കെ.എം.സി.സി സംസ്ഥാന വൈസ് പ്രസിഡന്റ് മമ്മു കമ്പിലിന് പാലക്കാട് ജില്ല കമ്മിറ്റി സംഘടിപ്പിച്ച യാത്രയയപ്പ് ചടങ്ങിൽ സംസ്ഥാന ട്രഷറർ കെ.പി. മുഹമ്മദ് അലി ഉപഹാരം കൈമാറുന്നു
ദോഹ: നാലു പതിറ്റാണ്ടിന്റെ പ്രവാസം മതിയാക്കി നാട്ടിലേക്കു പോകുന്ന ഖത്തർ കെ.എം.സി.സി സംസ്ഥാന വൈസ് പ്രസിഡന്റ് മമ്മു കമ്പിലിന് പാലക്കാട് ജില്ല കമ്മിറ്റി യാത്രയയപ്പ് നൽകി. സംസ്ഥാന ട്രഷറർ കെ.പി. മുഹമ്മദ് അലി ഉപഹാരം കൈമാറി. വിവിധ കാലങ്ങളിലെ കെ.എം.സി.സി പദ്ധതികളുടെയും സ്നേഹസുരക്ഷ സ്‌കീമിന്റെയും പ്രധാന സ്ഥാനങ്ങളിൽ പതിറ്റാണ്ടുകളായി സേവനമനുഷ്ഠിച്ച മമ്മു കമ്പിൽ, പാലക്കാട് ജില്ല കമ്മിറ്റിയുടെ പദ്ധതിയായ ബെനവെലന്റ് ഫണ്ട് സോഫ്റ്റ്‌വെയറിന്റെ ഡെവലപ്പറുമായിരുന്നു.
പ്രസിഡന്റ് പി.പി. ജാഫർ സാദിഖ് അധ്യക്ഷത വഹിച്ചു. മുൻ ജില്ല ഭാരവാഹികളായ കെ.വി. മുഹമ്മദ്, വി.ടി.എം. സാദിഖ്, ഭാരവാഹികളായ അമീർ തലക്കശ്ശേരി, മഖ്ബൂൽ തച്ചോത്ത്, സിറാജുൽ മുനീർ, ഷാജഹാൻ കരിമ്പനക്കൽ, ഷമീർ വിളയൂർ, എം. മൊയ്തീൻകുട്ടി, പി.എസ്. നസീർ, അസർ പള്ളിപ്പുറം എന്നിവർ സംസാരിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.