നാട്ടിലേക്ക് മടങ്ങുന്ന റോയ് ഇഗ്‌നേഷ്യസിനുള്ള ഉപഹാരം കേളി ഉമ്മുൽ ഹമാം യൂനിറ്റംഗങ്ങൾ ചേർന്ന് കൈമാറുന്നു
റിയാദ്: 32 വർഷത്തെ പ്രവാസം അവസാനിപ്പിച്ചു നാട്ടിലേക്ക് മടങ്ങുന്ന ഉമ്മുൽ ഹമാം ഏരിയ കമ്മിറ്റി അംഗം റോയ് ഇഗ്നേഷ്യസിന് യാത്രയയപ്പ് നൽകി. റിയാദിലെ സ്വകാര്യ ഓട്ടോമൊബൈൽ സ്പെയർ പാർട്സ് കമ്പനിയിൽ ജീവനക്കാരനായിരുന്ന റോയ് ഇഗ്‌നേഷ്യസ് ഉമ്മുൽ ഹമാം സൗത്ത് യൂനിറ്റ് പ്രസിഡൻറ്, ഏരിയ കമ്മിറ്റി അംഗം എന്നീ ചുമതലകൾ വഹിച്ചു വരികയായിരുന്നു. എറണാകുളം കാലടി സ്വദേശിയാണ്.
ഏരിയ പ്രസിഡൻറ് ബിജു ഗോപി അധ്യക്ഷത വഹിച്ചു. ഏരിയ രക്ഷാധികാരി സമിതി സെക്രട്ടറി പി.പി. ഷാജു, കേന്ദ്ര കമ്മിറ്റി അംഗവും സൈബർവിങ് ചെയർമാനുമായ സതീഷ് കുമാർ വളവിൽ, ഏരിയ ട്രഷറർ പി. സുരേഷ്, ഏരിയ രക്ഷാധികാരി സമിതി അംഗങ്ങളായ ചന്ദ്രചൂഡൻ, ഗീത ജയരാജ്, ജാഫർ സാദ്ദീഖ്, ജയരാജ്, ഏരിയ വൈസ് പ്രസിഡൻറ് അബ്ദുസ്സലാം തുടങ്ങിയവർ സംസാരിച്ചു. സെക്രട്ടറി നൗഫൽ സിദ്ദിഖും യൂനിറ്റ് സെക്രട്ടറി അബ്ദുൽ കരീമും ഉപഹാരങ്ങൾ കൈമാറി. നൗഫൽ സിദ്ദീഖ് സ്വാഗതവും റോയ് ഇഗ്‌നേഷ്യസ് നന്ദിയും പറഞ്ഞു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.