ഹാഇൽ: കെ.എം.സി.സി ഹാഇൽ മെഗാ ഇവന്‍റ് സീസൺ ത്രിയുടെ ഭാഗമായി സംഘടിപ്പിക്കുന്ന സൗദി നാഷനൽ കമ്മറ്റി നേതാക്കൾക്കുള്ള സ്വീകരണവും കുടുംബ സംഗമവും ഇന്ന് (വ്യാഴാഴ്ച) നടക്കും.
വൈകീട്ട് അഞ്ച് മുതൽ ഹാഇൽ അരൊനാനി ഓഡിറ്റോറിയത്തിലാണ് പരിപാടി. ഹബീബ് മെഡിക്കൽ സെന്‍ററുമായി സഹകരിച്ച് സംഘടിപ്പിക്കുന്ന മെഗാ ഇവൻറിൽ കേരളത്തിൽനിന്നുള്ള പ്രമുഖ ഗായകർ നേതൃത്വം നൽകുന്ന സംഗീത പരിപാടിയും കുട്ടികൾക്കുള്ള വിവിധ കലാപരിപാടികളും അരങ്ങേറും.
കെ.എം.സി.സിയുടെ ഹാഇൽ സെൻട്രൽ കമ്മിറ്റി പ്രസിഡന്‍റ് പദവിയിൽ 30 വർഷം പൂർത്തിയാക്കിയ മൊയ്തു മൊകേരിയെ ചടങ്ങിൽ ആദരിക്കും. പരിപാടിയുടെ നടത്തിപ്പിനായി വിപുലമായ സൗകര്യങ്ങളാണ് ഒരുക്കിയിട്ടുള്ളതെന്ന് സ്വാഗത സംഘം ചെയർമാൻ ബാപ്പു എസ്റ്റേറ്റുമുക്ക്, ജനറൽ കൺവീനർ യു.കെ. നൗഷാദ് ഓമശ്ശേരി, കോഓഡിനേറ്റർ ഫൈസൽ കൊല്ലം എന്നിവർ അറിയിച്ചു.
വായനക്കാരുടെ അഭിപ്രായങ്ങള്‍ അവരുടേത് മാത്രമാണ്, മാധ്യമത്തിേൻറതല്ല. പ്രതികരണങ്ങളിൽ വിദ്വേഷവും വെറുപ്പും കലരാതെ സൂക്ഷിക്കുക. സ്പർധ വളർത്തുന്നതോ അധിക്ഷേപമാകുന്നതോ അശ്ലീലം കലർന്നതോ ആയ പ്രതികരണങ്ങൾ സൈബർ നിയമപ്രകാരം ശിക്ഷാർഹമാണ്. അത്തരം പ്രതികരണങ്ങൾ നിയമനടപടി നേരിടേണ്ടി വരും.