കാലിക്കറ്റ് പ്രീമിയർ ലീഗ് സീസൺ രണ്ട് ലേലം വിളി ചടങ്ങ് കാക്കു ഗ്രൂപ് ചെയർമാൻ
മുബാറക് കാക്കു ഉദ്ഘാടനം ചെയ്യുന്നു
ദമ്മാം: കാലിക്കറ്റ് ക്രിക്കറ്റ് കൂട്ടായ്മ സംഘടിപ്പിക്കുന്ന കാലിക്കറ്റ് പ്രീമിയർ ലീഗ് സീസൺ രണ്ട് ഫെബ്രുവരി 29, മാർച്ച് ഒന്ന് തീയതികളിൽ ഗുഖ സ്റ്റേഡിയത്തിൽ നടക്കുമെന്ന് ഭാരവാഹികൾ അറിയിച്ചു. റോസ് ഗാർഡനിൽ നടന്ന കളിക്കാരുടെ ലേലം വിളി ചടങ്ങ് കാക്കു ഗ്രൂപ് ചെയർമാൻ മുബാറക് കാക്കു ഉദ്ഘാടനം ചെയ്തു. ജില്ലയിലെ എട്ട് പ്രദേശങ്ങളിലെ എട്ട് ടീമുകളാണ് പങ്കെടുക്കുന്നത്.
വിജയികൾക്ക് 5,000 റിയാൽ കാഷ് പ്രൈസും ട്രോഫിയും റണ്ണഴ്സിന് 3,000 റിയാൽ കാഷ് പ്രൈസും ട്രോഫിയും മറ്റനേകം ട്രോഫികളും നൽകും. കാലിക്കറ്റ് ക്രിക്കറ്റ് കൂട്ടായ്മ പ്രസിഡൻറ് ഉനൈസ് ലേലം വിളി ചടങ്ങിൽ അധ്യക്ഷത വഹിച്ചു. ചെയർമാൻ അസ്‌ലം ഫറോക്ക്, സിനാജ്, കുമാർ, ഷൈജൽ, സലീം മാമ എന്നിവർ സംസാരിച്ചു. ജനറൽ സെക്രട്ടറി ജോജോ അടിവാരം സ്വാഗതവും ട്രഷറർ ഫവാസ് നന്ദിയും പറഞ്ഞു. ഡോ. ഫ്രീസിയ ഹബീബ് അവതാരകയായി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.