സൗദി രാജാവിെൻറ സന്ദേശം വിദേശകാര്യമന്ത്രി ഫൈസൽ ബിൻ ഫർഹാൻ ഖത്തർ അമീർ ശൈഖ് തമീം ബിൻ ഹമദ് ആൽഥാനിക്ക് കൈമാറിയപ്പോൾ
ദോഹ: ഈമാസം സൗദിയിൽ നടക്കുന്ന ഗൾഫ് സഹകരണ കൗൺസിൽ ഉച്ചകോടിയിലേക്ക് ഖത്തർ അമീർ ശൈഖ് തമീം ബിൻ ഹമദ് ആൽഥാനിക്ക് ക്ഷണം.സൗദി വിദേശകാര്യമന്ത്രി അമീർ ഫൈസൽ ബിൻ ഫർഹാൻ വഴിയാണ് സൽമാൻ രാജാവിെൻറ ക്ഷണക്കത്ത് അമീറിന് എത്തിച്ചത്. ഞായറാഴ്ച അമീരി ദീവാനിൽ നടന്ന ചർച്ചയിൽ ഖത്തർ അമീറിന് അദ്ദേഹം സന്ദേശം കൈമാറി. ഈമാസമാണ് 42ാമത് ഗൾഫ് സഹകരണ കൗൺസിൽ ഉച്ചകോടിക്ക് സൗദി വേദിയാവുന്നത്. അമീറുമായുള്ള കൂടിക്കാഴ്ചയിൽ ഖത്തറിനും ജനങ്ങൾക്കും സൗദി രാജാവിെൻറ ആശംസ അറിയിച്ചു. ഖത്തർ ജനതക്ക് കൂടുതൽ പുരോഗതിയും സമൃദ്ധിയും നേരുകയും ചെയ്തു. ഖത്തറിലെ സൗദി അംബാസഡർ അമീർ മൻസൂർ ബിൻ ഖാലിദ് ബിൻ ഫർഹാൻ, വിദേശകാര്യ മന്ത്രി ഓഫിസ് ജനറൽ മേധാവി അബ്ദുൽറഹ്മാൻ അൽദാവൂദ് എന്നിവരും ഒപ്പമുണ്ടായിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.