തൊ​ട്ട​തെ​ല്ലാം പൊ​ന്നാ​ക്കി പു​തു​വ​ർ​ഷ​ത്തി​ലേ​ക്ക്

ദോ​ഹ: നേ​ട്ട​ങ്ങ​ളു​ടെ പെ​രു​മ​യു​മാ​യി വീ​ണ്ടു​മൊ​രു ക​ല​ണ്ട​ർ വ​ർ​ഷം ക​ട​ന്നു​പോ​വു​ന്നു. ന​യ​ത​ന്ത്ര മേ​ഖ​ല മു​ത​ൽ കാ​യി​ക, വി​നോ​ദ​സ​ഞ്ചാ​ര, വാ​ണി​ജ്യ, ഉ​ൽ​പാ​ദ​നം തു​ട​ങ്ങി എ​ല്ലാ​യി​ട​ങ്ങ​ളി​ലും നേ​ട്ട​ങ്ങ​ൾ ആ​വ​ർ​ത്തി​ച്ചാ​ണ് ഖ​ത്ത​ർ പു​തു​വ​ർ​ഷ​ത്തെ വ​ര​വേ​ൽ​ക്കു​ന്ന​ത്. കാ​യി​ക മേ​ഖ​ല​യി​ൽ ഏ​ഷ്യ​ൻ ക​പ്പ് കി​രീ​ട​ത്തി​ൽ ഖ​ത്ത​റി​ന്റെ ര​ണ്ടാം മു​ത്ത​ത്തി​ന് സ്വ​ന്തം മ​ണ്ണ് സാ​ക്ഷി​യാ​യി. യു​ദ്ധ​ങ്ങ​ളും ആ​ഭ്യ​ന്ത​ര സം​ഘ​ർ​ഷ​ങ്ങ​ളും സൃ​ഷ്ടി​ക്കു​ന്ന ലോ​ക​ത്തി​ന്റെ വേ​ദ​ന​ക​ളി​ൽ ന​യ​ത​ന്ത്ര ദൗ​ത്യ​വു​മാ​യി ഖ​ത്ത​ർ സ​ജീ​വ​മാ​യി ഇ​ടം​പി​ടി​ച്ചു.

ഗ​സ്സ, ല​ബ​നാ​ൻ, സി​റി​യ, യു​ക്രെ​യ്ൻ, സു​ഡാ​ൻ തു​ട​ങ്ങി സം​ഘ​ർ​ഷ ഭൂ​മി​ക​ളി​ൽ സ​മാ​ധാ​നം സ്ഥാ​പി​ക്കാ​നും മാ​നു​ഷി​ക സ​ഹാ​യ​മെ​ത്തി​ക്കാ​നു​മെ​ല്ലാം രാ​ജ്യം സ​ജീ​വ​മാ​യി ഇ​ട​പെ​ട്ടു. പി​ന്നി​ടു​ന്ന വ​ർ​ഷം ഒ​റ്റ​നോ​ട്ട​ത്തി​ൽ.....

ഗ​സ്സ മു​ത​ൽ സി​റി​യ വ​രെ; ഖ​ത്ത​ർ ഡി​​പ്ലോ​മ​സി

ഗ​സ്സ​യി​ൽ ഇ​സ്രാ​യേ​ൽ അ​ധി​നി​വേ​ശ സേ​ന തീ​ർ​ത്ത ചോ​ര​ച്ചാ​ലു​ക​ൾ​ക്കി​ട​യി​ലാ​യി​രു​ന്നു 2024 പു​തു​വ​ർ​ഷ​ത്തി​ലേ​ക്ക് ലോ​കം പി​റ​ന്ന​ത്. യു​ദ്ധം ആ​രം​ഭി​ച്ച ഒ​ന്നാം നാ​ൾ മു​ത​ൽ ഖ​ത്ത​ർ ആ​രം​ഭി​ച്ച മ​ധ്യ​സ്ഥ ശ്ര​മ​ങ്ങ​ളും ന​യ​ത​ന്ത്ര നീ​ക്ക​ങ്ങ​ളും മാ​നു​ഷി​ക സ​ഹാ​യ​വു​മെ​ല്ലാം വ​ർ​ധി​ത വീ​ര്യ​ത്തോ​ടെ​ത്ത​ന്നെ 2024ലും ​തു​ട​ർ​ന്നു. അ​മേ​രി​ക്ക, ഈ​ജി​പ്ത് തു​ട​ങ്ങി​യ പ​ങ്കാ​ളി​ക​ളു​മാ​യി ചേ​ർ​ന്ന് ഇ​രു ക​ക്ഷി​ക​ൾ​ക്കു​മി​ട​യി​ൽ ച​ർ​ച്ച​ക​ൾ​ക്കും സ​മാ​ധാ​ന ദൗ​ത്യ​ങ്ങ​ൾ​ക്കും നേ​തൃ​പ​ര​മാ​യ പ​ങ്കു​വ​ഹി​ച്ചു. വെ​ല്ലു​വി​ളി​ക​ളും ത​ട​സ്സ​ങ്ങ​ളും മാ​റി​മാ​റി​യെ​ത്തി​യ​പ്പോ​ഴും മ​ധ്യ​സ്ഥ ദൗ​ത്യ​ത്തി​ൽ പ്ര​ധാ​നി​യാ​യി ഖ​ത്ത​ർ തു​ട​ർ​ന്നു.

ഏ​റ്റ​വും ഒ​ടു​വി​ൽ ആ​ഗ​സ്റ്റി​ൽ ദോ​ഹ​യി​ലും കൈ​റോ​യി​ലു​മാ​യി ഹ​മാ​സി​നെ​യും ഇ​സ്രാ​യേ​ലി​നെ​യും പ​​ങ്കെ​ടു​പ്പി​ച്ചു​ള്ള ച​ർ​ച്ച​ക​ളും ന​ട​ന്നു. അ​തി​നി​ടെ ക​ക്ഷി​ക​ളു​ടെ ഗൗ​ര​വ​പൂ​ർ​ണ​മാ​യ ഇ​ട​പെ​ട​ലി​ല്ലെ​ന്ന് വ്യ​ക്ത​മാ​ക്കി​യ ഖ​ത്ത​ർ മ​ധ്യ​സ്ഥ ശ്ര​മ​ങ്ങ​ൾ താ​ൽ​ക്കാ​ലി​ക​മാ​യി നി​ർ​ത്തി​വെ​ച്ചി​രു​ന്നു. എ​ന്നാ​ൽ, പു​തു​വ​ർ​ഷം പി​റ​ക്കു​മ്പോ​ഴെ​ത്തു​ന്ന വാ​ർ​ത്ത ആ​ശ്വാ​സം ന​ൽ​കു​ന്ന​താ​ണ്. ശ​നി​യാ​ഴ്ച​യാ​ണ് ദോ​ഹ​യി​ൽ ഖ​ത്ത​ർ പ്ര​ധാ​ന​മ​ന്ത്രി​യും ഹ​മാ​സ് നേ​താ​ക്ക​ളും കൂ​ടി​ക്കാ​ഴ്ച ന​ട​ത്തി​യ​തും മ​ധ്യ​സ്ഥ ച​ർ​ച്ച​ക​ൾ വീ​ണ്ടും സ​ജീ​വ​മാ​ക്കി​യ​തും.

യു​ദ്ധം അ​വ​സാ​നി​പ്പി​ക്കാ​നു​ള്ള ദൗ​ത്യ​ത്തി​നൊ​പ്പം ആ​യി​ര​ത്തി​ലേ​റെ ഫ​ല​സ്തീ​നി​ക​ൾ​ക്ക് ചി​കി​ത്സ​യും അ​ഭ​യ​വു​മാ​യും ഖ​ത്ത​ർ ഇ​ട​പെ​ട്ടു. ഗ​സ്സ​യു​ടെ വി​ശ​പ്പ​ക​റ്റു​ന്ന​തു​ൾ​പ്പെ​ടെ മാ​നു​ഷി​ക സ​ഹാ​യ​ങ്ങ​ളി​ലും ഖ​ത്ത​റി​ന്റെ സേ​വ​നം തു​ട​രു​ന്നു.

യു​ക്രെ​യ്ൻ-​റ​ഷ്യ യു​ദ്ധ​ത്തി​നി​ട​യി​ലും ഖ​ത്ത​റി​ന്റെ ന​യ​ത​ന്ത്ര ദൗ​ത്യം തു​ട​രു​ന്നു. യു​ദ്ധം ഒ​റ്റ​പ്പെ​ടു​ത്തി​യ ഇ​രു രാ​ജ്യ​ങ്ങ​ളി​ലെ​യും കു​ട്ടി​ക​ളു​ടെ മോ​ച​നം ഖ​ത്ത​ർ മ​ധ്യ​സ്ഥ​ത​യി​ൽ ന​ട​ന്നു. ഏ​റ്റ​വും ഒ​ടു​വി​ൽ ന​വം​ബ​ർ അ​വ​സാ​ന വാ​ര​വും ഏ​താ​നും കു​ട്ടി​ക​ൾ​ക്ക് ത​ങ്ങ​ളു​ടെ കു​ടും​ബ​ങ്ങ​ളി​ലെ​ത്താ​ൻ ക​ഴി​ഞ്ഞു.

ഏ​റ്റ​വും ഒ​ടു​വി​ൽ സി​റി​യ​യി​ലു​മു​ണ്ട് ഖ​ത്ത​റി​ന്റെ സാ​ന്ത്വ​നം. ബ​ശ്ശാ​റു​ൽ അ​സ​ദ് രാ​ജ്യം വി​ട്ടോ​ടി​യ മ​ണ്ണി​ൽ ത​ങ്ങ​ളു​ടെ എം​ബ​സി ഖ​ത്ത​ർ ക​ഴി​ഞ്ഞ​യാ​ഴ്ച തു​റ​ന്നു. ഡ​മ​സ്ക​സ് വ​ഴി നേ​രി​ട്ടു​ത​ന്നെ മാ​നു​ഷി​ക സ​ഹാ​യ​ങ്ങ​ളെ​ത്തി​ക്കു​ന്ന​താ​ണ് പു​തു​വ​ർ​ഷ​ത്തി​നി​ട​യി​ലെ വ​ലി​യ വാ​ർ​ത്ത.

ഖ​ത്ത​ർ, അ​മേ​രി​ക്ക പൗ​ര​ന്മാ​ർ​ക്ക് വി​സ​യി​ല്ലാ​തെ​ത്ത​ന്നെ ഇ​രു രാ​ജ്യ​ങ്ങ​ളി​ലേ​ക്കും യാ​ത്ര​ചെ​യ്യാ​ൻ സാ​ധ്യ​മാ​വു​ന്ന ‘വി​സ വെ​യ്‍വ​ർ പ്രോ​ഗ്രാം’ (വി.​ഡ​ബ്ല്യു.​പി) ഈ ​വ​ർ​ഷ​ത്തെ പ്ര​ധാ​ന നേ​ട്ട​മാ​യി​രു​ന്നു. ഗ​ൾ​ഫ് -അ​റ​ബ് മേ​ഖ​ല​യി​ൽ​നി​ന്ന് വി.​ഡ​ബ്ല്യു.​പി ല​ഭി​ക്കു​ന്ന ആ​ദ്യ രാ​ജ്യ​മാ​യി ഖ​ത്ത​ർ. ഡി​സം​ബ​ർ ഒ​ന്നു​മു​ത​ൽ വി​സ​ര​ഹി​ത യാ​ത്ര നി​ല​വി​ൽ​വ​ന്നു.

50 ല​ക്ഷം സ​ന്ദ​ർ​ശ​ക​ർ

വി​നോ​ദ​സ​ഞ്ചാ​ര മേ​ഖ​ല​യി​ലും ച​രി​ത്ര നേ​ട്ട​വു​മാ​യി ഖ​ത്ത​ർ

ദോ​ഹ: ഒ​രു വ​ർ​ഷ​ത്തി​നു​ള്ളി​ൽ സ​ന്ദ​ർ​ശ​ക​രു​ടെ എ​ണ്ണം 50 ല​ക്ഷം തി​ക​ച്ച് വി​നോ​ദ​സ​ഞ്ചാ​ര മേ​ഖ​ല​യി​ൽ ച​രി​ത്ര നേ​ട്ടം സൃ​ഷ്ടി​ച്ച് ഖ​ത്ത​ർ. സ​ന്ദ​ർ​ശ​ക​രു​ടെ എ​ണ്ണ​ത്തി​ൽ 2023നെ ​അ​പേ​ക്ഷി​ച്ച് 25 ശ​ത​മാ​നം വ​ള​ർ​ച്ച രേ​ഖ​പ്പെ​ടു​ത്തി​യാ​ണ് ആ​ഗോ​ള വി​നോ​ദ​സ​ഞ്ചാ​ര ഭൂ​പ​ട​ത്തി​ൽ ഖ​ത്ത​ർ സ്വ​ന്തം സ്ഥാ​നം അ​ട​യാ​ള​പ്പെ​ടു​ത്തി​യ​ത്. പു​തു​വ​ർ​ഷ​ത്തെ വ​ര​വേ​ൽ​ക്കു​ന്ന​തി​നു​ള്ള ഒ​രു​ക്ക​ങ്ങ​ൾ​ക്കി​ടെ ഖ​ത്ത​ർ ടൂ​റി​സ​മാ​ണ് സ​ഞ്ചാ​രി​ക​ളു​ടെ എ​ണ്ണ​ത്തി​ൽ റെ​ക്കോ​ഡ് വാ​ർ​ത്ത പ​ങ്കു​വെ​ച്ച​ത്.

ഒ​രു വ​ർ​ഷം 50 ല​ക്ഷം സ​ന്ദ​ർ​ശ​ക​ർ എ​ന്ന ല​ക്ഷ്യം മ​റി​ക​ട​ന്ന​ത് ഖ​ത്ത​റി​നെ സം​ബ​ന്ധി​ച്ച് വി​നോ​ദ​സ​ഞ്ചാ​ര മേ​ഖ​ല​യി​ലെ സു​പ്ര​ധാ​ന നാ​ഴി​ക​ക്ക​ല്ലാ​ണെ​ന്ന് ഖ​ത്ത​ർ ടൂ​റി​സം ചെ​യ​ർ​മാ​ൻ സ​അ​ദ് ബി​ൻ അ​ലി അ​ൽ ഖ​ർ​ജി പ​റ​ഞ്ഞു. അ​തി​വേ​ഗം വ​ള​രു​ന്ന കു​ടും​ബ സൗ​ഹൃ​ദ വി​നോ​ദ​സ​ഞ്ചാ​ര കേ​ന്ദ്ര​ങ്ങ​ളി​ലൊ​ന്നാ​യി രാ​ജ്യം മാ​റു​ന്ന​തി​ന്റെ അം​ഗീ​കാ​രം കൂ​ടി​യാ​ണ് ഈ ​നേ​ട്ട​മെ​ന്നും അ​ദ്ദേ​ഹം പ​റ​ഞ്ഞു. റൂം ​ബു​ക്കി​ങ്ങി​ലും ഇ​ത്ത​വ​ണ കു​തി​ച്ചു​ക​യ​റി. ഒ​രു കോ​ടി​യാ​ണ് നൈ​റ്റ് റൂം ​ബു​ക്കി​ങ് ക​ണ​ക്കാ​ക്കു​ന്ന​ത്. വി​നോ​ദ​സ​ഞ്ചാ​ര മേ​ഖ​ല​യി​ൽ ഭാ​വി​യി​ലെ വ​ള​ർ​ച്ച​യി​ലേ​ക്കു​ള്ള അ​ടി​ത്ത​റ കൂ​ടി​യാ​ണി​തെ​ന്ന് അ​ദ്ദേ​ഹം പ​റ​ഞ്ഞു.

ആ​കെ സ​ന്ദ​ർ​ശ​ക​രി​ൽ 41 ശ​ത​മാ​ന​വും ജി.​സി.​സി രാ​ജ്യ​ങ്ങ​ളി​ൽ​നി​ന്നു​ള്ള​വ​രാ​ണ്. സൗ​ദി അ​റേ​ബ്യ, ഇ​ന്ത്യ, ബ്രി​ട്ട​ൻ, ജ​ർ​മ​നി, അ​മേ​രി​ക്ക എ​ന്നി​വ​യു​ൾ​പ്പെ​ടെ​യു​ള്ള രാ​ജ്യ​ങ്ങ​ളി​ൽ​നി​ന്നാ​ണ് കൂ​ടു​ത​ൽ സ​ന്ദ​ർ​ശ​ക​രെ​ത്തി​യ​ത്. 56 ശ​ത​മാ​നം പേ​രും വി​മാ​ന​മാ​ർ​ഗം ഖ​ത്ത​റി​ലെ​ത്തി​യ​പ്പോ​ൾ 37 ശ​ത​മാ​നം സ​ന്ദ​ർ​ശ​ക​ർ ക​ര​മാ​ർ​ഗ​വും ഏ​ഴ് ശ​ത​മാ​നം പേ​ർ ക​ട​ൽ​മാ​ർ​ഗ​വും ഖ​ത്ത​റി​ലെ​ത്തി. വ​ർ​ഷം മു​ഴു​വ​നും സ​ന്ദ​ർ​ശ​ക​രു​ടെ എ​ണ്ണ​ത്തി​ൽ വ​ർ​ധ​ന രേ​ഖ​പ്പെ​ടു​ത്തി​യ​തോ​ടൊ​പ്പം 2024ന്റെ ​തു​ട​ക്ക​ത്തി​ലും അ​വ​സാ​ന​ത്തി​ലും സ​ന്ദ​ർ​ശ​ക​രു​ടെ എ​ണ്ണം കു​ത്ത​നെ വ​ർ​ധി​ച്ചു.

നേ​ട്ട​ത്തി​ന​പ്പു​റം ഓ​രോ സ​ന്ദ​ർ​ശ​ക​ർ​ക്കും എ​ല്ലാ ടൂ​റി​സം കേ​ന്ദ്ര​ങ്ങ​ളി​ലും അ​തു​ല്യ​മാ​യ അ​നു​ഭ​വ​ങ്ങ​ളും സേ​വ​ന മി​ക​വും വാ​ഗ്ദാ​നം ചെ​യ്യാ​ൻ സാ​ധി​ക്കു​ന്ന​താ​യി ഖ​ത്ത​ർ ടൂ​റി​സം ചെ​യ​ർ​മാ​ൻ കൂ​ട്ടി​ച്ചേ​ർ​ത്തു. 2022നും 2030​നും ഇ​ട​യി​ൽ സ​ന്ദ​ർ​ശ​ക​രു​ടെ എ​ണ്ണം ഏ​ക​ദേ​ശം മൂ​ന്നി​ര​ട്ടി​യാ​ക്കാ​നാ​ണ് ല​ക്ഷ്യ​മി​ടു​ന്ന​തെ​ന്നും ജി.​ഡി.​പി​യി​ലെ ടൂ​റി​സം സം​ഭാ​വ​ന 10 -12 ശ​ത​മാ​ന​മാ​യി ഉ​യ​ർ​ത്തു​മെ​ന്നും അ​ദ്ദേ​ഹം ചൂ​ണ്ടി​ക്കാ​ട്ടി.

ഏ​ഷ്യ​ൻ കി​രീ​ട​ത്തി​ൽ ഖ​ത്ത​ർ

ലോ​ക​ക​പ്പ് ഫു​ട്ബാ​ൾ കൊ​ടി​യി​റ​ങ്ങി​യ ശേ​ഷം ഖ​ത്ത​ർ ഏ​റെ ആ​ഘോ​ഷ​മാ​ക്കി​യ മേ​ള​യാ​യി​രു​ന്നു ഈ ​വ​ർ​ഷം ജ​നു​വ​രി -ഫെ​ബ്രു​വ​രി​യി​ലാ​യി ന​ട​ന്ന ഏ​ഷ്യ​ൻ ക​പ്പ് ഫു​ട്ബാ​ൾ. ലോ​ക​ക​പ്പി​ന് വേ​ദി​യാ​യ ഏ​ഴ് സ്റ്റേ​ഡി​യ​ങ്ങ​ൾ ഉ​ൾ​പ്പെ​ടെ ഒ​മ്പ​തി​ട​ങ്ങ​ളി​ൽ ന​ട​ന്ന ക​ളി​പ്പൂ​രം. ആ​രാ​ധ​ക പ​ങ്കാ​ളി​ത്ത​വും സം​ഘാ​ട​ന മി​ക​വും​കൊ​ണ്ട് ശ്ര​ദ്ധേ​യ​മാ​യ ടൂ​ർ​ണ​മെ​ന്റ് ലോ​ക​ക​പ്പി​ന്റെ ആ​ര​വ​ങ്ങ​ൾ അ​തേ മാ​റ്റോ​ടെ തി​രി​കെ​യെ​ത്തി​ച്ചു. 15 ല​ക്ഷം കാ​ണി​ക​ൾ എ​ന്ന മി​ക​വു​മാ​യി വ​ൻ​ക​ര​യു​ടെ പോ​രാ​ട്ട​ത്തി​ൽ സ​ർ​വ​കാ​ല റെ​ക്കോ​ഡ് കു​റി​ച്ചു.

ടൂ​ർ​ണ​മെ​ന്റി​ന്റെ ക​ലാ​ശ​പ്പോ​രാ​ട്ട​ത്തി​ൽ ​ജോ​ർ​ഡ​നെ 3 -1ന് ​വീ​ഴ്ത്തി ഖ​ത്ത​ർ കി​രീ​ട​വു​മ​ണി​ഞ്ഞു. തു​ട​ർ​ച്ച​യാ​യി ര​ണ്ടാം ത​വ​ണ​യാ​യി​രു​ന്നു ഖ​ത്ത​റി​ന്റെ കി​രീ​ട​നേ​ട്ടം. അ​ക്റം അ​ഫീ​ഫ് എ​ട്ട് ഗോ​ളു​ക​ളു​മാ​യി ടൂ​ർ​ണ​മെ​ന്റി​ലെ ടോ​പ് സ്കോ​റ​റാ​യി. സീ​സ​ണി​ലെ മി​ന്നും പ്ര​ക​ട​ന​ത്തി​നു​ള്ള അം​ഗീ​കാ​ര​മാ​യി അ​ക്റം അ​ഫീ​ഫ് മി​ക​ച്ച ഏ​ഷ്യ​ൻ താ​ര​ത്തി​നു​ള്ള പു​ര​സ്കാ​ര​വും നേ​ടി. നാ​യ​ക​ൻ ഹ​സ​ൻ അ​​ൽ ഹൈ​ദോ​സി​ന്റെ റി​ട്ട​യ​ർ​മെ​ന്റും ലോ​ക​ക​പ്പ് യോ​ഗ്യ​ത റൗ​ണ്ടി​ൽ ടീ​മി​ന്റെ തി​രി​ച്ച​ടി​ക​ളും ഈ ​വ​ർ​ഷ​ത്തി​ലെ​ത്ത​ന്നെ ഫു​ട്ബാ​ൾ വി​ശേ​ഷ​ങ്ങ​ളാ​ണ്.

ഒ​ളി​മ്പി​ക്സാ​യി​രു​ന്നു ഖ​ത്ത​ർ മാ​റ്റു​ര​ച്ച മ​റ്റൊ​രു ലോ​ക കാ​യി​ക ഇ​നം. എ​ന്നാ​ൽ, 2020 ടോ​ക്യോ ഒ​ളി​മ്പി​ക്സി​ൽ ര​ണ്ട് സ്വ​ർ​ണ​വും ഒ​രു വെ​ങ്ക​ല​വു​മാ​യി മി​ക​ച്ച പ്ര​ക​ട​നം ന​ട​ത്തി​യ ഖ​ത്ത​റി​ന് പ​ക്ഷേ, 2024 പാ​രി​സ് ഒ​ളി​മ്പി​ക്സ് തി​രി​ച്ച​ടി​ക​ളു​ടേ​താ​യി. ബ​ർ​ശി​മി​ന്റെ ​വെ​ങ്ക​ല​ത്തി​ൽ മാ​ത്ര​മൊ​തു​ങ്ങി​യ​വ​ർ 84ാം സ്ഥാ​ന​ക്കാ​രാ​യി മ​ട​ങ്ങി.

ഏ​പ്രി​ൽ, മേ​യ് മാ​സ​ങ്ങ​ളി​ലാ​യി ന​ട​ന്ന അ​ണ്ട​ർ 23 ഏ​ഷ്യ​ൻ ക​പ്പ്, ഫെ​ബ്രു​വ​രി​യി​ൽ വേ​ൾ​ഡ് അ​ക്വാ​ട്ടി​ക്സ് ചാ​മ്പ്യ​ൻ​ഷി​പ്, ഡി​സം​ബ​റി​ൽ ഫി​ഫ ഇ​ന്റ​ർ​കോ​ണ്ടി​നെ​ന്റ​ൽ ക​പ്പ്, ബാ​ഴ്സ​ലോ​ണ -റ​യ​ൽ മ​ഡ്രി​ഡ് ലെ​ജ​ൻ​ഡ്സ് എ​ൽ​ക്ലാ​സി​കോ, ആ​ർ​ടി​സ്റ്റി​ക്സ് ജിം​നാ​സ്റ്റി​ക്സ് വേ​ൾ​ഡ് ക​പ്പ്, ഷൂ​ട്ടി​ങ് ഒ​ളി​മ്പി​ക് ക്വാ​ളി​ഫ​യി​ങ്, ദോ​ഹ ഡ​യ​മ​ണ്ട് ലീ​ഗ്, ഫി​ബ ഏ​ഷ്യ​ൻ​ക​പ്പ് ​ക്വാ​ളി​ഫ​യ​ർ, ഫോ​ർ​മു​ല വ​ൺ ഖ​ത്ത​ർ ഗ്രാ​ൻ​ഡ്പ്രീ ഉ​ൾ​പ്പെ​ടെ അ​ന്താ​രാ​ഷ്ട്ര കാ​യി​ക മ​ത്സ​ര​ങ്ങ​ൾ​ക്കും ഖ​ത്ത​ർ വേ​ദി​യൊ​രു​ക്കി.

മോ​ദി​യു​ടെ ഖ​ത്ത​ർ സ​ന്ദ​ർ​ശ​നം

ഇ​ന്ത്യ -ഖ​ത്ത​ർ സൗ​ഹൃ​ദ​ത്തി​ൽ പ്ര​ധാ​ന​മാ​യി​രു​ന്നു ഇ​ന്ത്യ​ൻ പ്ര​ധാ​ന​മ​ന്ത്രി ന​രേ​ന്ദ്ര മോ​ദി​യു​ടെ ദോ​ഹ സ​ന്ദ​ർ​ശ​നം. 2016 ജൂ​ണി​ലെ സ​ന്ദ​ർ​ശ​ന​ത്തി​നു ശേ​ഷം ആ​ദ്യ​മാ​യാ​ണ് ഇ​ന്ത്യ​ൻ പ്ര​ധാ​ന​മ​ന്ത്രി ഖ​ത്ത​റി​ലെ​ത്തി​യ​ത്.

അ​മീ​ർ ശൈ​ഖ് ത​മീം ബി​ൻ ഹ​മ​ദ് ആ​ൽ ഥാ​നി, പ്ര​ധാ​ന​മ​ന്ത്രി​യും വി​ദേ​ശ​കാ​ര്യ മ​ന്ത്രി​യു​മാ​യ ശൈ​ഖ് മു​ഹ​മ്മ​ദ് ബി​ൻ അ​ബ്ദു​ർ​റ​ഹ്മാ​ൻ ആ​ൽ ഥാ​നി എ​ന്നി​വ​രു​മാ​യി പ്ര​ധാ​ന​മ​ന്ത്രി കൂ​ടി​ക്കാ​ഴ്ച ന​ട​ത്തി. വി​ദേ​ശ​കാ​ര്യ​മ​ന്ത്രി ഡോ. ​എ​സ്. ജ​യ്ശ​ങ്ക​ർ, രാ​ജ്യ​വ​ർ​ധ​ൻ സി​ങ് രാ​ത്തോ​ഡ് ഉ​ൾ​പ്പെ​ടെ വി​വി​ധ മ​ന്ത്രി​മാ​രും ഈ ​വ​ർ​ഷം ഖ​ത്ത​ർ സ​ന്ദ​ർ​ശ​ന​ങ്ങ​ൾ ന​ട​ത്തി.

ഇ​ന്ത്യ-​ഖ​ത്ത​ർ ഊ​ർ​ജ വി​ത​ര​ണം

• ഇ​ന്ത്യ​യും ഖ​ത്ത​റും ത​മ്മി​ൽ ഊ​ർ​ജ വി​ത​ര​ണ ക​രാ​റി​ലും ഫെ​ബ്രു​വ​രി​യി​ൽ ഒ​പ്പു​വെ​ച്ചു.
• പ്ര​തി​വ​ർ​ഷം 75 ല​ക്ഷം ട​ൺ വീ​തം 20 വ​ർ​ഷ​ത്തേ​ക്കാ​ണ് ഖ​ത്ത​ർ എ​ന​ർ​ജി​യും പെ​ട്രോ​നെ​റ്റും ത​മ്മി​ൽ ക​രാ​ർ ഒ​പ്പു​വെ​ച്ച​ത്.
• 2028ൽ ​പു​തി​യ ക​രാ​ർ പ്രാ​ബ​ല്യ​ത്തി​ൽ വ​രും.

ആ​ഘോ​ഷ​ങ്ങ​ളു​ടെ​യും കാ​ലം

പു​തു​വ​ർ​ഷ​പ്പി​റ​വി മു​ത​ൽ സ​മാ​പ​നം വ​രെ ആ​ഘോ​ഷ​ങ്ങ​​​ൾ​ത​ന്നെ​യെ​ത്തി. ലു​സൈ​ലി​ലെ പു​തു​വ​ർ​ഷ​പ്പി​റ​വി​യി​ലെ വെ​ടി​ക്കെ​ട്ടോ​ടെ​യാ​യി​രു​ന്നു വി​നോ​ദ​ങ്ങ​ളു​ടെ തു​ട​ക്കം. അ​ൽ​ബി​ദ പാ​ർ​ക്ക് വേ​ദി​യാ​യ ഖ​ത്ത​ർ ഇ​ന്റ​ർ​നാ​ഷ​ന​ൽ ഫു​ഡ് ഫെ​സ്റ്റി​വ​ലി​ൽ 2.66 ല​ക്ഷം പേ​രെ​ത്തി. 2023 ഒ​ക്ടോ​ബ​റി​ൽ തു​ട​ങ്ങി 2024 മാ​ർ​ച്ച് 28 വ​രെ നീ​ളു​ന്ന അ​ന്താ​രാ​ഷ്ട്ര ഹോ​ർ​ട്ടി​ക​ൾ​ച​റ​ൽ എ​ക്സ്​​പോ (ദോ​ഹ എ​ക്സ്​​പോ) നാ​ഴി​ക​ക്ക​ല്ലാ​യി മാ​റി. 42.30 ല​ക്ഷം സ​ന്ദ​ർ​ശ​ക​രാ​യി​രു​ന്നു ആ​റു മാ​സം നീ​ണ്ട മേ​ള​യി​ൽ പ​​ങ്കെ​ടു​ത്ത​ത്.

ഖ​ത്ത​ർ ടോ​യ് ഫെ​സ്റ്റി​വ​ൽ, ഗ​സ്സ​ക്ക് പി​ന്തു​ണ​യു​മാ​യി സെ​പ്റ്റം​ബ​റി​ൽ മു​ശൈ​രി​ബി​ൽ ന​ട​ന്ന ‘ഇ​കോ​സ് ഓ​ഫ് ലോ​സ്റ്റ് ഇ​ന്ന​സെ​ൻ​സ്’ പ്ര​ദ​ർ​ശ​നം, അ​ജ് യാ​ൽ ച​ല​ച്ചി​ത്ര പ്ര​ദ​ർ​ശ​നം, ഖ​ത്ത​ർ ദേ​ശീ​യ ദി​നാ​ഘോ​ഷ​ങ്ങ​ൾ, ക​താ​റ​യി​ലെ വി​വി​ധ വി​നോ​ദ പ​രി​പാ​ടി​ക​ൾ, ഏ​ഷ്യ​ൻ ക​പ്പി​ന്റെ ഭാ​ഗ​മാ​യി ലു​സൈ​ൽ ബൊ​ളെ​വാ​ഡി​ലെ ‘ഹെ​ലോ ഏ​ഷ്യ’, ഖ​ത്ത​ർ -മൊ​റോ​കോ ഇ​യ​ർ ഓ​ഫ് ക​ൾ​ച​ർ എ​ന്നി​വ പ്ര​ധാ​ന വി​നോ​ദ മേ​ള​ക​ളാ​യി​രു​ന്നു.

ഖ​ത്ത​റി​ന്റെ ഭ​ര​ണ​ഘ​ട​ന ഭേ​ദ​ഗ​തി​യി​ൽ പൗ​ര​ന്മാ​ർ പൂ​ർ​ണ​സ​മ്മ​തം ന​ൽ​കി​ക്കൊ​ണ്ടു​ള്ള ഹി​ത​പ​രി​ശോ​ധ​ന ഈ ​വ​ർ​ഷ​ത്തെ മ​റ്റൊ​രു വി​ശേ​ഷ​മാ​യി​രു​ന്നു. ന​വം​ബ​റി​ൽ ന​ട​ന്ന ഹി​ത​പ​രി​ശോ​ധ​ന​യി​ൽ 90.60 ശ​ത​മാ​നം പേ​ർ ഭ​ര​ണ​ഘ​ട​ന ഭേ​ദ​ഗ​തി അം​ഗീ​ക​രി​ച്ചു​കൊ​ണ്ട് വോ​ട്ട് രേ​ഖ​പ്പെ​ടു​ത്തി. രാ​ജ്യ​ത്തി​ന​ക​ത്ത് വി​പു​ല​മാ​യ സം​വി​ധാ​ന​ങ്ങ​ളൊ​രു​ക്കി​യാ​യി​രു​ന്നു വോ​ട്ടെ​ടു​പ്പ്. രാ​ജ്യ​ത്തി​നു പു​റ​ത്തു​നി​ന്ന് പൗ​ര​ന്മാ​ർ​ക്ക് ഓ​ൺ​ലൈ​ൻ വ​ഴി​യും വോ​ട്ടു​ചെ​യ്യാ​നു​ള്ള സം​വി​ധാ​ന​ങ്ങ​ൾ ത​യാ​റാ​ക്കി.

തൊ​ഴി​ൽ സ്വ​ദേ​ശി​വ​ത്ക​ര​ണ​വു​മാ​യി മു​ന്നോ​ട്ട്

സ്വ​കാ​ര്യ മേ​ഖ​ല​ക​ളി​ലെ തൊ​ഴി​ൽ സ്വ​ദേ​ശി​വ​ത്ക​ര​ണ ന​ട​പ​ടി​ക​ൾ ദ്രു​ത​ഗ​തി​യി​ലാ​ക്കി​യി​രി​ക്കു​ന്നു ഖ​ത്ത​ർ. സ്വ​ദേ​ശി​വ​ത്ക​ര​ണം ന​ട​പ്പാ​ക്കു​ന്ന​ത് സം​ബ​ന്ധി​ച്ച അ​മീ​റി​ന്റെ നി​ർ​ദേ​ശം ഒ​ക്ടോ​ബ​ർ 19ഓ​ടെ ഔ​ദ്യോ​ഗി​ക ഗ​സ​റ്റി​ൽ പ്ര​സി​ദ്ധീ​ക​രി​ച്ചു. ഈ ​ദി​വ​സം മു​ത​ൽ ആ​റു മാ​സ​മാ​ണ് നി​യ​മം ന​ട​പ്പാ​ക്കാ​നു​ള്ള സ​മ​യ​പ​രി​ധി. ഉ​ൽ​പാ​ദ​ന വ്യ​വ​സാ​യം, ലോ​ജി​സ്റ്റി​ക്‌​സ്, ടൂ​റി​സം, ഐ.​ടി, ധ​ന​കാ​ര്യം, വി​ദ്യാ​ഭ്യാ​സം, കൃ​ഷി, ആ​രോ​ഗ്യ സം​ര​ക്ഷ​ണം എ​ന്നി​വ ഉ​ൾ​പ്പെ​ടെ എ​ട്ടു മേ​ഖ​ല​ക​ളി​ലാ​ണ് ആ​ദ്യ ഘ​ട്ട​ത്തി​ൽ സ്വ​ദേ​ശി​വ​ത്ക​ര​ണം ന​ട​പ്പാ​ക്കു​ന്ന​ത്. വി​ജ​യ​ക​ര​മാ​യി ല​ക്ഷ്യം കാ​ണു​ന്ന​തി​ന് വി​വി​ധ പ​ദ്ധ​തി​ക​ളും അ​ധി​കൃ​ത​ർ ന​ട​പ്പാ​ക്കു​ന്നു​ണ്ട്.