ആ​ഗോ​ള അ​റ​ബി ഭാ​ഷ സ​മ്മേ​ള​നം ജി​ദ്ദ​യി​ൽ സ​മാ​പി​ച്ചു

ജി​ദ്ദ: സൗ​ദി അ​റേ​ബ്യ​ൻ ജ​ന​റ​ൽ അ​തോ​റി​റ്റി ഓ​ഫ് കോ​ൺ​ഫ​റ​ൻ​സ് ആ​ൻ​ഡ് റി​സ​ർ​ച് സം​ഘ​ടി​പ്പി​ച്ച ത്രി​ദി​ന ആ​ഗോ​ള അ​റ​ബി​ഭാ​ഷ സ​മ്മേ​ള​നം ജി​ദ്ദ​യി​ൽ റാ​ഡി​സ​ൺ ബ്ലൂ ​ക​ൺ​വെ​ൻ​ഷ​ൻ സെ​ന്റ​റി​ൽ സ​മാ​പി​ച്ചു. ലോ​ക​ത്തി​ന്റെ വി​വി​ധ ഭാ​ഗ​ങ്ങ​ളി​ൽ​നി​ന്നു​ള്ള 200ഓ​ളം അ​റ​ബി ഭാ​ഷ പ​ണ്ഡി​ത​ന്മാ​രും ഗ​വേ​ഷ​ക​രും പ​രി​ശീ​ല​ക​രും പ​ങ്കെ​ടു​ത്ത പ​രി​പാ​ടി അ​തോ​റി​റ്റി ചെ​യ​ർ​മാ​ൻ ഡോ. ​അ​ബ്​​ദു​റ​ഹ്മാ​ൻ മു​ഹ​മ്മ​ദ് അ​ൽ സ​ഹ​റാ​നി ഉ​ദ്ഘാ​ട​നം ചെ​യ്തു. ഉ​ദ്ഘാ​ട​ന സെ​ഷ​നി​ൽ ഡോ. ​സ​ൽ​മാ സു​ലൈ​മാ​ൻ, ഡോ. ​സാ​ഫി​ർ ഗു​ർ​മാ​ൻ അ​ൽ അം​റി, ഡോ. ​അ​ബ്ദു​ൽ ഖാ​ദി​ർ സ​ലാ​മി, ഡോ. ​അ​മീ​ന ബ​ഹാ​ശി​മി സം​സാ​രി​ച്ചു.

‘നി​ർ​മി​ത ബു​ദ്ധി (എ.​ഐ) ഉ​പ​യോ​ഗ​പ്പെ​ടു​ത്തി​യു​ള്ള അ​റ​ബി ഭാ​ഷ പ​രി​ശീ​ല​നം’ എ​ന്ന വി​ഷ​യ​ത്തി​ൽ ന​ട​ന്ന വ​ർ​ക്ക് ഷോ​പ്പി​ന് ഡോ. ​ആ​യി​ശ ബ​ലീ​ഹ​ശ് അ​ൽ അം​രി നേ​തൃ​ത്വം ന​ൽ​കി. ‘അ​ന​റ​ബി രാ​ജ്യ​ങ്ങ​ളി​ലെ അ​റ​ബി ഭാ​ഷാ​ധ്യാ​പ​നം’ എ​ന്ന സെ​ഷ​നി​ൽ പ്ര​മു​ഖ അ​റ​ബി ഭാ​ഷ പ​ണ്ഡി​ത​ൻ ഡോ. ​ഹു​സൈ​ൻ മ​ട​വൂ​ർ അ​ധ്യ​ക്ഷ​ത വ​ഹി​ച്ചു. ഇ​ന്ത്യ​യി​ൽ​നി​ന്നും സ​മ്മേ​ള​ന​ത്തി​ൽ പ​ങ്കെ​ടു​ത്ത ഏ​ക പ്ര​തി​നി​ധി​യാ​യി​രു​ന്നു ഡോ. ​ഹു​സൈ​ൻ മ​ട​വൂ​ർ. വി​ദ്യാ​ർ​ഥി​ക​ൾ​ക്ക് തൊ​ഴി​ൽ​മേ​ഖ​ല​യി​ൽ ആ​വ​ശ്യ​മാ​യ ആ​ധു​നി​ക അ​റ​ബി​ഭാ​ഷ പ​രി​ശീ​ലി​പ്പി​ക്കാ​ൻ അ​ന​റ​ബി പ്ര​ദേ​ശ​ങ്ങ​ളി​ൽ ഭാ​ഷാ​ധ്യാ​പ​ന കേ​ന്ദ്ര​ങ്ങ​ൾ ശ്ര​ദ്ധി​ക്ക​ണ​മെ​ന്ന് അ​ദ്ദേ​ഹം പ​റ​ഞ്ഞു. സെ​ഷ​നി​ൽ ഡോ. ​നാ​സി​ഹ് ഒ​സ്മാ​നോ​വ് (ബോ​സ്നി​യ), ഡോ. ​ഫൈ​സ​ൽ മു​ഹ​മ്മ​ദ് അ​ൽ മു​തൈ​രി (സൗ​ദി വി​ദ്യാ​ഭ്യാ​സ വ​കു​പ്പ്), ഡോ. ​ബ​ഹി​യ്യ മു​ഹ​മ്മ​ദ് ഹ​ന്നാ​വി (മ​ദീ​നാ ത്വൈ​ബ യൂ​നി​വേ​ഴ്സി​റ്റി), പ്ര​ഫ. ആ​ലാ ശൈ​ഖ് സു​ലൈ​മാ​ൻ (യു.​കെ) എ​ന്നി​വ​ർ പ്ര​ബ​ന്ധ​ങ്ങ​ൾ അ​വ​ത​രി​പ്പി​ച്ചു. മൂ​ന്ന് ദി​വ​സ​ത്തെ സ​മ്മേ​ള​ന​ത്തി​ൽ അ​റ​ബി ഭാ​ഷാ​ധ്യാ​പ​ന​വു​മാ​യി ബ​ന്ധ​പ്പെ​ട്ട 40 ഓ​ളം പ്ര​ബ​ന്ധ​ങ്ങ​ൾ അ​വ​ത​രി​പ്പി​ച്ച് ച​ർ​ച്ച​ക്ക് വി​ധേ​യ​മാ​ക്കി.

പെ​ട്രോ​ളി​യം, ഐ.​ടി, ഏ​വി​യേ​ഷ​ൻ, ആ​രോ​ഗ്യം, വി​ദ്യാ​ഭ്യാ​സം, നി​ർ​മാ​ണം, വി​നോ​ദ സ​ഞ്ചാ​രം, എ​യ​ർ​പോ​ർ​ട്ട്, വ്യാ​പാ​രം, വ്യ​വ​സാ​യം, ന​യ​ത​ന്ത്രം തു​ട​ങ്ങി​യ മേ​ഖ​ല​ക​ളി​ലു​ള്ള തൊ​ഴി​ൽ സാ​ധ്യ​ത​ക​ൾ കൂ​ടു​ത​ൽ ഉ​പ​യോ​ഗ​പ്പെ​ടു​ത്താ​നു​ള്ള വി​ഷ​യ​ങ്ങ​ളാ​ണ് സ​മ്മേ​ള​ന​ത്തി​ൽ ച​ർ​ച്ച​യി​ൽ വ​ന്ന​ത്.