വെടിനിർത്തൽ: ഖത്തറിന്​ ​െഎക്യരാഷ്​ട്ര സഭ മേധാവിയുടെ അഭിനന്ദനം

ദോഹ: ഇസ്രായേൽ–ഹമാസ്​ വെടിനിർത്തൽ നിലവിൽവന്നതിനുപിന്നിൽ ഖത്തർ നടത്തിയ യത്​നങ്ങളെ ഐക്യരാഷ്​ട്ര സഭ (യു.എൻ.) സെക്രട്ടറി ജനറൽ അ​േൻറാണിയോ ഗു​​ട്ടെറസ്​ അഭിനന്ദിച്ചു. നിരവധി പേരു​െട മരണത്തിനിടയാക്കുകയും നിരവധി കുടുംബങ്ങളു​െട പലായനത്തിനും താമസ കേന്ദ്രങ്ങളുടെ വൻനശീകരണത്തിനും ഇടയാക്കിയ 11 ദിവസത്തെ ആക്രമണങ്ങൾക്കുശേഷം നിലവിൽ വന്ന വെടിനിർത്തൽ കരാറിനെ യു.എൻ. മേധാവി സ്വാഗതം ചെയ്​തു. മരണപ്പെട്ടവരുടെ കുടുംബത്തിന്​ അദ്ദേഹം അനുശോചനം അറിയിച്ചു. വെടിനിർത്തൽ നിലവിൽ വരുത്താൻ ഐക്യരാഷ്​ട്രസഭയുമായി ഖത്തറും ഈജിപ്​തും അടുത്തിടപെട്ട്​​ പ്രവർത്തിച്ചു. വെടിനിർത്തൽ കരാർ പാലിക്കുന്നത്​ സംബന്ധിച്ച്​ എല്ലാ കക്ഷികളും പരിശോധന നടത്തണമെന്നും ഗു െട്ടറസ്​ ആവശ്യപ്പെട്ടു.

ആക്രമണത്തിൽ വ്യാപകമായ നാശം​ നേരിട്ട ഫലസ്​തീനിൻെറ നവീകരണത്തിനും പുനർനിർമാണത്തിനും എല്ലാ അന്താരാഷ്​ട്ര സമൂഹവും സാധ്യമാകുന്ന സഹായങ്ങൾ ചെയ്യണം. എന്നാൽ, മാത്രമേ ഫലസ്​തീനികൾക്ക്​ അവരുടെ സ്​ഥാപനങ്ങളും താമസകേന്ദ്രങ്ങളുമടക്കം പഴയപടിയിലാക്കാൻ കഴിയൂ.

സംഘർഷത്തിൻെറ അടിസ്​ഥാന കാരണങ്ങൾ കണ്ടെത്തി പരി​ഹരിക്കുന്നതിന്​ ഇസ്രായേലിൻെറയും ഫലസ്​തീനി​െൻറയും നേതാക്കൾക്ക്​​ ഉത്തരവാദിത്തമുണ്ട്​. ഭാവിയിലെ ഫലസ്​തീൻ രാഷ്​ട്രത്തിൻെറ നിർണായക ഭാഗമാണ്​ ഗസ്സ. വിഭാഗീയതയും പ്രശ്​നവും അവസാനിപ്പിച്ച്​ ശരിയായതും ദേശീയമായതുമായ അനുരഞ്ജനത്തിനുള്ള ഒരു യത്​നവും അധികമാവില്ല.

ദ്വിരാഷ്​ട്ര പരിഹാരത്തിനായുള്ള എല്ലാ ശ്രമങ്ങളും ഐക്യരാഷ്​ട്ര സഭ തുടരും. 1967ലെ അതിർത്തി അടിസ്​ഥാനപ്പെടുത്തിയുള്ള, അന്താരാഷ്​ട്ര നിയമങ്ങൾക്കനുസരിച്ച, ഇരുകക്ഷികളു​െടയും സമ്മതപ്രകാരമുള്ള ദ്വിരാഷ്​ട്ര പരിഹാരത്തിന്​ എല്ലാ അന്താരാഷ്​ട്ര പങ്കാളികളുമായും ചേർന്നുള്ള ​ശ്രമങ്ങൾ ഐക്യരാഷ്​ട്ര സഭ തുടരും. വെടിനിർത്തൽ ശക്തിപ്പെടുത്തുക, ഗസ്സയുടെ പുനർനിർമാണം, ദ്വിരാഷ്​ട്ര പരിഹാരത്തിനുള്ള തുടർശ്രമങ്ങൾ എന്നിവയാണ്​ ഇൗ വിഷയത്തിലുള്ള മുൻഗണനാക്രമമെന്നും അദ്ദേഹം പറഞ്ഞു.