അൽഖോബാർ കെ.എം.സി.സി ഏർപ്പെടുത്തിയ സി.എച്ച്. മുഹമ്മദ് കോയ സ്മാരക മാധ്യമ പുരസ്കാരം സുബൈർ ഉദിനൂർ ഏറ്റുവാങ്ങുന്നു
അൽഖോബാർ: അൽഖോബാർ കെ.എം.സി.സി കേന്ദ്രകമ്മിറ്റി ഏർപ്പെടുത്തിയ സി.എച്ച്. മുഹമ്മദ് കോയ സ്മാരക മാധ്യമപുരസ്കാരം 24 സൗദി ന്യൂസിനു വേണ്ടി ദമ്മാം ബ്യൂറോ ചീഫ് സുബൈർ ഉദിനൂർ ഏറ്റുവാങ്ങി.മാർച്ച് മുതൽ കോവിഡ് പ്രതിസന്ധി രൂക്ഷമായ ഘട്ടത്തിൽ കൃത്യമായ മാധ്യമ ഇടപെടലുകൾ നടത്തിയതിന് കെ.എം.സി.സി കേന്ദ്ര കമ്മിറ്റി ഏർപ്പെടുത്തിയ പുരസ്കാരമാണ് സി.എച്ച്. മുഹമ്മദ് കോയ അനുസ്മരണ ദിനത്തോടനുബന്ധിച്ച് സമ്മാനിച്ചത്. മുഹമ്മദ് കുട്ടി കോഡൂർ, ആലിക്കുട്ടി ഒളവട്ടൂർ, നജീബ് എരഞ്ഞിക്കൽ, അബ്ദുൽ മജീദ് കൊടുവള്ളി എന്നിവർ ജൂറി അംഗങ്ങളായിരുന്നു.
മുഹമ്മദ് കുട്ടി കോഡൂർ പുരസ്കാര സമർപ്പണ സമ്മേളനം ഉദ്ഘാടനം ചെയ്തു. പ്രസിഡൻറ് സിദ്ദീഖ് പാണ്ടികശാല അധ്യക്ഷത വഹിച്ചു. സാജിദ് ആറാട്ടുപുഴ, മുജീബ് കളത്തിൽ, അഷ്റഫ് ആളത്ത്‌, സി. അബ്ദുൽ ഹമീദ്, സുലൈമാൻ കൂലേരി, ഖാദി മുഹമ്മദ്, മുസ്തഫ കമാൽ, സഹദ് നീലിയത്ത്‌, അബ്ദുൽ അസീസ് കത്തറമ്മൽ, സലാം ഹാജി കുറ്റിക്കാട്ടൂർ, ഹമീദ് വടകര എന്നിവർ സംസാരിച്ചു. സിറാജ് ആലുവ സ്വാഗതവും നജീബ് ചീക്കിലോട് നന്ദിയും പറഞ്ഞു. ഇഖ്ബാൽ ആനമങ്ങാട്, മൊയ്തുണ്ണി പാലപ്പെട്ടി, ഹബീബ് പൊയിൽ തൊടി, ഷറഫുദ്ദീൻ കൊടുവള്ളി, ഫൈസൽ കൊടുമ, അബ്ദുൽ നാസർ ദാരിമി, ലുബൈദ് ഒളവണ്ണ, റസാഖ് ബാബു ഓമാനൂർ, മുഹമ്മദ് പുതുക്കുടി, മഹ്ഷൂക്ക് റഹ്മാൻ ചേലേമ്പ്ര, അബ്ദുൽ മജീദ് ചുങ്കം, ജബ്ബാർ കാസർകോട്, അജ്മൽ ചേലേമ്പ്ര, സിയാർ പെരുമ്പാവൂർ, ജമാൽ കുറ്റിയാടി എന്നിവർ നേതൃത്വം നൽകി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.