റിയാദ്: രണ്ട് പതിറ്റാണ്ടിലധികമായ പ്രവാസത്തിന് വിരാമമിട്ട് നാട്ടിലേക്ക് മടങ്ങുന്ന റിയാദ് മലപ്പുറം കൂട്ടായ്മ (റിമാൽ) വനിത വിങ് വൈസ് പ്രസിഡൻറും സാമൂഹിക പ്രവര്‍ത്തകയുമായ ഷിംന അബ്ദുല്‍ മജീദിന് റിമാൽ വനിത വിങ് യാത്രയയപ്പ് നല്‍കി. റിയാദിലെ കലാസാംസ്കാരിക മേഖലയിലും പാചകവേദികളിളും സജീവമായി രംഗത്തുണ്ടായിരുന്ന ഷിംന പ്രവാസി കുടുംബിനികൾക്കിടയിൽ പരിചിതയാണ്. പാചക വൈദഗ്ധ്യത്തിലുള്ള തെൻറ കഴിവിനായി നിരവധി അംഗീകാരങ്ങളും പുരസ്കാരങ്ങളും ഷിംനയെ തേടിയെത്തിയിട്ടുണ്ട്. ഷിംനക്കുള്ള ഒാർമഫലകം അസ്മ അബ്ദുൽ ഷുക്കൂർ, നസീബ അബ്ദുൽ സലാം എന്നിവർ ചേർന്ന് കൈമാറി.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.