ഈസ്റ്റ് വെനീസ് അസോസിയേഷൻ പ്രവർത്തകർ ചാന്ദ്രദൗത്യത്തിന്റെ വിജയാഘോഷം നടത്തുന്നു
റിയാദ്: ചന്ദ്രയാന്-3 ദൗത്യത്തിന്റെ വിജയാഘോഷ നിമിഷങ്ങളിൽ റിയാദിലെ ആലപ്പുഴ കൂട്ടായ്മ ‘ഇവ’യും. എക്സിക്യൂട്ടിവ് കമ്മിറ്റി യോഗത്തിനുശേഷം കേക്ക് മുറിച്ച് വിജയം ആഘോഷിച്ചു. പ്രസിഡൻറ് ശരത് സ്വാമിനാഥൻ അധ്യക്ഷത വഹിച്ചു. ജനറൽ സെക്രട്ടറി മുഹമ്മദ് മൂസ ആമുഖപ്രസംഗം നടത്തി. ഭാരവാഹികളായ ജലീൽ ആലപ്പുഴ, ടി.എൻ.ആർ. നായർ, നിസാർ അഹമ്മദ്, നിസാർ കോലത്ത് എന്നിവർ ചേർന്നാണ് കേക്ക് മുറിച്ചത്.
ബഹിരാകാശ പര്യവേക്ഷണ ചരിത്രത്തിൽ പുതിയൊരു അധ്യായം രചിക്കുകയും ചന്ദ്രനിൽ വിജയക്കൊടി നാട്ടുകയും ചെയ്ത ഐതിഹാസിക നേട്ടത്തിൽ ഐ.എസ്.ആർ.ഒ ശാസ്ത്രജ്ഞരെ യോഗം അഭിനന്ദിച്ചു. സുരേഷ് കുമാർ ആലപ്പുഴ, ബദറുദ്ദീൻ കാസിം, നിസാർ മുസ്തഫ, ഹാഷിം ചീയാംവെളി, സിജു പീറ്റർ, ധന്യ ശരത്, ആന്റണി വിക്ടർ, ആസിഫ് ഇഖ്ബാൽ, സുദർശന കുമാർ, സാനു മാവേലിക്കര, സെബാസ്റ്റ്യൻ ചാർളി, താഹിർ കാക്കാഴം എന്നിവർ സംബന്ധിച്ചു.
വായനക്കാരുടെ അഭിപ്രായങ്ങള് അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.