എ.​ആ​ർ നി​യ​ന്ത്രി​ത സ്‌​പൈ​ന​ൽ സ​ർ​ജ​റി​യു​മാ​യി എ​ച്ച്.​എം.​സി: അ​ർ​ബു​ദ ബാ​ധി​ത​നാ​യ രോ​ഗി​യി​ലാ​ണ്​ ശ​സ്​​ത്ര​ക്രി​യ ന​ട​ത്തി​യ​ത്​

ദോ​ഹ: ന്യൂ​റോ സ​ർ​ജി​ക്ക​ൽ ചി​കി​ത്സ​യി​ൽ ശ്ര​ദ്ധേ​യ​മാ​യ മു​ന്നേ​റ്റ​വു​മാ​യി ഹ​മ​ദ്​ മെ​ഡി​ക്ക​ൽ കോ​ർ​പ​റേ​ഷ​നി​ലെ വി​ദ​ഗ്ധ​രു​ടെ സം​ഘം. 60 ക​ഴി​ഞ്ഞ അ​ർ​ബു​ദ രോ​ഗി​യു​ടെ ന​ട്ടെ​ല്ലി​ലെ ട്യൂ​മ​ർ ഓ​ഗ്മെ​ന്റ​ഡ് റി​യാ​ലി​റ്റി വി​ത്ത് ഇ​ല​ക്ട്രോ​ണി​ക് നാ​വി​ഗേ​ഷ​ൻ സാ​ങ്കേ​തി​ക വി​ദ്യ​വ​ഴി വി​ജ​യ​ക​ര​മാ​യി നീ​ക്കം ചെ​യ്തു​കൊ​ണ്ടാ​ണ് ​ മേ​ഖ​ല​യി​ലെ ചി​കി​ത്സാ​രം​ഗ​ത്ത്​ ശ്ര​ദ്ധേ​യ​മാ​യ നേ​ട്ടം സ്വ​ന്ത​മാ​ക്കി​യ​ത്. ഖ​ത്ത​റി​ലും മി​ഡി​ലീ​സ്റ്റി​ലും നെ​ക്‌​സ്റ്റ്-​എ.​ആ​ർ സ്‌​പൈ​ന​ൽ ഉ​പ​ക​ര​ണ​ത്തി​ന്റെ പി​ന്തു​ണ​യോ​ടെ ഇ​ത്ത​ര​ത്തി​ലു​ള്ള ആ​ദ്യ​ത്തെ ശ​സ്ത്ര​ക്രി​യ​യാ​ണി​ത്.

ന്യൂ​റോ സ​ർ​ജ​റി വി​ഭാ​ഗം മേ​ധാ​വി ഡോ. ​സി​റാ​ജു​ദ്ദീ​ൻ ബെ​ൽ​ഖൈ​ർ

രോ​ഗി​യു​ടെ സു​ഷു​മ്‌​നാ നി​ര​ക്കു​ള്ളി​ൽ ഉ​യ​ർ​ന്ന കൃ​ത്യ​ത​യോ​ടെ ശ​സ്ത്ര​ക്രി​യാ ഉ​പ​ക​ര​ണ​ങ്ങ​ളെ ന​യി​ക്കാ​ൻ ഈ ​നൂ​ത​ന സാ​ങ്കേ​തി​ക​വി​ദ്യ ശ​സ്ത്ര​ക്രി​യാ വി​ദ​ഗ്ധ​രെ സ​ഹാ​യി​ച്ചെ​ന്ന് എ​ച്ച്.​എം.​സി ന്യൂ​റോ സ​ർ​ജ​റി വി​ഭാ​ഗം മേ​ധാ​വി​യും സ​ർ​ജി​ക്ക​ൽ ടീം ​ത​ല​വ​നു​മാ​യ ഡോ. ​സി​റാ​ജു​ദ്ദീ​ൻ ബെ​ൽ​ഖൈ​ർ പ​റ​ഞ്ഞു. ഇ​തി​ലൂ​ടെ സു​ഷു​മ്‌​ന​ക്ക് ചു​റ്റു​മു​ള്ള വാ​സ്‌​കു​ലാ​ർ, ന്യൂ​റ​ൽ കോ​ശ​ങ്ങ​ൾ​ക്ക് പ​രി​ക്കേ​ൽ​ക്കാ​നു​ള്ള സാ​ധ്യ​ത കു​റ​ക്കു​ന്നു​വെ​ന്നും അ​തു​വ​ഴി ശ​സ്ത്ര​ക്രി​യ പ്ര​ക്രി​യ​യു​ടെ പാ​ർ​ശ്വ​ഫ​ല​ങ്ങ​ൾ കു​റ​ക്കു​ന്നു​വെ​ന്നും അ​ദ്ദേ​ഹം വ്യ​ക്ത​മാ​ക്കി.ശ​സ്ത്ര​ക്രി​യ​ക്കി​ടെ സ​ർ​ജ​ൻ ധ​രി​ക്കു​ന്ന ഇ​ല​ക്ട്രോ​ണി​ക് ഗ്ലാ​സു​ക​ളി​ലൂ​ടെ സു​ഷു​മ്‌​ന സി.​ടി സ്‌​കാ​ൻ ചി​ത്ര​ങ്ങ​ൾ രോ​ഗി​യു​ടെ ന​ട്ടെ​ല്ലു​മാ​യി സം​യോ​ജി​പ്പി​ക്കു​ന്ന​താ​ണ് ഈ ​സാ​ങ്കേ​തി​ക​വി​ദ്യ. ഈ ​ഗ്ലാ​സു​ക​ൾ ഓ​പ​റേ​റ്റി​ങ് റൂ​മി​നു​ള്ളി​ലെ ക​മ്പ്യൂ​ട്ട​റി​നെ ബ്ലൂ​ടൂ​ത്ത് വ​ഴി ബ​ന്ധി​പ്പി​ക്കും. ഇ​തി​ലൂ​ടെ ന​ട്ടെ​ല്ല് ഇം​പ്ലാ​ന്റു​ക​ൾ സ്ഥാ​പി​ക്കു​ന്ന​തി​ന് വ്യ​ക്ത​മാ​യ കാ​ഴ്ച ന​ൽ​കു​ന്നു. ഇ​തി​ന്റെ ഫ​ല​മാ​യി ശ​സ്ത്ര​ക്രി​യ ന​ട​പ​ടി​ക​ൾ വേ​ഗ​ത്തി​ലും കൂ​ടു​ത​ൽ കൃ​ത്യ​ത​യോ​ടെ​യും ന​ട​ത്താ​ൻ ക​ഴി​യും.

സു​ഷു​മ്‌​നാ ട്യൂ​മ​ർ ബാ​ധി​ച്ച് ര​ണ്ടു​കാ​ലു​ക​ളും ത​ള​ർ​ന്ന രോ​ഗി​യി​ലാ​ണ് പു​ത്ത​ൻ സാ​ങ്കേ​തി​ക​വി​ദ്യ ഉ​പ​യോ​ഗി​ച്ച ശ​സ്ത്ര​ക്രി​യ വി​ജ​യ​ക​ര​മാ​യി പൂ​ർ​ത്തി​യാ​ക്കി​യ​ത്. ആ​റ് മ​ണി​ക്കൂ​ർ നീ​ണ്ട ശ​സ്ത്ര​ക്രി​യ​ക്കു​ശേ​ഷം ട്യൂ​മ​ർ വി​ജ​യ​ക​ര​മാ​യി നീ​ക്കം ചെ​യ്തു. ശ​സ്ത്ര​ക്രി​യ ക​ഴി​ഞ്ഞ് മൂ​ന്നാം ദി​വ​സം ത​ന്നെ രോ​ഗി ന​ട​ക്കാ​നു​ള്ള ശേ​ഷി വീ​ണ്ടെ​ടു​ക്കു​ക​യും ചെ​യ്ത​താ​യി ആ​ശു​പ​ത്രി അ​ധി​കൃ​ത​ർ വ്യ​ക്ത​മാ​ക്കി. രോ​ഗി സാ​ധാ​ര​ണ ജീ​വി​ത​ത്തി​ലേ​ക്ക് മ​ട​ങ്ങു​ന്ന​തി​നാ​യി ഇ​പ്പോ​ൾ ശ​സ്ത്ര​ക്രി​യാ​ന​ന്ത​ര ഫി​സി​ക്ക​ൽ തെ​റ​പ്പി​ക്ക് വി​ധേ​യ​നാ​യി​ക്കൊ​ണ്ടി​രി​ക്കു​ക​യാ​ണ്.സു​ഷു​മ്‌​നാ ശ​സ്ത്ര​ക്രി​യ​യി​ൽ ഓ​ഗ്മെ​ന്റ​ഡ് റി​യാ​ലി​റ്റി വി​ത്ത് ഇ​ല​ക്ട്രോ​ണി​ക് നാ​വി​ഗേ​ഷ​ൻ സാ​ങ്കേ​തി​ക​വി​ദ്യ​യു​ടെ പ്രാ​ധാ​ന്യം ഡോ. ​സി​റാ​ജു​ദ്ദീ​ൻ ഊ​ന്നി​പ്പ​റ​ഞ്ഞു. ശ​സ്ത്ര​ക്രി​യാ ന​ട​പ​ടി​ക്ര​മ​ങ്ങ​ളു​ടെ ഗു​ണ​നി​ല​വാ​ര​ത്തി​ലും മു​ന്നേ​റ്റ​ത്തി​ലും എ​ച്ച്.​എം.​സി​യി​ലെ ന്യൂ​റോ സ​ർ​ജ​റി വി​ഭാ​ഗം സ​മീ​പ​കാ​ല​ത്താ​യി വ​ലി​യ വ​ള​ർ​ച്ച കൈ​വ​രി​ച്ചി​ട്ടു​ണ്ട്. പ്ര​തി​വ​ർ​ഷം ആ​യി​ര​ത്തോ​ളം ശ​സ്ത്ര​ക്രി​യ​ക​ളാ​ണ് എ​ച്ച്.​എം.​സി​യി​ൽ ന​ട​ക്കു​ന്ന​ത്.