2024 ഒ​ട്ട​ക വ​ർ​ഷം: ഒ​ട്ട​ക​വു​മാ​യി അ​ഗാ​ധ​മാ​യ പ്ര​ണ​യ​ത്തി​ലെ​ന്ന്​ ബ​ന്ദ​ർ​ അ​ൽ അ​ദ്​​വാ​നി

യാം​ബു: ‘അ​ൽ നാ​മ’ എ​ന്ന ത​​ന്റെ പ്രി​യ ഒ​ട്ട​ക​ത്തോ​ടു​ള്ള പ്ര​ണ​യം വെ​ളി​പ്പെ​ടു​ത്തി​യ ബ​ന്ദ​ർ അ​ൽ അ​ദ്​​വാ​നി എ​ന്ന ഒ​ട്ട​ക​യു​ട​മ​യു​ടെ വാ​ക്കു​ക​ൾ​ മാ​ധ്യ​മ​വാ​ർ​ത്ത​ക​ളി​ൽ നി​റ​ഞ്ഞ​താ​ണ്​ സൗ​ദി​യി​ലെ പു​തി​യ വി​ശേ​ഷം​. ഒ​ട്ട​ക​ത്തോ​ടു​ള്ള അ​ഗാ​ധ​മാ​യ പ്ര​ണ​യം പ്ര​ക​ടി​പ്പി​ക്കു​ന്ന ആ ​സൗ​ദി പൗ​ര​​ന്റെ വാ​ക്കു​ക​ൾ അ​റ​ബി​ക​ളും ഒ​ട്ട​ക​ങ്ങ​ളും ത​മ്മി​ൽ നൂ​റ്റാ​ണ്ടു​ക​ൾ​ക്കി​പ്പു​റം നീ​ളു​ന്ന ഇ​ഴ​പി​രി​യാ ബ​ന്ധ​ത്തി​ന്റെ നേ​ർ​സാ​ക്ഷ്യ​മാ​യി കൊ​ണ്ടാ​ടു​ക​യാ​ണ്​ മാ​ധ്യ​മ​ങ്ങ​ൾ.

ഒ​ട്ട​ക​വു​മാ​യു​ള്ള സ​ഹ​വാ​സ​ത്തി​​ന്റെ​യും വി​ശ്വാ​സ​ത്തി​​ന്റെ​യും പ​ര​സ്പ​ര ധാ​ര​ണ​യു​ടെ​യും ഹൃ​ദ​യ​സ്പ​ർ​ശി​യാ​യ വി​ശേ​ഷ​ങ്ങ​ളാ​ണ്​ ബ​ന്ദ​ർ പ​ങ്കു​വെ​ക്കു​ന്ന​ത്. ദി​വ​സ​വും ഏ​റെ​സ​മ​യം ത​ന്റെ ഒ​ട്ട​ക​ങ്ങ​ൾ​ക്കൊ​പ്പം ചെ​ല​വ​ഴി​ക്കു​ന്നു, അ​വ​യു​ടെ ആ​വ​ശ്യ​ങ്ങ​ൾ ഭം​ഗി​യാ​യി നി​റ​വേ​റ്റു​ന്നു. നി​ര​ന്ത​ര​മാ​യ ഈ ​അ​ടു​പ്പം ശ​ക്ത​മാ​യ വൈ​കാ​രി​ക ബ​ന്ധ​മാ​യി മാ​റി​യെ​ന്ന്​ അ​ദ്ദേ​ഹം വി​ശ​ദീ​ക​രി​ക്കു​ന്നു.

എ​ല്ലാ ദി​വ​സ​വും രാ​വി​ലെ​യും വൈ​കു​ന്നേ​ര​വും ഒ​ട്ട​ക​ങ്ങ​ൾ മേ​യു​ന്ന ഇ​ട​ങ്ങ​ളി​ലേ​ക്ക്​ താ​ൻ സ്വ​യ​മ​റി​യാ​തെ പോ​യി​പ്പോ​കു​ന്ന​താ​ണ്. അ​വ​യു​മാ​യി അ​ടു​ത്തി​ട​പ​ഴ​കാ​നും ആ​രോ​ഗ്യ​സ്ഥി​തി നി​രീ​ക്ഷി​ക്കാ​നും ആ​വ​ശ്യ​ത്തി​ന് ഭ​ക്ഷ​ണ​വും വെ​ള്ള​വും ഉ​ണ്ടെ​ന്ന് ഉ​റ​പ്പാ​ക്കാ​നും ത​ന്നി​ൽ ഒ​രു ജാ​ഗ്ര​ത സ്വ​യ​മ​റി​യാ​തെ പ്ര​വ​ർ​ത്തി​ക്കു​ന്ന പോ​ലെ. ഒ​ട്ട​ക​ങ്ങ​ളെ അ​നു​സ​രി​പ്പി​ക്കാ​ൻ ഒ​രി​ക്ക​ൽ പോ​ലും വ​ടി​യെ​ടു​ക്കേ​ണ്ടി​വ​ന്നി​ട്ടി​ല്ല.

പ​ക​രം സ്​​നേ​ഹ​വാ​ത്സ​ല്യ​ങ്ങ​ൾ നി​റ​ഞ്ഞൊ​രു ബ​ന്ധ​മാ​ണ്​ രൂ​ഢ​മൂ​ല​മാ​യി​രി​ക്കു​ന്ന​ത്. അ​ക്കൂ​ട്ട​ത്തി​ൽ ‘അ​ൽ നാ​മ’ എ​ന്ന ഒ​ട്ട​ക​വു​മാ​യു​ള്ള​ത്​ സ​വി​ശേ​ഷ​മാ​യ സൗ​ഹൃ​ദ​മാ​ണ്. പ​ര​സ്പ​ര സ്​​നേ​ഹ ബ​ഹു​മാ​ന​ങ്ങ​ളി​ലും ധാ​ര​ണ​യി​ലും അ​ധി​ഷ്ഠി​ത​മാ​ണ് ആ ​ഇ​ട​പ​ഴ​ക​ലു​ക​ൾ. ത​​ന്റെ ശ​ബ്​​ദം കേ​ട്ടാ​ലോ ത​ന്റെ സ്പ​ർ​ശ​ന​മേ​റ്റാ​ലോ ഉ​ട​ന​ടി അ​ത്​ ത​ന്നെ തി​രി​ച്ച​റി​യും.

ഉ​ട​ൻ അ​നു​കൂ​ല​മാ​യി പ്ര​തി​ക​രി​ക്കും. ത​ങ്ങ​ൾ ഇ​രു​വ​ർ​ക്കും മ​ന​സ്സി​ലാ​കു​ന്ന ഒ​രു ഭാ​ഷ രൂ​പ​പ്പെ​ട്ടി​ട്ടു​ണ്ടെ​ന്നും അ​തി​ലൂ​ടെ ഏ​റ്റ​വും ന​ല്ല രീ​തി​യി​ൽ ആ​ശ​യ​വി​നി​മ​യം ന​ട​ത്തു​ന്നു​ണ്ടെ​ന്നും ബ​ന്ദ​ർ അ​ൽ അ​ദ്​​വാ​നി കൂ​ട്ടി​ച്ചേ​ർ​ത്തു.

2024 ഒ​ട്ട​ക​വ​ർ​ഷ​മാ​യി ആ​ച​രി​ക്കു​ന്ന സൗ​ദി അ​റേ​ബ്യ​യെ സം​ബ​ന്ധി​ച്ചി​ട​ത്തോ​ളം ഒ​ട്ട​ക​വും അ​റ​ബി​ക​ളും ത​മ്മി​ലെ ബ​ന്ധ​ത്തി​​ന്റെ ഊ​ഷ്​​മ​ള​മാ​യ ഉ​ദാ​ഹ​ര​ണ​മാ​യി ബ​ന്ദ​റി​ന്റെ വാ​ക്കു​ക​ൾ ഉ​യ​ർ​ത്തി​ക്കാ​ട്ടു​ക​യാ​ണ്​ സ​മൂ​ഹ​മാ​ധ്യ​മ ഉ​പ​യോ​ക്താ​ക്ക​ൾ.

ഈ ​വ​ർ​ഷം ‘ഒ​ട്ട​ക​ങ്ങ​ളു​ടെ വ​ർ​ഷ’​മാ​യി ആ​ച​രി​ക്കാ​ൻ സൗ​ദി സാം​സ്‌​കാ​രി​ക മ​ന്ത്രാ​ല​യം നേ​ര​ത്തേ തീ​രു​മാ​നി​ച്ച​തി​ന്റെ അ​ടി​സ്ഥാ​ന​ത്തി​ൽ രാ​ജ്യ​ത്തി​​ന്റെ വി​വി​ധ ഭാ​ഗ​ങ്ങ​ളി​ൽ സാം​സ്‌​കാ​രി​ക പൈ​തൃ​ക പ​രി​പാ​ടി​ക​ളും ഒ​ട്ട​ക​ങ്ങ​ളു​ടെ മ​ഹ​ത്വം ഉ​യ​ർ​ത്തി​ക്കാ​ട്ടി​യു​ള്ള കാ​മ്പ​യി​നും സ​ജീ​വ​മാ​യി ന​ട​ക്കു​ക​യാ​ണ്. 2024നെ ​ഒ​ട്ട​ക​വ​ർ​ഷ​മാ​യി പ്ര​ഖ്യാ​പി​ച്ച​തി​ന്റെ ആ​വേ​ശം പ്ര​തി​ധ്വ​നി​ക്കു​ന്ന വി​വി​ധ പ​രി​പാ​ടി​ക​ളാ​ണ് സാം​സ്‌​കാ​രി​ക മ​ന്ത്രാ​ല​യ​ത്തി​ന്റെ കീ​ഴി​ൽ രാ​ജ്യ​ത്തെ വി​വി​ധ ഭാ​ഗ​ങ്ങ​ളി​ൽ ഇ​പ്പോ​ൾ അ​ര​ങ്ങേ​റു​ന്ന​ത്.