കുട്ടികൾ വർണപ്പട്ടമായ രാത്രി

ദോ​ഹ: രാ​വി​നെ പ​ക​ലാ​ക്കി കു​ട്ടി​ക്കൂ​ട്ട​ങ്ങ​ൾ തെ​രു​വു​ക​ൾ കീ​ഴ​ട​ക്കി​യ ദി​നം. അ​വ​രു​ടെ പെ​രു​ന്നാ​ളാ​യി മാ​റി​യ നോ​മ്പി​നെ ആ​ഘോ​ഷ​ങ്ങ​ളു​ടെ രാ​ത്രി​യാ​ക്കി മാ​റ്റി ര​ക്ഷി​താ​ക്ക​ളും ഒ​പ്പ​മെ​ത്തി​യ​പ്പോ​ൾ സ​മീ​പ​കാ​ല​ങ്ങ​ളി​ലൊ​ന്നു​മി​ല്ലാ​ത്തൊ​രു ‘ഗ​ര​ങ്കാ​വൂ’ ആ​ഘോ​ഷ​ത്തി​നാ​യി​രു​ന്നു ഖ​ത്ത​ർ ഇ​ത്ത​വ​ണ വേ​ദി​യാ​യ​ത്. താ​മ​സ​സ്ഥ​ല​ങ്ങ​ളി​ലെ വീ​ടു​ക​ൾ ക​യ​റി​യി​റ​ങ്ങി​യു​ള്ള ആ​ഘോ​ഷം പ്ര​ധാ​ന വി​നോ​ദ​സ​ഞ്ചാ​ര​കേ​ന്ദ്ര​ങ്ങ​ളി​ലും മാ​ളു​ക​ളി​ലും ഷോ​പ്പി​ങ് സെ​ന്റ​റു​ക​ളി​ലും എ​ത്തി​യ​പ്പോ​ൾ ബു​ധ​നാ​ഴ്ച രാ​ത്രി ഖ​ത്ത​റി​ലെ സ്വ​ദേ​ശി​ക​ൾ​ക്കും ഒ​പ്പം വി​ദേ​ശി​ക​ൾ​ക്കും അ​പൂ​ർ​വ​മാ​യൊ​രു രാ​വാ​യി മാ​റി.

ക​ഴി​ഞ്ഞ മൂ​ന്നു വ​ർ​ഷ​ങ്ങ​ളി​ലും കോ​വി​ഡ് ഭീ​തി​യെ തു​ട​ർ​ന്ന് പ​രി​മി​ത​പ്പെ​ടു​ത്തി​യ കു​ട്ടി​ക​ളു​ടെ നോ​മ്പാ​ഘോ​ഷം ഇ​ത്ത​വ​ണ ക​ള​ർ​ഫു​ൾ ആ​യെ​ന്നാ​യി​രു​ന്നു ​സ്വ​ദേ​ശി​ക​ളും വി​ദേ​ശി​ക​ളും ഒ​റ്റ​വാ​ക്കി​ൽ പ്ര​തി​ക​രി​ച്ച​ത്. ബു​ധ​നാ​ഴ്ച രാ​ത്രി എ​ട്ടു മു​ത​ൽ അ​ർ​ധ​രാ​ത്രി 12 മ​ണി​വ​രെ​യാ​യി​രു​ന്നു ‘ഗ​ര​ങ്കാ​വൂ’ ആ​ഘോ​ഷ പ​രി​പാ​ടി​ക​ൾ. റ​മ​ദാ​നി​ലെ 14ാമ​ത്തെ നോ​മ്പ് പൂ​ർ​ത്തി​യാ​ക്കി​യ​തി​നു പി​ന്നാ​ലെ ഫാ​ൻ​സി കു​പ്പാ​യ​ങ്ങ​ള​ണി​ഞ്ഞ് പു​റ​ത്തി​റ​ങ്ങി​യ കു​ട്ടി​ക​ളെ കാ​ത്ത് ര​ക്ഷി​താ​ക്ക​ളും ബ​ന്ധു​ക്ക​ളും സു​ഹൃ​ത്തു​ക്ക​ളും ഉ​ൾ​പ്പെ​ടെ മു​തി​ർ​ന്ന​വ​ർ സ​മ്മാ​ന​ങ്ങ​ളും മ​ധു​ര പ​ല​ഹാ​ര​ങ്ങ​ളും ഉ​ടു​പ്പു​ക​ളു​മാ​യി കാ​ത്തി​രു​ന്നു.

‘ഗ​ര​ങ്കാ​വൂ, ഗ​ര​ങ്കാ​വൂ... അ​തൂ​ന അ​തൂ​ന... അ​ല്ലാ​ഹ്​ യ​അ്​​തീ​ക്കും...’ പാ​ടി​യെ​ത്തു​ന്ന കു​ട്ടി​ക​ളു​ടെ ചെ​റു​സ​ഞ്ചി​യി​ലേ​ക്ക് സ​മ്മാ​ന​ങ്ങ​ൾ ന​ൽ​കി​ക്കൊ​ണ്ടാ​യി​രു​ന്നു മു​തി​ർ​ന്ന​വ​ർ സ്വീ​ക​രി​ച്ച​ത്. സാ​ധാ​ര​ണ വീ​ടു​ക​ൾ ക​യ​റി​യി​റ​ങ്ങി മാ​ത്രം ന​ട​ക്കു​ന്ന ആ​ഘോ​ഷ​ത്തെ ഖ​ത്ത​ർ ടൂ​റി​സ​ത്തി​ന്റെ​യും മി​ഷൈ​രി​ബ് ഡൗ​ൺ ടൗ​ണി​ന്റെ​യും നേ​തൃ​ത്വ​ത്തി​ൽ ഇ​ത്ത​വ​ണ വ​ലി​യ ആ​ഘോ​ഷ​മാ​ക്കി മാ​റ്റി. ദോ​ഹ കോ​ർ​ണി​ഷി​ൽ സ്റ്റേ​ജ് ഷോ, ​ക​ലാ പ​രി​പാ​ടി​ക​ൾ, പ്ര​ത്യേ​ക മു​ഖാ​വ​ര​ണ​മാ​യ ബ​തൂ​ല വ​ർ​ക് ഷോ​പ്പ്, സ​ദു ബ്രേ​സ് ലെ​റ്റ് വ​ർ​ക്​​ഷോ​പ്പ്, ഹെ​ന്ന കോ​ർ​ണ​ർ, സെ​ൽ​ഫി, ഫാ​ഷ​ൻ​ഷോ ഉ​ൾ​പ്പെ​ടെ വൈ​വി​ധ്യ​മാ​ർ​ന്ന പ​രി​പാ​ടി​ക​ളാ​യ ക​ള​ർ​ഫു​ൾ ആ​ക്കി മാ​റ്റി.

ലോ​ക​ക​പ്പ് വേ​ള​യി​ൽ രാ​ജ്യം സാ​ക്ഷ്യം​വ​ഹി​ച്ച വ​ർ​ണാ​ഭ​മാ​യ ആ​ഘോ​ഷ​ങ്ങ​ളു​ടെ അ​തേ പ​ക​ർ​പ്പാ​ക്കി മാ​റ്റി​യാ​ണ് ‘ഗ​ര​ങ്കാ​വൂ’ കൊ​ണ്ടാ​ടി​യ​ത്.

സ്വ​ദേ​ശി​ക​ൾ​ക്കൊ​പ്പം, താ​മ​സ​ക്കാ​രും സ​ന്ദ​ർ​ശ​ക​രു​മാ​യ വി​ദേ​ശി​ക​ളു​ടെ സാ​ന്നി​ധ്യ​മാ​യി​രു​ന്നു ഇ​ത്ത​വ​ണ ശ്ര​ദ്ധേ​യ​മാ​യ​ത്. മി​ഷൈ​രി​ബ് ഡൗ​ൺ ടൗ​ൺ, കോ​ർ​ണി​ഷ്, ക​താ​റ, സൂ​ഖ് വാ​ഖി​ഫ്, ലു​സൈ​ൽ ബൊ​ളെ​വാ​ഡ് ഉ​ൾ​പ്പെ​ടെ വി​വി​ധ കേ​ന്ദ്ര​ങ്ങ​ളി​ലാ​യി നി​ര​വ​ധി വി​ദേ​ശി​ക​ളാ​ണ് രാ​ത്രി​യി​ലെ വ്യ​ത്യ​സ്ത​മാ​യ ‘ഗ​ര​ങ്കാ​വൂ’ ആ​ഘോ​ഷ​ത്തി​ന് സാ​ക്ഷി​യാ​കാ​ൻ എ​ത്തി​യ​ത്. വ​ർ​ണ​ക്കു​പ്പാ​യ​ങ്ങ​ളും തോ​ൾ​സ​ഞ്ചി​യും അ​ണി​യി​ച്ച ത​ങ്ങ​ളു​ടെ കു​ട്ടി​ക​ളെ​യും അ​വ​ർ ആ​ഘോ​ഷ​ങ്ങ​ളി​ൽ പ​ങ്കാ​ളി​ക​ളാ​ക്കി.

‘സ​മൂ​ഹ​മാ​ധ്യ​മ​ങ്ങ​ൾ വ​ഴി​യാ​ണ് ഈ ​ആ​ഘോ​ഷ​ത്തെ​ക്കു​റി​ച്ച് അ​റി​ഞ്ഞ​ത്. അ​തോ​ടെ, ര​ണ്ടു കു​ട്ടി​ക​ളു​മാ​യി ഗ​ര​ങ്കാ​വൂ ഫാ​ഷ​ൻ ഷോ​യി​ൽ എ​ത്തു​ക​യാ​യി​രു​ന്നു. ക​ഴി​ഞ്ഞ ദി​വ​സം​ത​ന്നെ സൂ​ഖ് വാ​ഖി​ഫി​ൽ​നി​ന്നും ഗ​ര​ങ്കാ​വൂ വ​സ്ത്രം വാ​ങ്ങി. കു​ട്ടി​ക​ൾ ന​ന്നാ​യി ആ​സ്വ​ദി​ച്ചു’ ​-കോ​ർ​ണി​ഷി​ലെ ആ​ഘോ​ഷ​ത്തി​ൽ പ​​ങ്കെ​ടു​ത്ത ആ​സ്ട്രേ​ലി​യ​ക്കാ​ര​ൻ ജി​സാ​ന പ​റ​യു​ന്നു.

അ​പൂ​ർ​വ​വും വ്യ​ത്യ​സ്ത​വു​മാ​യി​രു​ന്നു ഈ ​രാ​ത്രി​യി​ലെ അ​നു​ഭ​വ​മെ​ന്ന് ആ​ഫ്രി​ക്ക​യി​ൽ​നി​ന്നു​ള്ള ഒ​രു സ​ന്ദ​ർ​ശ​ക​ൻ പ​റ​യു​ന്നു.

‘ഗ​ര​ങ്കാ​വൂ’ ഭാ​ഗ​മാ​യി മ​ല​യാ​ളി​ക​ളും

ഖ​ത്ത​റി​ന്റെ എ​ല്ലാ ആ​ഘോ​ഷ​ങ്ങ​ളെ​യും ത​ങ്ങ​ളു​ടേ​തു​കൂ​ടി​യാ​ക്കി മാ​റ്റു​ന്ന പ്ര​വാ​സി മ​ല​യാ​ളി​ക​ൾ ലോ​ക​ക​പ്പ് പോ​ലെ ‘ഗ​ര​ങ്കാ​വൂ’ ആ​ഘോ​ഷ​വും ത​ങ്ങ​ളു​ടേ​താ​ക്കി മാ​റ്റി. ​വ​ർ​ഷ​ങ്ങ​ളാ​യി ഖ​ത്ത​റി​ൽ പ്ര​വാ​സി​ക​ളാ​യി ക​ഴി​യു​ന്ന​വ​ർ​ക്കു വ​രെ ഇ​ത്ത​വ​ണ​ത്തെ ആ​ഘോ​ഷം അ​പൂ​ർ​വ അ​നു​ഭ​വ​മാ​യി​രു​ന്നു. 11 വ​ർ​ഷ​ത്തോ​ളം പ്ര​വാ​സി​യാ​യ ആ​ല​പ്പു​ഴ സ്വ​ദേ​ശി ഫാ​ത്തി​മ പ​റ​യു​ന്ന​ത് ഇ​ങ്ങ​നെ: ‘വ​ർ​ഷ​ങ്ങ​ളാ​യി ഖ​ത്ത​റി​ലു​ണ്ടെ​ങ്കി​ലും ഇ​ത്ര വി​പു​ല​മാ​യ ആ​ഘോ​ഷം ക​ണ്ടി​ട്ടി​ല്ല. കു​ട്ടി​ക​ൾ​ക്ക് നോ​മ്പെ​ടു​ക്കാ​ൻ പ്രോ​ത്സാ​ഹ​നം ന​ൽ​കു​ന്ന​താ​ണ് ഗ​ര​ങ്കാ​വൂ. അ​വ​ർ സ​മ്മാ​ന​ങ്ങ​ൾ വാ​ങ്ങി, പു​തി​യ ഉ​ടു​പ്പി​ട്ട് ഇ​റ​ങ്ങു​ന്ന​ത് കാ​ണു​മ്പോ​ൾ സ​ന്തോ​ഷം.’ പ​ല​യി​ട​ങ്ങ​ളി​ൽ​നി​ന്നാ​യി ഈ ​രാ​ത്രി​യി​ൽ കു​ട്ടി​ക​ൾ​ക്ക് മി​ഠാ​യി​യും ക​ളി​പ്പാ​ട്ട​ങ്ങ​ളു​മാ​യി നി​ര​വ​ധി സ​മ്മാ​ന​ങ്ങ​ൾ ല​ഭി​ച്ച​താ​യി മ​ല​യാ​ളി കു​ടും​ബ​ങ്ങ​ൾ സാ​ക്ഷ്യ​പ്പെ​ടു​ത്തു​ന്നു.

ഹ​യ്യ യാ​ത്രാ​നു​മ​തി​യി​ൽ ഖ​ത്ത​റി​ലെ​ത്തി​യ നി​ര​വ​ധി മ​ല​യാ​ളി​ക​ളും കൗ​തു​ക​മേ​റി​യ ‘ഗ​ര​ങ്കാ​വൂ’ ആ​ഘോ​ഷ​ത്തി​ന് സാ​ക്ഷ്യം​വ​ഹി​ച്ചു.