻ ഫ്രഞ്ച്​ ലോകചാമ്പ്യൻ ടീം അംഗം​ ലോറൻറ്​ ബ്ലാങ്കും അൽ സദ്ദി​െൻറ സൂപ്പർ കോച്ചും 2010 ലോകചാമ്പ്യൻ ടീം അംഗവുമായ സാവി ഹെർണാണ്ടസുമാണ്​ ബുധനാഴ്​ച മത്സരവേദി സന്ദർശിച്ചത്​. വണ്ടർ ഫുൾ സ്​റ്റേഡിയം എന്നായിരുന്നു സാവിയുടെ വിശേഷണം. 'കാണികൾക്കും കളിക്കാർക്കും കോച്ചെന്ന നിലയിൽ എനിക്കും ഇതൊരു വിസ്​മയക്കാഴ്​ചയാണ്​. ഈ സ്​റ്റേഡിയം ഉദ്​ഘാടനത്തി​െൻറ ഭാഗമാവുന്നതിൽ അഭിമാനം. ഖത്തറി​െൻറ പാരമ്പര്യവും പൈതൃകവും ഒന്നിക്കുന്നതാണ്​ ഈ സ്​റ്റേഡിയം' -സാവി പറഞ്ഞു. 'ഏറ്റവും മനോഹരം. ലോകകപ്പിനായി ഒരുങ്ങിയ എല്ലാം സ്​റ്റേഡിയങ്ങളും ഒന്നിനൊന്ന്​ മികച്ചതാണ്​. അതിൽനിന്നും വേറിട്ട ഒന്നുകൂടിയാണ്​ തുമാമ' -ലോറൻറ്​ ബ്ലാങ്ക്​ പറയുന്നു. 

ൈസക്കിളിലെത്തിയ പന്ത്​  
ദോഹ: കഴിഞ്ഞ വർഷം അമീർ കപ്പ്​ ഫൈനലിന്​ വേദിയായ അഹമ്മദ്​ ബിൻ അലി സ്​റ്റേഡിയത്തിൽനിന്നാണ്​ വെള്ളിയാഴ്​ചത്തെ അങ്കത്തിനുള്ള ഒഫീഷ്യൽ മാച്ച്​ ബാൾ വന്നത്​. പന്തും വഹിച്ചുള്ള 40ഓളം സൈക്ലിങ്​ താരങ്ങളുടെ യാത്ര അവസാനിച്ചത്​ തുമാമയുടെ കളിമുറ്റത്ത്​. ഒടുവിൽ ഭിന്നശേഷിക്കാരായ ​ൈസക്ലിങ്​ താരത്തി​െൻറ കൈയിൽനിന്ന്​ പന്ത്​ ഏറ്റുവാങ്ങിയാണ്​ പ്രതീകാത്മക യാത്ര അവസാനിച്ചത്​.