സൗ​ദി​യി​ൽ ശീതതരംഗം ആഞ്ഞടിക്കും; നാ​ളെ മൈനസിലേക്ക് താഴും

റി​യാ​ദ്​: സൗ​ദി അ​റേ​ബ്യ​യി​ൽ ത​ണു​പ്പ്​ ക​ടു​ക്കും. രാ​ജ്യ​ത്തി​ന്റെ പ​ല ഭാ​ഗ​ങ്ങ​ളി​ലും താ​പ​നി​ല പൂ​ജ്യ​ത്തി​ന്​ ത​ഴേ​ക്കു​പോ​കും. ശൈ​ത്യ​കാ​ല​ത്തി​​ന്റെ ആ​ദ്യ പാ​ദ​ത്തി​ൽ രാ​ജ്യ​ത്ത്​ ശൈ​ത്യ ത​രം​ഗം വീ​ശി​യ​ടി​ക്കു​മെ​ന്ന്​ കാ​ലാ​വ​സ്ഥ വ​കു​പ്പ്​ വ​ക്താ​വ് ഹു​സൈ​ൻ അ​ൽ ഖ​ഹ്താ​നി അ​റി​യി​ച്ചു.

ഞാ​യ​റാ​ഴ്ച മു​ത​ൽ ചി​ല പ്ര​ദേ​ശ​ങ്ങ​ളി​ലെ താ​പ​നി​ല മൈ​ന​സ്​ മൂ​ന്ന്​ ഡി​ഗ്രി വ​രെ താ​ഴു​മെ​ന്നും അ​ദ്ദേ​ഹം സൂ​ചി​പ്പി​ച്ചു.​ ത​ബൂ​ക്ക്, അ​ൽ​ജൗ​ഫ്, വ​ട​ക്ക​ൻ അ​തി​ർ​ത്തി, ഹാ​ഇ​ൽ, വ​ട​ക്ക​ൻ കി​ഴ​ക്ക​ൻ മേ​ഖ​ല എ​ന്നി​വി​ട​ങ്ങ​ളി​ലാ​ണ്​ ഞാ​യ​റാ​ഴ്ച മു​ത​ൽ ചൊ​വ്വാ​ഴ്ച വ​രെ ശീ​ത​ക്കാ​റ്റ​ടി​ക്കു​മെ​ന്ന്​ പ്ര​തീ​ക്ഷി​ക്കു​ന്ന​താ​യി അ​ദ്ദേ​ഹം കൂ​ട്ടി​ച്ചേ​ർ​ത്തു. ഈ ​ദി​വ​സ​ങ്ങ​ളി​ൽ കു​റ​ഞ്ഞ താ​പ​നി​ല പൂ​ജ്യം മു​ത​ൽ മൈ​ന​സ്​ മൂ​ന്ന്​ വ​രെ​യാ​യി​രി​ക്കും.

ഈ ​ത​രം​ഗ​ത്തി​​ന്റെ ആ​ഘാ​തം തി​ങ്ക​ൾ, ചൊ​വ്വ ദി​വ​സ​ങ്ങ​ളി​ൽ ഖ​സിം, റി​യാ​ദ് പ്ര​വി​ശ്യ​ക​ളി​ലേ​ക്കും കി​ഴ​ക്ക​ൻ മേ​ഖ​ല​ക​ളി​ലേ​ക്കും വ്യാ​പി​ക്കും. ഇ​വി​ട​ങ്ങ​ളി​ൽ കു​റ​ഞ്ഞ താ​പ​നി​ല അ​ഞ്ച്​ മു​ത​ൽ ര​ണ്ട് വ​രെ​ ഡി​ഗ്രി സെ​ൽ​ഷ്യ​സി​ലെ​ത്തു​മെ​ന്നും കാ​ലാ​വ​സ്ഥ വ​ക്താ​വ്​ പ​റ​ഞ്ഞു.