ദുബൈയിൽ നടന്ന എ.ടി.എമ്മിൽ ഖത്തർ എയർവേസ്
പ്രതിനിധി പുരസ്കാരങ്ങൾ ഏറ്റുവാങ്ങുന്നു
ദോഹ: ഖത്തർ എയർവേസിന് അംഗീകാരത്തിന്റെ മറ്റൊരു പൊൻതൂവൽ കൂടി. ദുബൈയിൽ നടക്കുന്ന അറേബ്യൻ ട്രാവൽ മാർക്കറ്റിൽ ബിസിനസ് ട്രാവലർ മിഡിൽ ഈസ്റ്റിന്റെ രണ്ട് അവാർഡുകളാണ് ഖത്തർ എയർവേസിനെ തേടിയെത്തിയത്.
മികച്ച ബിസിനസ് ക്ലാസ്, മിഡിലീസ്റ്റിലെ മികച്ച റീജനൽ എയർലൈൻസ് എന്നീ പുരസ്കാരങ്ങൾ എ.ടി.എം വേദിയിൽ ഖത്തർ എയർവേസ് പ്രതിനിധികൾ ഏറ്റുവാങ്ങി. എയർലൈൻസുകളുടെ ഓസ്കർ എന്നറിയപ്പെടുന്ന എ.ടി.എം ട്രാവലർ പുരസ്കാരത്തിന് പൊതു വോട്ടിന്റെകൂടി അടിസ്ഥാനത്തിലാണ് തിരഞ്ഞെടുത്തത്.
ഖത്തർ എയർവേസ് ഈസ്റ്റേൺ റീജ്യൻ സീനിയർ വൈസ് പ്രസിഡന്റ് മർവൻ കൊലേലാത് പുരസ്കാരം ഏറ്റുവാങ്ങി. അന്താരാഷ്ട്ര തലത്തിൽ നിരവധി പുരസ്കാരങ്ങൾ ഏറ്റുവാങ്ങിയതിന്റെ തുടർച്ചയാണ് ഖത്തർ എയർവേസിനെ തേടി അറബ് ട്രാവൽ മാർക്കറ്റിലും അംഗീകാരം ലഭിച്ചത്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.