ജിദ്ദയിൽ നടന്നുവരുന്ന സിഫ് ഈസ് ടീ ചാമ്പ്യൻസ് ലീഗ് ഫുട്ബാൾ ടൂർണമെന്‍റിൽ റിയൽ കേരള-സബീൻ എഫ്‌.സി മത്സരം
ജിദ്ദ: സിഫ് ഈസ് ടീ ചാമ്പ്യൻസ് ലീഗ് ഫുട്ബാൾ ടൂർണമെന്‍റിൽ എ ഡിവിഷനിൽ പരാജയമറിയാതെ ലീഗ് റൗണ്ട് പൂർത്തിയാക്കി പ്രിന്‍റക്സ് റിയൽ കേരള സെമി ഫൈനലിലെത്തി. കഴിഞ്ഞ ദിവസം നടന്ന ആവേശകരമായ മത്സരത്തിൽ ചാംസ് സബീൻ എഫ്‌.സിയെ മറുപടിയില്ലാത്ത ഒരു ഗോളിന് തോൽപിച്ചതോടെ ഒമ്പതു പോയന്‍റുമായി റിയൽ കേരള ഗ്രൂപ്പിൽ ഒന്നാം സ്ഥാനക്കാരായി. ഇതോടെ എ ഡിവിഷനിൽ നാലു ടീമുകൾക്കും അവസാന മത്സരം നിർണായകമായി. റിയൽ കേരള നായകൻ റാഫത്ത് മികച്ച കളിക്കാരനായി തിരഞ്ഞെടുക്കപ്പെട്ടു. പവർ ഹൗസ് എം.ഡി ഷാഫി അദ്ദേഹത്തിനുള്ള ട്രോഫി സമ്മാനിച്ചു. ജൂനിയർ വിഭാഗത്തിൽ ഒന്നിനെതിരെ മൂന്നു ഗോളുകൾക്ക് സ്പോർട്ടിങ് യുനൈറ്റഡ് എലൈറ്റിനെ പരാജയപ്പെടുത്തി ടാലൻറ് ടീൻസ് ഫൈനലിൽ പ്രവേശിച്ചു. ടാലൻറ് ടീൻസ് അംഗം ഫർഹാനാണ് മികച്ച കളിക്കാരൻ. ഹനീഫ മങ്കരത്തൊടി ട്രോഫി സമ്മാനിച്ചു. ബി ഡിവിഷൻ മത്സരത്തിൽ നാലു ഗോൾ ലക്ഷ്യവുമായി ഇറങ്ങിയ ജിദ്ദ എഫ്‌.സി മടക്കമില്ലാത്ത അഞ്ചു ഗോളുകൾക്ക് ഫ്രൈഡേ ഫ്രൻഡ്സ് ജിദ്ദ ജൂനിയറിനെ പരാജയപ്പെടുത്തി സെമി പ്രവേശനം ഉറപ്പാക്കി. മികച്ച കളിക്കാരനായി തിരഞ്ഞെടുക്കപ്പെട്ട മുഹമ്മദ് അലിഷാനുള്ള ട്രോഫി ഉണ്ണീൻ പുലാക്കൽ സമ്മാനിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.