‘എ.​ആ​ർ.​എം’ എ​​ന്‍റെ ക​രി​യ​റി​ലെ വ​ള​രെ പ്ര​ത്യേ​ക​ത​ക​ളു​ള്ള സി​നി​മ -ടൊ​വീ​നോ

റി​യാ​ദ്​: എ​​ന്‍റെ ക​രി​യ​റി​ലെ വ​ള​രെ പ്ര​ത്യേ​ക​ത​ക​ളു​ള്ള സി​നി​മ​യാ​ണ്​ ‘എ.​ആ​ർ.​എം’ (അ​ജ​യ​​ന്‍റെ ര​ണ്ടാം മോ​ഷ​ണം) എ​ന്ന്​ ന​ട​ൻ ടൊ​വീ​നോ തോ​മ​സ്. ഇ​തൊ​രു ബി​ഗ്​ ബ​ജ​റ്റ്​ സി​നി​മ​യാ​ണ്. എ​ന്നാ​ൽ, മ​ല​യാ​ള സി​നി​മ​യി​ൽ ഇ​തി​നേ​ക്കാ​ൾ നാ​ലി​ര​ട്ടി അ​ഞ്ചി​ര​ട്ടി ബ​ജ​റ്റി​ൽ സി​നി​മ​ക​ൾ വേ​റെ​യു​ണ്ടാ​യി​ട്ടു​ണ്ട്. എ​ന്നാ​ൽ, എ​​ന്‍റെ ക​രി​യ​റി​ൽ ഞാ​ന​ങ്ങ​നെ ചെ​യ്​​തി​ട്ടു​ള്ള സി​നി​മ​ക​ളി​ൽ ഒ​രു​പ​ക്ഷേ ഏ​റ്റ​വും വ​ലി​യ കാ​ൻ​വാ​സ്​ ഫീ​ൽ ചെ​യ്യി​പ്പി​ക്കു​ന്ന സി​നി​മ​യാ​യി​രി​ക്കു​മി​ത്. ബ​ജ​റ്റ്​ വെ​ച്ച​ല്ല പ​റ​യു​ന്ന​ത്.

ബ​ജ​റ്റ്​ ഉ​പ​യോ​ഗ​പ്പെ​ടു​ത്തി​യി​രി​ക്കു​ന്ന രീ​തി​വെ​ച്ചാ​ണ്​ പ​റ​യു​ന്ന​ത്. കാ​ൻ​വാ​സ്​ വ​ലു​താ​ണ്. ത്രീ​ഡി സി​നി​മ​യാ​ണ്. അ​ങ്ങ​നെ​യൊ​രു​പാ​ട്​ പ്ര​ത്യേ​ക​ത​ക​ൾ എ​ന്നെ സം​ബ​ന്ധി​ച്ചി​ട​ത്തോ​ളം ഈ ​സി​നി​മ​യി​ലു​ണ്ട്. എ​​ന്‍റെ ക​രി​യ​റി​ലെ ആ​ദ്യ​ത്തെ ത്രീ​ഡി സി​നി​മ​യാ​ണ്. മൂ​ന്ന്​ റോ​ൾ കൈ​കാ​ര്യം ചെ​യ്യു​ന്നു. മൂ​ന്ന്​ കാ​ല​ഘ​ട്ടം. മൂ​ന്ന്​ നാ​യി​ക​മാ​ർ. മൂ​ന്ന്​ ക​ഥ​ക​ൾ. 1700 ക​ളി​ൽ ആ​രം​ഭി​ച്ച്​ 1990ൽ ​അ​വ​സാ​നി​ക്കും വി​ധ​മു​ള്ള ക​ഥ​യാ​ണ്. ച​രി​ത്ര സി​നി​മ​യ​ല്ല. പൂ​ർ​ണ​മാ​യും ഫി​ക്ഷ​ണ​ലാ​ണ്​. സി​നി​മ​യി​ലോ സാ​ഹി​ത്യ​ത്തി​ലോ ഉ​പ​യോ​ഗ​പ്പെ​ടു​ത്താ​ത്ത കു​റേ മി​ത്തു​ക​ൾ വ​ട​ക്ക​ൻ കേ​ര​ള​ത്തി​ലു​ണ്ട്.

അ​ങ്ങ​നെ​യൊ​രെ​ണ്ണ​ത്തി​ൽ​നി​ന്ന്​ പ്ര​ചോ​ദ​നം ഉ​ൾ​ക്കൊ​ണ്ട്​ രൂ​പ​പ്പെ​ടു​ത്തി​യ ക​ഥ​യാ​ണ്. 2017ലാ​ണ്​ ഈ ​ക​ഥ ഞാ​ൻ കേ​ൾ​ക്കു​ന്ന​ത്. അ​തി​ന്​ മു​​​മ്പേ ഇ​ത്​ എ​ഴു​ത​പ്പെ​ട്ടി​ട്ടു​ണ്ടാ​വു​മ​ല്ലോ. അ​തി​നു​ശേ​ഷ​വും ഒ​രു 27 ഡ്രാ​ഫ്​​റ്റു​ക​ളോ​ളം സം​വി​ധാ​യ​ക​നും തി​ര​ക്ക​ഥാ​കൃ​ത്തും ചേ​ർ​ന്ന്​ ത​യാ​റാ​ക്കി​യി​ട്ടു​ള്ള​താ​ണ്. പ​ക്ഷേ, ഒ​രു സി​നി​മ ഇ​റ​ങ്ങു​ന്ന​തി​നു​ മു​മ്പ്​ അ​തി​നെ​ക്കു​റി​ച്ച്​ വാ ​തോ​രാ​തെ സം​സാ​രി​ച്ചി​ട്ട്​ വ​ലി​യ കാ​ര്യ​മി​ല്ലെ​ന്ന അ​ഭി​പ്രാ​യ​മാ​ണ്​ എ​നി​ക്ക്. സി​നി​മ പു​റ​ത്തു​വ​ന്ന​ശേ​ഷം പ്രേ​ക്ഷ​ക​ർ​ക്ക്​ അ​തെ​ങ്ങ​നെ അ​നു​ഭ​വ​പ്പെ​ട്ടു എ​ന്ന​റി​ഞ്ഞി​ട്ട്​ പ​റ​യു​ന്ന​താ​വും ഉ​ചി​തം.