കെ.എം.സി.സി സംസ്ഥാന കായിക വിഭാഗം സംഘടിപ്പിച്ച ക്രിക്കറ്റ് മത്സരത്തിലെ ജേതാക്കൾ ട്രോഫിയുമായി
ദോഹ: കെ.എം.സി.സി ഖത്തർ സംസ്ഥാന കായിക വിഭാഗം സംഘടിപ്പിച്ച സ്‌പോർട്‌സ് ഗാല സീസൺ 2024 -25ന്റെ ഭാഗമായി നടന്ന ക്രിക്കറ്റ് ടൂർണമെന്റിന് ആവേശോജ്വല സമാപനം. അഞ്ചു ദിവസങ്ങളിലായി ഖത്തർ ഫൗണ്ടേഷൻ ക്രിക്കറ്റ് സ്റ്റേഡിയത്തിൽ വിവിധ ജി.സി.സി രാജ്യങ്ങളിൽ നിന്നുൾപ്പെടെ 14 ടീമുകൾ പങ്കെടുത്ത ടൂർണമെന്റിൽ ൈഫ്ല സിയാന അബോൺ കിരീടം നേടി. ഫൈനൽ മത്സരത്തിൽ ദോഹ റോക്കേഴ്സിനെ 13 റൺസിന് തോൽപിച്ചായിരുന്നു ജേതാക്കളായത്.
സംഘാടനവും, പങ്കാളിത്തവും കൊണ്ട് ശ്രദ്ധേയമായ ടൂർണമെന്റിൽ അന്താരാഷ്ട്ര ടെന്നിസ് ക്രിക്കറ്റ് താരങ്ങളുടെ സാന്നിധ്യവുമുണ്ടായിരുന്നു.
ടൂർണമെന്റ് വിജയികൾക്കുള്ള ട്രോഫിയും, കാഷ്‌ പ്രൈസും കെ.എം.സി.സി സംസ്ഥാന പ്രസിഡന്റ്‌ ഡോ. അബ്ദുസ്സമദ്‌, ജനറൽ സെക്രട്ടറി സലീം നാലകത്ത്‌ മറ്റു നേതാക്കളായ അബ്ദുനാസർ നാച്ചി, റസാഖ്‌ കുന്നുമ്മൽ, സിദ്ദീഖ്‌ പറമ്പൻ, അസീസ്‌ എടച്ചേരി, സവാദ്‌ വെളിയങ്കോട്‌, ടി.ടി. കുഞ്ഞമ്മദ്‌ എന്നിവർ നിർവഹിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.