പരിസ്ഥിതി മന്ത്രാലയം നേതൃത്വത്തിൽ നടന്ന പരിശീലന
പരിപാടിയിൽ കടലിൽ നിന്ന് സാമ്പിളുകൾ ശേഖരിക്കുന്നു
ദോഹ: ഖത്തർ സർവകലാശാലയിലെ എൻവയൺമെന്റ്-ബയോളജിക്കൽ സയൻസ് വിഭാഗം വിദ്യാർഥികൾക്കായി പരിസ്ഥിതി പഠന പരിശീലനം സംഘടിപ്പിച്ച് മന്ത്രാലയം. പരിസ്ഥിതി സംബന്ധിച്ച ശാസ്ത്രീയ പഠനങ്ങൾക്കായി തീരങ്ങളിൽനിന്നും കടലിൽനിന്നും സാമ്പിളുകൾ ശേഖരിക്കുക, നിരീക്ഷണം ഉൾപ്പെടെ വിഷയങ്ങളിലായിരുന്നു പ്രത്യേക പരിശീലനം നൽകിയത്.
ജൂൺ 30ന് തുടങ്ങിയ വേനലവധി പരിശീലന പരിപാടി വ്യാഴാഴ്ച വരെ നീണ്ടു. പരിസ്ഥിതി, കാലാവസ്ഥ വ്യതിയാന മന്ത്രാലയത്തിലെ പരിസ്ഥിതി നിരീക്ഷണ, പരിശോധന വിഭാഗത്തിനു കീഴിലായിരുന്നു ട്രെയിനിങ്. വിദ്യാർഥികളുടെ ടീം വർക്കുകളും ഗവേഷണ വൈദഗ്ധ്യവും വികസിപ്പിക്കുന്നതിനും തൊഴിൽ മേഖലയിൽ അവരുടെ മികവ് വർധിപ്പിക്കുന്നതും ലക്ഷ്യമിട്ടായിരുന്നിത്. മന്ത്രാലയത്തിൽനിന്നുള്ള വിദഗ്ധർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.