ഇനി പ്രമേഹമറിയാം; ഒറ്റ ശ്വാസത്തിലൂടെ

ദോഹ: മനുഷ്യശരീരത്തിലെ ഗ്ലൂക്കോസിെൻറ അളവ് തിട്ടപ്പെടുത്തുന്നതിന് രക്തം കുത്തിയെടുത്തുള്ള പരിശോധനകൾ സമീപഭാവിയിൽ തന്നെ പഴങ്കഥയാകാൻ സാധ്യത. ഒറ്റ ശ്വാസത്തിലൂ​െട പ്രമേഹം കണ്ടെത്താനും ശരീരത്തിലെ ഗ്ലൂക്കോസി​െൻറ തോത് രേഖപ്പെടുത്താനും കഴിയുന്ന നിർണായക കണ്ടുപിടുത്തം വിജയകരമായി പൂർത്തിയാക്കിയിരിക്കുകയാണ്. ഖത്തർ ഫൗണ്ടേഷനിലെ വിർജീനിയ കോമൺവെൽത്ത് യൂനിവേഴ്സിറ്റി സ്​കൂൾ ഓഫ് ദി ആർട്​സിലെ (വി.സി.യു ആർട്​സ്​​-ഖത്തർ) ഫിസിക്സ്​, ലിബറൽ ആർട്​സ്​ ആൻഡ് സയൻസ്​ േപ്രാഗ്രാം പ്രഫസറായ ഡോ. ഖാലിദ് സഈദാണ് കണ്ടുപിടുത്തത്തിന് പിന്നിൽ. നാനോ ടെക്നോളജിയുടെ പിൻബലത്തോടെയാണ് ഡോ. സഈദ് അഭിമാനകരമായ നേട്ടം കൈവരിച്ചിരിക്കുന്നത്. ക്രമരഹിതമായ ഗ്ലൂക്കോസ്​ അളവ് നിരീക്ഷിക്കുന്നതിനുള്ള ബയോമാർക്കറായ അസിറ്റോണിെൻറ സാന്നിധ്യം കണ്ടെത്തുന്നതിന് െബ്രത്​ലൈസർ പോലെയുള്ള ഉപകരണമാണ് ​പ്രഫ. സഈദ് കണ്ടെത്തിയിരിക്കുന്നത്.

ശരീരത്തിലെ ഗ്ലൂക്കോസിെൻറ അളവ് കണ്ടെത്തുന്നതിന് പ്രത്യേകിച്ചും നിരന്തരം ഗ്ലൂക്കോസ്​ അളവ് പരിശോധിക്കേണ്ട പ്രമേഹ രോഗികൾക്ക് ഈ കണ്ടുപിടുത്തം വലിയ സഹായകമാകുമെന്നാണ് പ്രതീക്ഷിക്കുന്നത്.ഒരു വ്യക്തിയുടെ ശ്വാസത്തിൽ ആൽക്കഹോളിെൻറ അംശം കണ്ടെത്തുന്നതിന് െബ്രത്​ലൈസർ ഉപയോഗിക്കുന്ന അതേ ആശയം തന്നെയാണ് ഇതിലും ഉപയോഗിച്ചിരിക്കുന്നത്​. രക്തത്തിലെ ഗ്ലൂക്കോസിെൻറ അളവ് കണ്ടെത്തുന്നതിന് നോൺ ഇൻവേസിസ്​ മാർഗങ്ങൾ തേടുന്നവർക്ക് വലിയ സഹായമാകുന്നതാണ് ഇതെന്നും ഡോ. ഖാലിദ് സഈദ് പറഞ്ഞു.20 വർഷത്തിലേറെയായി നാനോ ടെക്നോളജിയിൽ ഗവേഷകനായ ഡോ. സഈദ് അർബുദം, പ്രമേഹം തുടങ്ങിയ രോഗങ്ങൾ വളരെ നേരത്തെ കണ്ടെത്തുന്നതിന് ശ്വാസത്തിൽ ബയോമാർക്കർ നിരീക്ഷിക്കുന്നതിന് നാനോ പാർട്ടിക്​ൾ അപ്ലിക്കേഷനിലാണ് ശ്രദ്ധയൂന്നിയിരുന്നത്.

ആറുമാസം നീണ്ടുനിന്ന പരീക്ഷണത്തിൽ ഖത്തർ അക്കാദമി ദോഹയിലെ രണ്ട് ഹൈസ്​കൂൾ വിദ്യാർഥികളാണ് ഡോ. സഈദിെൻറ സഹായികളായുണ്ടായിരുന്നത്. ഖത്തർ ഫൗണ്ടേഷ​െൻറ ഖത്തർ നാഷനൽ റിസർച് ഫണ്ടാണ് ഗവേഷണത്തിനായി ഗ്രാൻറ്​ അനുവദിച്ചത്.