ഐ​ഫാ​ഖ്’ ഫാ​ർ​മ​സി​സ്റ്റ് ദി​നാ​ഘോ​ഷം ന​വം​ബ​ർ ഒ​ന്നി​ന്

ദോ​ഹ: ലോ​ക ഫാ​ർ​മ​സി​സ്റ്റ് ദി​നാ​ഘോ​ഷ​ങ്ങ​ളു​ടെ ഭാ​ഗ​മാ​യി അം​ഗ​ങ്ങ​ൾ​ക്കാ​യി വി​പു​ല​മാ​യ പ​രി​ശീ​ല​ന പ​രി​പാ​ടി​യു​മാ​യി ഖ​ത്ത​റി​ലെ ഇ​ന്ത്യ​ൻ ഫാ​ർ​മ​സി​സ്റ്റു​ക​ളു​ടെ കൂ​ട്ടാ​യ്മ​യാ​യ ഇ​ന്ത്യ​ൻ ഫാ​ർ​മ​സി​സ്റ്റ് അ​സോ​സി​യേ​ഷ​ൻ ഖ​ത്ത​ർ (ഐ​ഫാ​ഖ്). ന​വം​ബ​ർ ഒ​ന്നി​ന് ഷെ​റാ​ട്ട​ൻ ഗ്രാ​ൻ​ഡ് ഹോ​ട്ട​ലി​ൽ വൈ​കു​ന്നേ​രം 5.30 മു​ത​ൽ ​രാ​ത്രി എ​ട്ടു മ​ണി വ​രെ ന​ട​ക്കു​ന്ന പ​രി​പാ​ടി​യി​ൽ ഫാ​ർ​മ​സി മേ​ഖ​ല​യു​മാ​യി ബ​ന്ധ​പ്പെ​ട്ട വി​വി​ധ വി​ഷ​യ​ങ്ങ​ളി​ൽ പ​രി​ശീ​ല​ന​വും ച​ർ​ച്ച​ക​ളും സം​ഘ​ടി​പ്പി​ക്കു​മെ​ന്ന് സം​ഘാ​ട​ക​ർ വാ​ർ​ത്ത സ​മ്മേ​ള​ന​ത്തി​ൽ അ​റി​യി​ച്ചു.

ഈ ​വ​ർ​ഷ​ത്തെ ഫാ​ർ​മ​സി​സ്റ്റ് ദി​ന സ​ന്ദേ​ശ​മാ​യ ‘ഫാ​ർ​മ​സി​സ്റ്റു​ക​ൾ: ആ​ഗോ​ള ആ​രോ​ഗ്യ ആ​വ​ശ്യ​ങ്ങ​ൾ നി​റ​വേ​റ്റു​ന്നു’ എ​ന്ന വി​ഷ​യ​ത്തി​ൽ കേ​ന്ദ്രീ​ക​രി​ച്ചാ​ണ് പ​രി​പാ​ടി​ക​ൾ. 150ഓ​ളം ഫാ​ർ​മ​സി​സ്റ്റു​ക​ൾ പ​രി​പാ​ടി​യി​ൽ പ​​ങ്കെ​ടു​ക്കും. ഇ​ന്ത്യ​ൻ അം​ബാ​സ​ഡ​ർ വി​പു​ൽ ഉ​ദ്ഘാ​ട​നം ചെ​യ്യു​ന്ന ച​ട​ങ്ങി​ൽ ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ൻ ഫാ​ർ​മ​സി എ​ക്സി​ക്യൂ​ട്ടി​വ് ഡ​യ​റ​ക്ട​ർ ഡോ. ​മോ​സ അ​ൽ ഹൈ​ൽ ഫാ​ർ​മ​സി​സ്റ്റ് ദി​ന സ​ന്ദേ​ശം കൈ​മാ​റും.

ആ​രോ​ഗ്യ മേ​ഖ​ല​യി​ലെ ഫാ​ർ​മ​സി​സ്റ്റു​ക​ളു​ടെ പ്ര​ധാ​ന പ​ങ്കാ​ളി​ത്തം, രോ​ഗി​ക​ളു​ടെ സു​ര​ക്ഷ​യി​ൽ ഫാ​ർ​മ​സി​സ്റ്റു​ക​ൾ​ക്കു​ള്ള പ്ര​തി​ബ​ദ്ധ​ത, സു​ര​ക്ഷി​ത​മാ​യ മ​രു​ന്ന് ഉ​പ​യോ​ഗ​ത്തി​ലെ പ​ങ്ക് തു​ട​ങ്ങി​യ വി​ഷ​യ​ങ്ങ​ളി​ൽ വി​ഗ​ഗ്​​ധ​ർ ച​ർ​ച്ച​ക​ൾ​ക്ക് നേ​തൃ​ത്വം ന​ൽ​കും.

ഹ​മ​ദ് മെ​ഡി​ക്ക​ൽ കോ​ർ​പ​റേ​ഷ​ൻ, പൊ​തു​ജ​നാ​രോ​ഗ്യ മ​ന്ത്രാ​ല​യം, ദോ​ഹ സ​യ​ൻ​സ് ആ​ൻ​ഡ്​ ടെ​ക്നോ​ള​ജി യൂ​നി​വേ​ഴ്സി​റ്റി, ഖ​ത്ത​ർ യൂ​നി​വേ​ഴ്സി​റ്റി, പ്രൈ​മ​റി ഹെ​ൽ​ത്ത് കെ​യ​ർ കോ​ർ​പ​റേ​ഷ​ൻ തു​ട​ങ്ങി​യ സ്ഥാ​പ​ന​ങ്ങ​ളി​ലെ വി​ശി​ഷ്ട വ്യ​ക്തി​ക​ൾ പ​രി​പാ​ടി​യി​ൽ പ​​ങ്കെ​ടു​ക്കും. വെ​ൽ​കെ​യ​ർ ഫാ​ർ​മ​സി, സ്റ്റാ​ഡ ഫാ​ർ​മ​സ്യൂ​ട്ടി​ക്ക​ൽ​സ് എ​ന്നി​വ​രു​മാ​യി സ​ഹ​ക​രി​ച്ചാ​ണ് സം​ഘ​ടി​പ്പി​ക്കു​ന്ന​ത്.

2015-ൽ ​സ്ഥാ​പി​ത​മാ​യ ‘ഐ​ഫാ​ഖ്’ ഖ​ത്ത​റി​ലെ ഇ​ന്ത്യ​ൻ ഫാ​ർ​മ​സി​സ്റ്റു​ക​ളു​ടെ ക്ഷേ​മ പ്ര​വ​ർ​ത്ത​ന​ങ്ങ​ളി​ലും തു​ട​ർ വി​ദ്യാ​ഭ്യാ​സ പ്ര​വ​ർ​ത്ത​ന​ങ്ങ​ളി​ലും മാ​തൃ​കാ​പ​ര​മാ​യ പ​ങ്കു വ​ഹി​ക്കു​ന്ന​താ​യി ഭാ​ര​വാ​ഹി​ക​ൾ അ​റി​യി​ച്ചു.

പ്രോ​ഗ്രാം ക​ൺ​വീ​ന​റും ഐ​ഫാ​ഖ് വൈ​സ് പ്ര​സി​ഡ​ന്റു​മാ​യ ഡോ. ​ബി​ന്നി തോ​മ​സ്, ജ​ന​റ​ൽ സെ​ക്ര​ട്ട​റി സു​ഹൈ​ൽ കൊ​ന്ന​ക്കോ​ട്‌, ട്ര​ഷ​റ​ർ സ​ക്കീ​ർ ഹു​സൈ​ൻ, പ്രോ​ഗ്രാം കോ​ഓ​ഡി​നേ​റ്റ​ർ​മാ​രാ​യ മു​ഹ​മ്മ​ദ് ഫാ​റൂ​ഖ്, സൂ​ര​ജ്‌ ശ്രീ​കു​മാ​ർ എ​ന്നി​വ​ർ വാ​ർ​ത്ത​സ​മ്മേ​ള​ന​ത്തി​ൽ പ​ങ്കെ​ടു​ത്തു.