ദോഹ: മീഡിയവണ്‍ ‘മബ്റൂഖ് ഗള്‍ഫ് ടോപ്പേഴ്സി’ന്റെ ഖത്തറിലെ പുരസ്കാര വിതരണം ശനിയാഴ്ച നടക്കും. അൽ വക്റ മെഷാഫിലെ പൊഡാര്‍ പേള്‍ സ്കൂളിൽ നടക്കുന്ന ചടങ്ങിൽ ഖത്തറിലെ വിവിധ സ്കൂളുകളിൽനിന്നും മറ്റുമായി ഉന്നത വിജയം നേടിയ 350ഓളം വിദ്യാര്‍ഥികളെ ആദരിക്കും. പത്താം ക്ലാസിലും പ്ലസ്ടുവിലും 90 ശതമാനത്തിലധികം മാര്‍ക്ക് നേടി ഉന്നത വിജയം നേടിയ വിദ്യാര്‍ഥികളെയാണ് മീഡിയവണ്‍ മബ്റൂഖ് ഗള്‍ഫ് ടോപ്പേഴ്സ് പരിപാടിയില്‍ ആദരിക്കുന്നത്.
ഖത്തര്‍ യൂനിവേഴ്സിറ്റിയിലെ ഉന്നത വിജയത്തിന് ഖത്തര്‍ അമീറില്‍ നിന്നും സ്വര്‍ണമെഡല്‍ വാങ്ങിയ മലയാളി വിദ്യാര്‍ഥി അബ്ദുല്‍ ബാസിത്ത് നൗഷാദിനെയും ചടങ്ങില്‍ ആദരിക്കും. ഖത്തര്‍ വിദ്യാഭ്യാസ മന്ത്രാലയം പ്രതിനിധി ഫഹദ് ഗരീബ്, ഇന്ത്യന്‍ എംബസി അപെക്സ് ബോഡി നേതാക്കള്‍ തുടങ്ങി ഖത്തറിലെ വിവിധ സാമൂഹിക സാംസ്കാരിക, വിദ്യാഭ്യാസ മേഖലയിലെ പ്രമുഖര്‍ പരിപാടിയില്‍ സംബന്ധിക്കും. വൈകീട്ട് നാലോടെ പുരസ്കാര ജേതാക്കളുടെ രജിസ്ട്രേഷന്‍ ആരംഭിക്കും. സൗദിയിലും യു.എ.ഇയിലും മബ്റൂഖ് ഗള്‍ഫ്
ടോപ്പേഴ്സ് സംഘടിപ്പിച്ചിരുന്നു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.