ഖമീസ് മുശൈത്തിൽ ടീം അമിഗോസും ബാം എന്റർടൈൻമെന്റ് കമ്പനിയും ചേർന്നൊരുക്കുന്ന 'ആരവം രണ്ട്' മെഗാഷോയുടെ കൂപ്പൺ മുജീബ് എള്ളുവിള, ഷാജഹാന് നൽകി പ്രകാശനം ചെയ്യുന്നു
അബഹ: ടീം അമിഗോസ് ഖമീസ് ഒന്നാം വാർഷികത്തോടനുബന്ധിച്ച് ഓണദിനാഘോഷം ടീം അമിഗോസും ബാം എന്റർടൈമന്റ് കമ്പനിയും ചേർന്ന് അണിയിച്ചൊരുക്കുന്നു. 'ആരവം രണ്ട്' എന്ന പേരിൽ നടക്കുന്ന മ്യൂസിക്കൽ മെഗാ ഷോയിൽ വിവിധ കലാകാരന്മാർ അണിനിരക്കുമെന്ന് സംഘാടകർ പറഞ്ഞു. നാട്ടിൽ നിന്നുള്ള ഗായകരായ അൻവർ സാദത്ത്, ദുർഗ വിശ്വനാഥും ടീമും അവതരിപ്പിക്കുന്ന മ്യൂസിക്ക് മെഗാ ഷോയും കൂടാതെ വിവിധ കലാപരിപാടികളും ഇതോടനുബന്ധിച്ച് നടക്കും. പരിപാടിയുടെ പ്രവേശന ടിക്കറ്റ് വിതരണവും കൂപ്പൻ പ്രകാശനവും ലോഗോ പ്രകാശനവും ഖമീസ് മുശൈത്തിൽ സംഘടിപ്പിച്ചു. ജൂബിലി ഓഡിറ്റോറിയത്തിൽ നടന്ന പരിപാടി പ്രോഗ്രാം കമ്മിറ്റി ചെയർമാൻ മുനീർ ചക്കുവള്ളി ഉദ്ഘാടനം ചെയ്തു.
പ്രോഗ്രാം കൺവീനർ ഇംതിയാസ് പത്തനംതിട്ട അധ്യക്ഷത വഹിച്ചു. കൂപ്പൺ വിതരണം ഗൾഫ് മാധ്യമം, മീഡിയവൺ അസീർ റിപ്പോർട്ടർ മുജീബ് എള്ളുവിളയിൽ നിന്ന് അമിഗോസ് അബഹ മേഖല പ്രതിനിധി ഷാജഹാൻ ഏറ്റുവാങ്ങി. പ്രോഗ്രാം രക്ഷാധികാരി പ്രിയേഷ് സ്വാഗതവും ട്രഷറർ ഹാരിസ് നന്ദിയും പറഞ്ഞു.
സുധീഷ്, ഷിനാസ്, അൻഷാദ്, ഷാഫി, അനീഷ്, സച്ചു, ജോമോൻ തുടങ്ങിയവർ നേതൃത്വം നൽകി.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.