‘പൊതുജനാരോഗ്യ മേഖലയിൽ ശേഷി വർധനവിനുള്ള നയങ്ങൾ നടപ്പാക്കുന്നതിന്​ പ്രാധാന്യം നൽകണം’

ദോഹ: പൊതുജനാരോഗ്യ മേഖലയിൽ ശേഷി വർധനവിനുള്ള നയങ്ങൾ നടപ്പാക്കുന്നതിലെ പ്രാധാന്യത്തിന്​ ഉൗന്നൽ നൽകി ഖത്തർ. മനുഷ്യാവകാശ കൗൺസിലി​​െൻറ 35ാം സെഷനിൽ പൊതു ആരോഗ്യത്തിൽ ശേഷി വർധനവ് കാര്യക്ഷമമാക്കുകയെന്ന വിഷയത്തിലെ ചർച്ചയിൽ പ​െങ്കടുത്ത്​ സംസാരിക്കവെയാണ്​ ജനീവയിലെ യു എൻ ഓഫീസിലെ ഖത്തർ പെർമനൻറ്​ മിഷൻ സെക്കൻഡ് സെക്രട്ടറി നൂർ ഇബ്റാഹീം അൽ സാദ ഇതുസംബന്​ധിച്ച നിലപാട്​ അറിയിച്ചത്​. ശാരീരിക– മാനസിക ആരോഗ്യത്തിനുള്ള അവകാശം പൂർണമായ രീതിയിൽ ഉയർന്ന മാനദണ്ഡങ്ങൾക്കനുസൃതം ഉറപ്പുവരുത്താനുള്ള നിർമാണ പ്രവർത്തനങ്ങൾ നടത്തണമെന്നും അ​േദ്ദഹം അറിയിച്ചു. 
ഇതി​​​െൻറ ഭാഗമായി ഖത്തർ ദേശീയ ദർശനത്തിന് രൂപം നൽകിയിട്ടുണ്ട്​. ആഴത്തിലുള്ള  ആരോഗ്യ രക്ഷാ സംവിധാനത്തിലൂടെ ശാരീരികമായും മാനസികമായും കൃത്യതയുള്ളതും ആരോഗ്യമുള്ളതുമായ സമൂഹത്തെ വാർത്തെടുക്കൽ ലക്ഷ്യമിട്ടുള്ളതാണിത്​. ഇതേലക്ഷ്യവുമായി ആരോഗ്യമുള്ള തലമുറയെ ഉറപ്പുവരുത്തുന്നതിന് ആരോഗ്യ രക്ഷാ സംവിധാനം വികസിപ്പിക്കാൻ ദേശീയ ആരോഗ്യ കർമപദ്ധതി (2011– 16) രൂപവത്​ക്കരിച്ചിരുന്നതായും അദ്ദേഹം പറഞ്ഞു. ആരോഗ്യ മേഖലയിൽ രാജ്യാന്തര തലത്തിലുള്ള സർക്കാറുകളുടെ സഹകരണം വ്യാപകമാക്കുന്നതിന്​ വർഷംതോറും ദോഹയിൽ വേൾഡ് ഇന്നൊവേഷൻ സമ്മിറ്റ് ഫോർ ഹെൽത്ത് (വിഷ്) ഖത്തർ നടത്തിവരുന്നു. മികച്ച ആരോഗ്യ നയങ്ങൾ മുന്നോട്ടുവെക്കുകയും പ്രധാന വെല്ലുവിളികളെ നേരിടുകയും പരിഹാരം കണ്ടെത്തുകയും ചെയ്യുന്ന വേദിയാണ് വിഷ്​. ഇതുവഴി നേട്ടങ്ങൾ കരസ്ഥമാക്കാൻ കഴിഞ്ഞിട്ടുണ്ട്​.  സിദ്റ മെഡിക്കൽ ആൻഡ് റിസർച്ച് സെൻ്റർ ആരോഗ്യ മേഖലയിലെ ശേഷി നിർമാണത്തിന് നല്ല തെളിവാണ്​. സിദ്റ മെഡിക്കൽ ആൻഡ് റിസർച്ച് സ​​െൻറർ ഖത്തരി വിദ്യാർഥികളെയും ബിരുദക്കാരെയും ലക്ഷ്യമിട്ട്​ പരിശീലന പരിപാടികൾ സംഘടിപ്പിക്കുകയും ചെയ്​തിരുന്നുവെന്നും നൂർ ഇബ്റാഹീം അൽ സാദഅറിയിച്ചു.  പൊതു ആരോഗ്യത്തിലും മരുന്നുകൾ ലഭ്യമാക്കുന്നതിൽ മനുഷ്യാവകാശത്തോടുള്ള പ്രതിബദ്ധത, അന്താരാഷ്​ട്ര തലത്തിലുള്ള നിക്ഷേപം എന്നിവ ആവശ്യമാണന്നും അ​േദ്ദഹം പറഞ്ഞു.  
പൊതു ആരോഗ്യ സംരക്ഷിക്കുന്നതിനും ആഗോളതലത്തിൽ മരുന്നുകൾ ലഭ്യമാക്കുന്നതിനും െട്രഡ് റിലേറ്റഡ് ആസ്​പെക്ട്സ്​ ഓഫ് ഇൻ്റലക്ച്വൽ െപ്രാപ്പർട്ടി റൈറ്റ്സ്​ (ട്രിപ്സ്​) കരാറുമായി ബന്ധപ്പെട്ട ദോഹ മന്ത്രിതല പ്രഖ്യാപനം നടന്നതും അദ്ദേഹം പ്രഭാഷണത്തിൽ എടുത്തുപറഞ്ഞു.