അൽ അഹ്സ ഒ.ഐ.സി.സി ഉമ്മൻ ചാണ്ടി അനുസ്മരണ സമ്മേളനത്തിൽ ദമ്മാം റീജനൽ ജനറൽ സെക്രട്ടറി ശിഹാബ് കായംകുളം മുഖ്യ പ്രഭാഷണം നടത്തുന്നു
അൽ അഹ്സ: ഉമ്മൻ ചാണ്ടിയുടെ ഒന്നാം ഓർമദിനത്തിൽ ഒ.ഐ.സി.സി അൽ അഹ്സ ഏരിയ കമ്മിറ്റി അനുസ്മരണ പരിപാടികൾ സംഘടിപ്പിച്ചു.
ശിഫ മെഡിക്കൽ ഹെൽത്ത് കെയറിന്റെ സഹകരണത്തോടെ നടത്തിയ മെഡിക്കൽ ക്യാമ്പ് ഒ.ഐ.സി.സി ദമ്മാം റീജ്യനൽ വൈസ് പ്രസിഡൻറ് ശാഫി കുദിർ ഉദ്ഘാടനം ചെയ്തു. ഡോ. അദീം മൻസൂർ ആരോഗ്യ ബോധവത്കരണ ക്ലാസെടുത്തു.
തുടർന്ന് പ്രവർത്തകർ ഉമ്മൻ ചാണ്ടിയുടെ ഛായാചിത്രത്തിൽ പുഷ്പാർച്ചന നടത്തി. സർവ മത പ്രാർഥനക്ക് ലിജു വർഗീസ്, മുരളീധരൻ പിള്ള, ഷെസാ ഫൈസൽ എന്നിവർ നേതൃത്വം നൽകി. ശിഫ മെഡിക്സ് ഓഡിറ്റോറിയത്തിൽ റുക്സാന റഷീദിന്റെ ഈശ്വര പ്രാർഥനയോടെ തുടങ്ങിയ അനുസ്മരണ സമ്മേളനത്തിൽ ആക്ടിങ് പ്രസിഡൻറ് അർശദ് ദേശമംഗലം അധ്യക്ഷത വഹിച്ചു. റീജനൽ ആക്ടിങ് പ്രസിഡൻറ് ശംസു കൊല്ലം ഉദ്ഘാടനം ചെയ്തു.
ദമ്മാം ഒ.ഐ.സി.സി ജനറൽ സെക്രട്ടറി ശിഹാബ് കായംകുളം അനുസ്മരണ പ്രഭാഷണം നടത്തി. റീജനൽ കമ്മിറ്റി ട്രഷറർ പ്രമോദ് പൂപ്പാല, ജനറൽ സെക്രട്ടറി സക്കീർ പറമ്പിൽ, വൈസ് പ്രസിഡൻറ് ശാഫി കുദിൻ, സൗദി നാഷനൽ കമ്മിറ്റി മെമ്പർ പ്രസാദ് കരുനാഗപ്പള്ളി, കെ.എം.സി.സി കിഴക്കൻ പ്രവിശ്യ ട്രഷറർ അഷ്റഫ് ഗസാൽ എന്നിപർ സംസാരിച്ചു. റഫീഖ് വയനാട്, നവാസ് കൊല്ലം, ഹഫ്സൽ മേലേതിൽ, ഷാനി ഓമശ്ശേരി, ലിജു വർഗീസ്, നൗഷാദ് താനൂർ, സിജൊ രാമപുരം, ജിബിൻ മാത്യു, സലീം പോത്തംകോട്, രമണൻ ജാഫർ, വി.പി. സെബാസ്റ്റ്യൻ, അനീഷ് സനാഇയ്യ, ഹമീദ് പൊന്നാനി, അൻസിൽ ആലപ്പി, മുരളീധരൻ പിള്ള, ദിവാകരൻ കാഞ്ഞങ്ങാട്, സജീം കുമ്മിൾ, ഫാറൂഖ് വാച്ചാക്കൽ, ജിതേഷ് ദിവാകരൻ എന്നിവർ വിവിധ പരിപാടികൾക്ക് നേതൃത്വം നൽകി. ഒ.ഐ.സി.സി വനിതാ വേദി പ്രവർത്തകരായ അമീറ സജീം, റുക്സാന റഷീദ് എന്നിവരുടെ നേതൃത്വത്തിൽ ദേശീയ ഗാനാലാപനത്തോടെയാണ് പരിപാടികൾക്ക് സമാപനമായത്
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.