ദോഹ: ഇന്ത്യയുടെ 75ാം സ്വാതന്ത്ര്യദിനാഘോഷം 'ആസാദി കാ അമൃത് മഹോത്സവ്' ഭാഗമായി ഇന്ത്യൻ കൾചറൽ സെൻറർ നേതൃത്വത്തിൽ ഖത്തറിൽ മെഗാ രക്തദാന ക്യാമ്പ് സംഘടിപ്പിക്കുന്നു. ഹമദ് മെഡിക്കൽ കോർപറേഷനുമായി സഹകരിച്ച് ആഗസ്റ്റ് 13നാണ് 500ലേറെ പേരുെട രക്തദാന ക്യാമ്പ് സംഘടിപ്പിക്കുന്നതെന്ന് ഐ.സി.സി ഭാരവാഹികൾ അറിയിച്ചു. ഖത്തറിലുള്ള എല്ലാ ഇന്ത്യക്കാർക്കും ക്യാമ്പിൽ പങ്കെടുത്തുകൊണ്ട് രക്തദാനം നടത്താം. താൽപര്യമുള്ളവർ iccqatar@gmail.com എന്ന ഇ– മെയിൽ വിലാസത്തിലോ 55641025, 33448088 എന്നീ മൊബൈൽ നമ്പറുകളിൽ വിളിച്ചോ രജിസ്റ്റർ ചെയ്യണം.
വെള്ളിയാഴ്ച രാവിലെ എട്ട് മുതൽ ഐ.സി.സി അശോക ഹാളിലാണ് ക്യാമ്പ്.വൈകീട്ടുവരെ നീണ്ടുനിൽക്കുന്ന ക്യാമ്പിനുള്ള സജ്ജീകരണങ്ങൾ ഹമദ് മെഡിക്കൽ കോർപറേഷൻ ഒരുക്കും. രാവിലെ ഒമ്പത് മണിക്ക് ഇന്ത്യൻ അംബാസഡർ ദീപക് മിത്തൽ പരിപാടിയുടെ ഉദ്ഘാടനം നിർവഹിക്കും. ഹമദ് മെഡിക്കൽ കോർപറേഷൻ ഉദ്യോഗസ്ഥരും ചടങ്ങിൽ പങ്കെടുക്കും. നസീം അൽ റബീഹാണ് പരിപാടിയുടെ പ്രായോജകർ. ഐ.സി.സി അംഗീകൃത സംഘടനകൾ, യൂത്ത് വിങ്, സ്റ്റുഡൻറ് ഫോറം തുടങ്ങി പോഷക വിഭാഗങ്ങൾ എന്നിവരുമായി സഹകരിച്ചാണ് മെഗാ ക്യാമ്പ് സംഘടിപ്പിക്കുന്നത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.