പ്രവാസി വെൽഫെയർ ദമ്മാം റീജനൽ കമ്മിറ്റി ‘ഈദ് ഇമ്പം-2023’ കുടുംബ സംഗമത്തിൽ ഷബീർ ചാത്തമംഗലം സംസാരിക്കുന്നു
ദമ്മാം: പ്രവാസി വെൽഫെയർ ദമ്മാം റീജനൽ കമ്മിറ്റി ഈദ് ദിനത്തിൽ ‘ഈദ് ഇമ്പം-2023’ എന്ന പേരിൽ കുടുംബ സംഗമം സംഘടിപ്പിച്ചു. പ്രവാസി വെൽഫെയർ ദമ്മാം റീജനൽ കമ്മിറ്റി പ്രസിഡൻറ് അബ്ദുറഹീം തിരൂർക്കാട് പ്രവാസി വെൽഫെയർ പ്രവർത്തനങ്ങളെ പരിചയപ്പെടുത്തി.
ഈസ്റ്റേൺ പ്രൊവിൻസ് സെൻട്രൽ കമ്മിറ്റി പ്രസിഡൻറ് ഷബീർ ചാത്തമംഗലം സംസാരിച്ചു. വിവിധ ജില്ല കമ്മിറ്റികളിലെ കുട്ടികൾ അവതരിപ്പിച്ച കലാപരിപാടികൾ, മുഹ്സിൻ ആറ്റശ്ശേരി കുട്ടികൾക്കായി അവതരിപ്പിച്ച ഹണ്ടിങ്, സാലിഹ് അറയ്ക്കൽ വിവിധ പാട്ടുകൾ കോർത്തിണക്കി അവതരിപ്പിച്ച മ്യൂസിക് ഇൻസ്ട്രുമെന്റൽ പരിപാടിയും സദസ്സിന് നവ്യാനുഭവമായി. ജനറൽ കൺവീനർ ശരീഫ് കൊച്ചി, സിദ്ദീഖ് ആലുവ, ജംഷാദ് അലി കണ്ണൂർ, അബ്ദുല്ല സൈഫുദ്ദീൻ, ആഷിഫ് കൊല്ലം, ഹാരിസ് കൊച്ചി, ജമാൽ പയ്യന്നൂർ, അബ്ദുൽ ഖാദർ എന്നിവർ നേതൃത്വം നൽകി. റഊഫ് ചാവക്കാട് സ്വാഗതവും ജനറൽ സെക്രട്ടറി ബിജു പുതുക്കളം നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.