സഫാരി ഹൈപ്പർമാർക്കറ്റിലെ ‘വിൻ സിക്സ് കെ.ജി ഗോൾഡ്’ പ്രമോഷനിലെ രണ്ടാം ഘട്ട
നറുക്കെടുപ്പ് വാണിജ്യ വകുപ്പ് ഉദ്യോഗസ്ഥരുടെ സാന്നിധ്യത്തിൽ നടന്നപ്പോൾ
ദോഹ: പ്രമുഖ ഹൈപ്പർമാർക്കറ്റ് ശൃംഖലയായ സഫാരി ഹൈപ്പർമാർക്കറ്റിന്റെ മെഗാ പ്രമോഷനായ ‘വിൻ സിക്സ് കെ.ജി ഗോൾഡ്’ രണ്ടാമത്തെ നറുക്കെടുപ്പ് സൽവാ റോഡിലെ സഫാരി ഹൈപ്പർമാർക്കറ്റിൽ നടന്നു. ഖത്തർ വാണിജ്യ വ്യവസായ മന്ത്രാലയം ഉദ്യോഗസ്ഥരും സഫാരി മാനേജ്മെന്റ് പ്രതിനിധികളും പങ്കെടുത്ത ചടങ്ങിലാണ് നറുക്കെടുപ്പ് നടന്നത്. ഒന്നാം സമ്മാന വിജയിയായ ഹുമയൂണിന് 250 ഗ്രാം സ്വർണവും രണ്ടാം സമ്മാന വിജയികളായ റാസിദ് അൻസാരി, മുഹമ്മദ് റിഷാദ്, കിസാൻ റായ് എന്നിവർക്ക് യഥാക്രമം 150 ഗ്രാം സ്വർണം വീതവും മൂന്നാം സമ്മാന വിജയികളായ ല്യാം കുമാർ ബട്ട റായ്, മുഹമ്മദ് വഹീദ് മിർസ, അനസ് കൊല്ലം കണ്ടി എന്നിവർക്ക് യഥാക്രമം 100 ഗ്രാം സ്വർണം വീതവും സമ്മാനമായി ലഭിക്കും.
2024 ഏപ്രിൽ 20 ന് അവസാനിക്കുന്ന ഷോപ് ആൻഡ് ഷൈൻ മെഗാ പ്രമോഷനിൽ സഫാരിയുടെ ഏത് ഔട്ട്ലെറ്റിൽ നിന്നും 50 റിയാലിന് പർച്ചേസ് ചെയ്യുമ്പോൾ ലഭിക്കുന്ന ഇ- റാഫിൾ കൂപ്പൺ നറുക്കെടുപ്പിലൂടെയാണ് വിജയികളെ കണ്ടെത്തുന്നത്. ഓരോ നറുക്കെടുപ്പിലും ഒരു കിലോ സ്വർണം ഏഴ് വിജയികൾക്കാണ് നൽകുന്നത്. പ്രമോഷന്റെ മൂന്നാമത്തെ നറുക്കെടുപ്പ് 2023 ഡിസംബർ മൂന്നിന് അൽഖോറിലെ സഫാരി ഹൈപ്പർമാർക്കറ്റിൽ വെച്ച് നടക്കും.
നിരവധി സമ്മാനപദ്ധതികൾ അവതരിപ്പിച്ചുകൊണ്ട് ശ്രദ്ധേയമായ സഫാരിക്ക് ഇതിനകം നിരവധി വിജയികളെ സൃഷ്ടിക്കാൻ സാധിച്ചതായി മാനേജ്മെന്റ് പ്രതിനിധികൾ പറഞ്ഞു. ഖത്തറിലെ റീട്ടെയിൽ മേഖലയിൽ തന്നെ ആദ്യമായി ഒരു മില്യൺ ഖത്തർ റിയാൽ ഒന്നാം സമ്മാനം നൽകി സഫാരി ചരിത്രം കുറിച്ചതു കൂടാതെ ഒട്ടനവധി കാഷ് പ്രൈസുകളും, സ്വർണ സമ്മാനങ്ങളും, ആഡംബര എസ്.യുവികൾ, ലാൻഡ് ക്രൂയിസർ, നിസാൻ പേട്രാൾ, ഫോർച്യൂണർ കാറുകൾ തുടങ്ങി നിരവധി വാഹനങ്ങളും സമ്മാനമായി സഫാരി നൽകിയിട്ടുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.