അൽ അറബി സ്പോർട്സ് ക്ലബ് ഇൻഡോർ സ്റ്റേഡിയത്തിൽ നടന്ന ഗ്രാൻഡ് ഇഫ്താറിൽ പങ്കെടുത്തവർ
ദോഹ: അൽ അറബി സ്പോർട്സ് ക്ലബ് ഇൻഡോർ സ്റ്റേഡിയത്തെ ജനസാഗരമാക്കി ഖത്തർ സർക്കാറിനു കീഴിലെ വർക്കേഴ്സ് സപ്പോർട്ട് ആൻഡ് ഇൻഷുറൻസും കെ.എം.സി.സി ഖത്തർ സംസ്ഥാന കമ്മിറ്റിയും സംയുക്തമായി സംഘടിപ്പിച്ച ഗ്രാൻഡ് ഇഫ്താർ മീറ്റ്. ഖത്തറിലെ പ്രവാസി ഇന്ത്യൻ സമൂഹത്തിന്റെ ഏറ്റവും വലിയ ഒത്തുചേരലായി ഇഫ്താർ സംഗമം മാറി.
വൈകീട്ട് നാലിന് ആരംഭിച്ച പരിപാടിയിൽ വർക്കേഴ്സ് സപ്പോർട്ട് ഇൻഷുറൻസ് ഫണ്ട് അതോറിറ്റി പ്രതിനിധികളായ സാലിം ദർവീഷ് അൽ മുഹന്നദി, ഖാലിദ് അബ്ദുറഹ്മാൻ ഫഖ്‌റു, അബ്ദുല്ല മുഹമ്മദ് ഹസൻ, മുസ്‍ലിം ലീഗ് സംസ്ഥാന സെക്രട്ടറി പാറക്കൽ അബ്ദുല്ല, ഐ.സി.സി അഡ്വൈസ്വറി കൗൺസിൽ ചെയർമാൻ പി.എൻ. ബാബു രാജ്, കുഞ്ഞമ്മദ് പേരാമ്പ്ര, ഫൈസൽ ഹുദവി എന്നിവർ സംബന്ധിച്ചു.
റമദാൻ സന്ദേശ പ്രഭാഷണം ഫനാർ ഇസ്‍ലാമിക് സെന്റർ പ്രതിനിധി സക്കറിയ്യ അൽ നൂരി നിർവഹിച്ചു. ഇന്ത്യൻ എംബസി അപ്പെക്സ് ബോഡി ഐ.എസ്.സി അഡ്വൈസറി കൗൺസിൽ ചെയർപേഴ്സനായി നോമിനേറ്റ് ചെയ്യപ്പെട്ട കെ.എം.സി.സി സംസ്ഥാന പ്രസിഡന്റ് ഡോ. അബ്‌ദുസ്സമദ്, ഐ.സി.സി, ഐ.സി.ബി.എഫ് മാനേജിങ് കമ്മിറ്റികളിൽ ഇടം നേടിയ അഫ്സൽ അബ്ദുൽ മജീദ്, ജാഫർ തയ്യിൽ എന്നിവർക്ക് അനുമോദന ഹാരം അണിയിച്ചു.
ഡോ. അബ്ദുൽ സമദ് അധ്യക്ഷത വഹിച്ചു. ഉപദേശകസമിതി നേതാക്കളായ എം.പി. ഷാഫി ഹാജി, എസ്.എ.എം. ബഷീർ, അബ്ദു നാസർ നാച്ചി, എ.വി. അബൂബക്കർ ഖാസിമി, സി.വി. ഖാലിദ്, പി.വി. മുഹമ്മദ് മൗലവി, സംസ്ഥാന ഭാരവാഹികളായ പി.കെ. അബ്ദു റഹീം , ടി.ടി.കെ. ബഷീർ, ആദം കുഞ്ഞി, സിദ്ദീഖ് വാഴക്കാട്, അജ്മൽ നബീൽ, അഷ്‌റഫ് ആറളം, അലി മുറയൂർ, താഹിർ താഹക്കുട്ടി, വി.ടി.എം. സാദിഖ്, സൽമാൻ എളയടം, സമീർ മുഹമ്മദ്, ഫൈസൽ കേളോത്ത്, ശംസുദ്ദീൻ വാണിമേൽ നേതൃത്വം നൽകി.
ഡോ. ബഹാവുദ്ദീൻ ഹുദവി നമസ്കാരത്തിന് നേതൃത്വം നൽകി. നാസർ ഫൈസി ഖിറാഅത്ത് നിർവഹിച്ചു. ജനറൽ സെക്രട്ടറി സലീം നാലകത്ത് സ്വാഗതവും ട്രഷറർ പി.എസ്.എം. ഹുസൈൻ നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.