ഗൾഫ് മാധ്യമവും ജോയ് ആലുക്കാസും ചേർന്ന് ക്രിസ്മസ്, പുതുവത്സര ആഘോഷങ്ങളുടെ ഭാഗമായി നടത്തിയ മത്സരങ്ങളിൽ വിജയിച്ചവർ സമ്മാനമായ സ്വർണനാണയം ഏറ്റുവാങ്ങിയപ്പോൾ. ജോയ് ആലുക്കാസ് റീജനൽ മാനേജർ ജെസ്റ്റിൻ സമ്മാനം വിതരണം ചെയ്തു
ദോഹ: ക്രിസ്മസ്- പുതുവർഷ ആഘോഷങ്ങളുടെ ഭാഗമായി 'ഗൾഫ് മാധ്യമവും' പ്രമുഖ ജ്വല്ലറി ഗ്രൂപ്പായ ജോയ് ആലുക്കാസും ചേർന്ന് നടത്തിയ 'ജോയ് വിത്ത് സാന്‍റ', 'എൻജോയ് ദ ന്യൂ ഇയർ' മത്സര വിജയികൾക്കുള്ള സമ്മാനമായ സ്വർണനാണയം വിതരണം ചെയ്തു.
ക്രിസ്മസ് ആഘോഷങ്ങളുടെ ഭാഗമായി സാന്‍റയോടൊപ്പം എടുത്ത ചിത്രങ്ങൾ 'ഗൾഫ് മാധ്യമം' ഫേസ്ബുക്കിൽ പങ്കുവെച്ചാണ് 'ജോയ് വിത്ത് സാന്‍റയിൽ' മത്സരാർഥികൾ പങ്കാളികളായത്. എല്ലാ ജി.സി.സി രാജ്യങ്ങളിലും നടത്തിയ മത്സരത്തിൽ ഖത്തറിൽ നിന്നും നിരവധി വായനക്കാർ പങ്കെടുത്തിരുന്നു.
ഖത്തറിൽനിന്നും ജോജി ജോർജ്, രജീഷ് കരിന്തലകൂട്ടം, മുഹ്സിന സമീൽ എന്നിവർ നാലു ഗ്രാം വീതം സ്വർണനാണയ സമ്മാനത്തിന് അർഹരായി. പുതുവർഷാഘോഷങ്ങളുടെ ഭാഗമായി നടത്തിയ 'എൻജോയ് ദ ന്യൂ ഇയർ' മത്സരത്തിൽ പുതുവത്സരാഘോഷവേളയിലെ ചിത്രങ്ങൾ പങ്കുവെച്ചായിരുന്നു വായനക്കാർ മത്സരിച്ചത്.
ഈ മത്സരത്തിൽ ഖത്തറിൽനിന്നും നുസ്റത്ത് നജീബ്, ഹൻസ് ജേക്കബ്, പ്രഭ ഹെൻഡ്രി സെബാസ്റ്റ്യൻ എന്നിവരും നാലു ഗ്രാം സ്വർണ നാണയം സമ്മാനമായി നേടി. ദോഹയിലെ അൽവതൻ സെന്‍ററിലെ ജോയ് ആലുക്കാസ് ഷോറൂമിൽ നടന്ന ചടങ്ങിൽ 'ജോയ് ആലുക്കാസ്' ഖത്തർ റീജനൽ മാനേജർ ജെസ്റ്റിൻ, ബ്രാഞ്ച് മാനേജർ സന്തോഷ് 'ഗൾഫ് മാധ്യമം' ഖത്തർ അഡ്മിൻ-മാർക്കറ്റിങ് മാനേജർ ആർ.വി. റഫീഖ് എന്നിവർ സമ്മാനം വിതരണം ചെയ്തു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.