കെ.എം.സി.സി പാലക്കാട് ജില്ല കൗൺസിൽ യോഗത്തിൽ
ഷഫീഖ് വാഫി നിലമ്പൂർ സംസാരിക്കുന്നു
ദോഹ: ഖത്തർ കെ.എം.സി.സി പാലക്കാട് ജില്ല കൗൺസിലേഴ്സ് മീറ്റ് തുമാമ കെ.എം.സി.സി ഹാളിൽ സംസ്ഥാന ട്രഷറർ കെ.പി. മുഹമ്മദലി ഉദ്ഘാടനം ചെയ്തു. ജനറൽ സെക്രട്ടറി അമീർ തലക്കശ്ശേരി സ്വാഗതം പറഞ്ഞ യോഗത്തിൽ പ്രസിഡന്റ് ജാഫർ സാദിഖ് അധ്യക്ഷത വഹിച്ചു. ‘സംഘാടകന്റെ ചുമതലകൾ, വെല്ലുവിളികൾ’ വിഷയത്തിൽ ഷഫീഖ് വാഫി നിലമ്പൂർ മുഖ്യപ്രഭാഷണം നടത്തി. കഴിഞ്ഞ ദിവസം നിര്യാതനായ മുസ്‍ലിം ലീഗിന്റെ തലമുതിർന്ന നേതാവും മുൻ മേപ്പയ്യൂർ മണ്ഡലം എം.എൽ.എയുമായ പണാറത്ത് കുഞ്ഞുമുഹമ്മദിന്റെ വിയോഗത്തിൽ യോഗം അനുശോചിച്ചു.
പട്ടാമ്പി മണ്ഡലം കമ്മിറ്റി സംഘടിപ്പിച്ച ഫിഫ ലോകകപ്പ് പ്രവചന മത്സരത്തിന്റെ സമ്മാനദാനം ചടങ്ങിൽ നിർവഹിച്ചു. ജില്ല മണ്ഡലം നേതാക്കളായ കെ.വി. മുഹമ്മദ്, വി.ടി.എം. സാദിഖ്, റസാഖ് ഒറ്റപ്പാലം, സമീർ മുഹമ്മദ്, സിറാജുൽ മുനീർ, മൊയ്തീൻകുട്ടി, ഷാജഹാൻ, നസീർ പാലക്കാട്, സുഹൈൽ കുമ്പിടി, യൂസഫ് പനംകുറ്റി, വി.പി. അബ്ദുൽകരീം, ഉമ്മർ ഒറ്റപ്പാലം, കെ. റിഷാഫ്, ജലീൽ വളരാണി, ശിഹാബുദ്ദീൻ പുളിക്കൽ, തൗഫീഖ് ചിറ്റൂർ എന്നിവർ സംസാരിച്ചു. ബനവലന്റ് ഫണ്ട് പ്രവർത്തങ്ങൾക്ക് മഖ്ബൂൽ തച്ചോത്ത്, മുഹമ്മദ് ജെൻസർ എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.