റിയാദ്: നാട്ടില്‍ പോകാനുള്ള വിമാന ടിക്കറ്റുമായി മടങ്ങുന്നതിനിടെ മലയാളി റിയാദില്‍ കുഴഞ്ഞു വീണു മരിച്ചു. കണ്ണൂര്‍ മട്ടന്നൂര്‍ ശിവപുരം പടുപാറയിലെ ലാമിസ് മഹലില്‍ മായിന്‍ ഹാജി-മറിയുമ്മ ദമ്പതികളുടെ മകന്‍ കാഞ്ഞിരാണ്ടി അബൂബക്കര്‍ ഇടുമ്പ (50) ആണ് നെഞ്ചുവേദനയെ തുടര്‍ന്ന് മരിച്ചത്. തിങ്കളാഴ്ച വൈകുന്നേരം ആറിന് നാട്ടില്‍ പോകാനുള്ള ടിക്കെറ്റ് വാങ്ങി റൂമിലേക്ക് മടങ്ങുന്നതിനിടെ കുഴഞ്ഞു വീഴുകയായിരുന്നു. 25 വര്‍ഷത്തോളമായി സൗദിയില്‍ സ്വകാര്യ കമ്പനി ജീവനക്കാരനായിരുന്നു. മൂന്നു വര്‍ഷം മുമ്പാണ് നാട്ടില്‍ പോയത്. ഭാര്യ: ബദറുന്നീസ. മക്കള്‍: മഹ്റൂഫ് (ദുബൈ), മഅ്രിഫ, അജ്മല്‍, മര്‍ജാന. മരുമക്കള്‍: മര്‍സിന, ശമീര്‍. സഹോദരങ്ങള്‍: മുഹമ്മദ് ഹാജി, ഫാത്തിമ, അബ്ദുല്ല മുസ്ലിയാര്‍, ആയിഷ, ആമിന, ഹമീദ്, അലി, ഖദീജ. ശുമൈസി ആശുപത്രിയില്‍ സൂക്ഷിച്ച മൃതദേഹം നാട്ടിലേക്ക് കൊണ്ടുപോകും. കെ.എം.സി.സി പ്രവര്‍ത്തകന്‍ ഷാനവാസ് ആറളം നിയമ നടപടികള്‍ പൂര്‍ത്തിയാക്കാന്‍ രംഗത്തുണ്ട്.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.