റിയാദ്: മലബാര്‍ ഗോള്‍ഡ് ആൻഡ് ഡയമണ്ട്സിൽ ദീപാവലി, ധന്തേരാസ് ആഘോഷങ്ങളുടെ ഭാഗമായി പ്രത്യേക ഓഫർ പ്രഖ്യാപിച്ചു. ആഘോഷ ഭാഗമായി സൗജന്യ സ്വർണ നാണയങ്ങള്‍ സമ്മാനമായി നേടാം. 3,500 സൗദി റിയാലിന് സ്വർണാഭരണങ്ങൾ വാങ്ങുമ്പോൾ സൗജന്യ സ്വർണ നാണയങ്ങള്‍ ഉപഭോക്താക്കള്‍ക്ക് ലഭിക്കും. ഒക്ടോബർ 25 മുതൽ 29 വരെ എല്ലാ മലബാർ ഗോൾഡ് ആൻഡ് ഡയമണ്ട്സ് ഷോറൂമുകളിലും ഈ ഓഫർ ലഭ്യമാകും.
ധന്തേരാസിന്റെ ശുഭമുഹൂർത്തം അടുത്തുവരുമ്പോൾ, സ്വർണാഭരണങ്ങൾ വാങ്ങുന്നവർക്ക് ഉറപ്പായ സ്വർണനാണയം സമ്മാനിക്കുന്ന ഓഫർ ആഭരണപ്രേമികൾക്ക് ഏറെ ആകർഷകമാകും. ധന്തേരാസ് ദിനത്തില്‍ മലബാര്‍ ഗോള്‍ഡ് ആൻഡ് ഡയമണ്ട്സിന്‍റെ എല്ലാ ഷോറൂമുകളും രാവിലെ 8.30 മുതല്‍ തുറന്ന് പ്രവര്‍ത്തിക്കും.
ഈ ദിനത്തില്‍ ഉപഭോക്താക്കളുടെ ഗണ്യമായ വര്‍ദ്ധന കണക്കിലെടുത്താണിത്. ഉത്സവ സീസണിന് മുന്നോടിയായി മലബാര്‍ ഗോള്‍ഡ് ആൻഡ് ഡയമണ്ട്സ് പേ 10 ശതമാനം അഡ്വാന്‍സ് ഓഫറും അവതരിപ്പിച്ചിട്ടുണ്ട്.കഴിഞ്ഞ ആഴ്ചയിൽ വിപണി സാക്ഷ്യംവഹിച്ച സ്വർണവിലയിലെ വർധന, സുരക്ഷിതമായ ഒരു നിക്ഷേപം എന്ന നിലയിൽ സ്വർണത്തിനുള്ള സ്ഥാനത്തിന്റെ തെളിവാണെന്ന് മലബാർ ഗോൾഡ് ആൻഡ് ഡയമണ്ട്സ് ഇന്റർനാഷനൽ ഓപറേഷൻസ് മാനേജിങ് ഡയറക്ടർ ഷംലാൽ അഹമ്മദ് പറഞ്ഞു.
ധന്തേരാസ് അടുത്തുവരുമ്പോൾ, ഞങ്ങളുടെ ഉപഭോക്താക്കളിൽ പലരും സമൃദ്ധിയുടെയും ഭാഗ്യത്തിന്റെയും പ്രതീകമായ സ്വർണത്തിൽ നിക്ഷേപിക്കാൻ തിരഞ്ഞെടുക്കുന്ന സമയമാണിത്. സ്വർണാഭരണങ്ങൾ വാങ്ങുമ്പോഴും സൗജന്യ സ്വർണനാണയങ്ങൾ നൽകുന്നതിലൂടെ ഉപഭോക്താക്കളുടെ പർച്ചേസ് മൂല്യം വർധിപ്പിക്കുന്നതിനും അവരുടെ ഉത്സവ നിമിഷങ്ങളിൽ കൂടുതൽ സന്തോഷം നൽകുന്നതിനും ലക്ഷ്യമിട്ടാണ് ഈ ഓഫർ യാഥാർഥ്യമാക്കിയതെന്നും ഷംലാൽ അഹമ്മദ് വ്യക്തമാക്കി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.