പാരീസ് ഹൈപ്പർ മാർക്കറ്റ് മുൻതസ ഉദ്ഘാടനം ഇന്ന്​

ദോഹ: ഖത്തറിലെ പ്രമുഖ ബിസിനസ് ഗ്രൂപ്പായ പാരീസ് ഇന്‍റർനാഷനലിനു കീഴിലെ പുതിയ ഹൈപ്പർമാർക്കറ്റ് വ്യാഴാഴ്ച വൈകീട്ട്​ മൂന്നു മണിക്ക് മുൻതസ ഇബ്​നു സീന സ്​ട്രീറ്റിൽ പ്രവർത്തനം ആരംഭിക്കും. ഷോപ്പിങ്​ മേഖലയിൽ നവ്യാനുഭവങ്ങളോടെ ഗുണമേന്മയിൽ ഉന്നത നിലവാരം പുലർത്തുന്നതായിരിക്കും ഇതെന്ന് പാരീസ് ഇന്‍റർനാഷനൽ ഗ്രൂപ് ചെയർമാൻ ടി.കെ. ഇസ്മായിൽ വാർത്തസമ്മേളനത്തിൽ അറിയിച്ചു. ഇന്ന്​ വൈകീട്ട്​ മൂന്നു മണിക്ക്​ നടക്കുന്ന ഉദ്ഘാടന ചടങ്ങിൽ ശൈഖ്​ അഹമ്മദ് അലി ബിൻ ഫാല നാസർ ആൽഥാനി മുഖ്യാതിഥിയായിരിക്കും. ഇന്ത്യൻ അംബാസഡർ ഡോ. ദീപക് മിത്തൽ സംബന്ധിക്കും.

1985ൽ ഖത്തറിലെ ബിസിനസ് രംഗത്തേക്ക് പ്രവേശിച്ച പാരിസ് ഗ്രൂപ് നിരവധി മേഖലകളിൽ മികവ്​ പ്രകടിപ്പിച്ചാണ്​ ജൈത്രയാത്ര തുടരുന്നത്​. റിയൽ എസ്റ്റേറ്റ്, റസ്റ്റാറന്‍റ്​, ബിൽഡിങ്​ മെറ്റീരിയൽസ്, മൊത്ത-ചില്ലറ വിതരണം എന്നീ വിവിധ മേഖലകളിൽ ഖത്തറിലെ സജീവ സാന്നിധ്യമായി. റീട്ടെയിൽ മേഖലയിൽ ചെറുതും വലുതുമായ അമ്പതിൽപരം ഔട്ട് ലെറ്റുകൾ പ്രവർത്തിപ്പിക്കുന്ന പരിചയ സമ്പന്നത പുതിയ ഹൈപ്പർ മാർക്കറ്റിൽ ഉപഭോക്താക്കൾക്ക് ഏറെ ഗുണം ചെയ്യുമെന്ന്​ മാനേജ്​മെന്‍റ്​ അംഗങ്ങൾ പറഞ്ഞു. ഫാമിലി ഷോപ്പിങ്​ ഏറ്റവും ആസ്വാദ്യകരമാക്കുന്ന രീതിയിലാണ്​ മുൻതസയിലെ 'പാരീസ് ഹൈപ്പർ മാർക്കറ്റ്​' രൂപകൽപന ചെയ്തിരിക്കുന്നതെന്നും പറഞ്ഞു.

ഗ്രോസറി ഫുഡ്, നോൺ ഫുഡ്, ഫ്രഷ് ഫ്രൂട്ട്സ്, വെജിറ്റബിൾ, ഫ്രഷ് ഫിഷ്, മീറ്റ്, സലാഡ്, ഡെയ്​ലി, ബ്രഡ് ആൻഡ് ബേക്കറി, ഡെയറി, ഫ്രോസൺ, ഫാഷൻ, ഫൂട്​വെയർ, ലൈഫ് സ്റ്റൈൽ, പെർഫ്യൂം, ടെക്നോളജി, സ്പോർട്സ്, ടോയ്സ്, സ്റ്റേഷനറി വിഭാഗങ്ങളിലായി ഒരു ലക്ഷത്തിലേറെ ഉല്പന്നങ്ങൾ ലഭ്യമാണ്​. മൊബൈൽ, വാച്ച് കൗണ്ടറുകൾ, കോസ്മെറ്റിക് കൗണ്ടറുകൾ തുടങ്ങിയവയും ഹൈപ്പർ മാർക്കറ്റിൽ സജ്ജീകരിച്ചിട്ടുണ്ട്. ഉദ്ഘാടനത്തോടനുബന്ധിച്ച്​ആകർഷകമായ സമ്മാനങ്ങളും പ്രമോഷനുകളും ഡിസ്കൗണ്ടുകളും ഉപഭോക്താക്കൾക്കായി ഒരുക്കിയതായി അറിയിച്ചു. വാർത്തസമ്മേളനത്തിൽ സി.ഇ.ഒ മുഹമ്മദ് ഇസ്മായിൽ, ഡയറക്ടർ ഓപറേഷൻസ് കെ. അഫ്സൽ, എക്സിക്യൂട്ടിവ് ഡയറക്ടർ ടി.കെ. ജാഫർ, ഫിനാൻസ് മാനേജർ ശംസുദ്ദീൻ കുളത്തൂർ, ജനറൽ മാനേജർ പി.ബി. ഹാഷിം എന്നിവരും പങ്കെടുത്തു.